Manchu Manoj Comments on Manchu Family Dispute : మంచు కుటుంబంలో జరుగుతోన్న వివాదం తీవ్ర చర్చనీయాంశంగా మారింది. సినీ నటుడు మోహన్బాబు కుటుంబ వివాదం నేపథ్యంలో ఆయన నివాసంలో చర్చలు జరిగాయి. తెలంగాణ రాష్ట్రంలోని జల్‌పల్లిలోని నివాసంలో సన్నిహితుల సమక్షంలో మోహన్బాబు, మంచు మనోజ్, మంచు విష్ణు, మధ్య చర్చలు జరిగన జరిగాయి. సోమవారం పెద్ద మనుషుల సమక్షంలో మోహన్బాబు, మనోజ్ వివిధ అంశాలపై చర్చించినట్లు సమాచారం. నేడు విదేశాల నుంచి విష్ణు తిరిగి రావడంతో ఈ ముగ్గురూ చర్చలు జరిపారు. చర్చల అనంతరం కుటుంబ వివాదంపై మంచు మనోజ్ మీడియాతో మాట్లాడారు.
పోలీసులు ఏకపక్షంగా ఎందుకు వ్యవహరిస్తున్నారు? : తాను ఆస్తి కోసమో, డబ్బు కోసమో తాను పోరాటం చేయడం లేదని, తాను చేసేది ఆత్మగౌరవ పోరాటమని, ఇది తన భార్య, పిల్లల రక్షణకు సంబంధించిన విషయమని మంచు మనోజ్ అన్నారు. తనను తొక్కేయడానికి భార్య, పిల్లల అంశాన్ని తీసుకొస్తున్నారని ఆరోపించారు. తన భార్యను బెదిరింపులకు చేస్తున్నారని, తన 7 నెలల పాపను దీనిలోకి లాగడం, తన పిల్లలు ఇంట్లో ఉండగానే ఇలా ప్రవర్తించడం సరికాదని అన్నారు.
మంచు కుటుంబంలో రచ్చ రచ్చ - అర్ధరాత్రి వారిని ట్యాగ్ చేస్తూ మనోజ్ ట్వీట్
పోలీసుల వద్దకు వెళ్లి రక్షణ కోరానని గుర్తు చేశారు. తనకు అన్ని విధాలా రక్షణ కల్పిస్తామనే వారు తన మనుషులను బెదరగొట్టి వేరే వాళ్లని లోపలికి పంపించారని ఆరోపించారు. తన మనుషులను ఇక్కడి నుంచి పంపించే అధికారం పోలీసులకు ఎక్కడిది? ఫిర్యాదు తీసుకున్న తర్వాత ఏకపక్షంగా ఎందుకు వ్యవహరిస్తున్నారు? అని ప్రశ్నించారు. తనకు మద్దతు కోసం ప్రపంచంలోని అందర్నీ కలుస్తానని ఆయన వెల్లడించారు.
"ఆస్తి కోసమో, డబ్బు కోసమో పోరాటం చేయట్లేదు. నేను చేసేది ఆత్మగౌరవ పోరాటం. ఇది నా భార్య, పిల్లల రక్షణకు సంబంధించిన విషయం. నా భార్య, పిల్లలు ఇంట్లో ఉండగా నాతో ఇలా ప్రవర్తించడం సరికాదు." - మంచు మనోజ్
బౌన్సర్ల మధ్య ఘర్షణ : మోహన్బాబు నివాసం వద్ద ఘర్షణ చోటు చేసుకుంది. మంచు విష్ణు, మనోజ్ బౌన్సర్ల మధ్య కాస్త ఘర్షణ జరిగింది. ఇరుపక్షాల బౌన్సర్లకు విష్ణు సర్ది చెప్పారు.
My humble request to serve justice through a transparent and righteous investigation.@ncbn Garu @naralokesh Garu @PawanKalyan Garu @Anitha_TDP Garu @revanth_anumula Garu @Bhatti_Mallu Garu @TelanganaCMO @TelanganaDGP Garu 🙏🏼 https://t.co/M3xbNALZje pic.twitter.com/BBokLPLNEP
— Manoj Manchu🙏🏻❤️ (@HeroManoj1) December 9, 2024
అసలేం జరిగింది : మోహన్బాబు, మనోజ్ ఇద్దరూ పరస్పర ఆరోపణలు చేసుకుంటూ లేఖలు విడుదల చేశారు. గుర్తు తెలియని వ్యక్తులు తమపై దాడి చేశారని, తనకు, తన భార్యకు ప్రాణహాని ఉందని పహాడీ షరీఫ్‌ పోలీస్‌ స్టేషన్‌లో మంచు మనోజ్ సోమవారం ఫిర్యాదు చేశారు. మరోవైపు మనోజ్ నుంచి తనకు ప్రాణహాని ఉందని మోహన్బాబు లేఖ ద్వారా రాచకొండ కమిషనర్‌కు ఫిర్యాదు చేశారు. దీంతో మంచు మనోజ్, ఆయన భార్య మౌనికపై కేసు నమోదైంది.
న్యాయం చేయండి : సోమవారం అర్ధరాత్రి ఎక్స్ వేదికగా తెలుగు రాష్ట్రాల ముఖ్యమంత్రులను, ఉపముఖ్యమంత్రులను, ఏపీ హోంమంత్రి అనితను ట్యాగ్ చేస్తూ తనకు న్యాయం చేయాలని మనోజ్ కోరారు.
నా భద్రత గురించి భయంగా ఉంది - మంచు మనోజ్‌పై పోలీసులకు మోహన్బాబు ఫిర్యాదు
