LPG Gas Subsidy Update : కేంద్ర ప్రభుత్వం ఎల్పీజీ గ్యాస్ వినియోగదారులకు కొంతమేర సబ్సిడీ అందిస్తున్న విషయం తెలిసిందే. సాధారణంగా వంటగ్యాస్ వాడేవారు సిలిండర్ బుక్ చేసి డెలివరీ అయిపోయిన తర్వాత ఈ రాయితీ డబ్బులు నేరుగా అకౌంట్లోకి జమ అవుతాయి. అయితే కొంతమందికి పలు కారణాల వల్ల సబ్సిడీ పడకపోవచ్చు. అలాగే కొందరికి సబ్సిడీ వచ్చినా అకౌంట్లో ఎన్ని డబ్బులు పడ్డాయో చెక్ చేసుకోవడం తెలియదు. అదేవిధంగా ఇప్పటికీ ఈ-కేవైసీ(LPG e-Kyc) ప్రక్రియను పూర్తి చేయనివారు ఉంటే ఇప్పుడే ఈజీగా ఇంటి వద్ద నుంచే ఆ ప్రక్రియను కంప్లీట్ చేసుకోండి. ఆ వివరాలు ఈ స్టోరీలో తెలుసుకుందాం..
Gas Subsidy Check Online : చాలా మందికి గ్యాస్ సిలిండ‌ర్‌పై వ‌చ్చే స‌బ్సిడీని ఎలా చెక్ చేసుకోవాలో చేయాలో తెలియదు. అలాంటి వారు ఈజీగా ఫోన్లో మీకు ఎంత సబ్సిడీ వచ్చిందో తెలుసుకోవచ్చు. అయితే దీనికోసం ముందుగా మీ ఎల్పీజీ ఐడీ తెలుసుకొని ఆ తర్వాత సబ్సిడీ స్టేటస్ చెక్ చేసుకోవాలి. ఆ ప్రాసెస్ ఇప్పుడు చూద్దాం..
- మీరు ముందుగా http://mylpg.in/ వెబ్సైట్ ఓపెన్ చేయాలి.
- అక్కడ పైన కుడి వైపున మీ LPG IDకి సంబంధించిన వివరాలు తెలుసుకునే ఆప్షన్ ఉంటుంది. దానిపై క్లిక్ చేయాలి.
- అప్పుడు మీ గ్యాస్ కంపెనీ పేరు అడుగుతుంది. అక్కడ కనిపించే ఆప్షన్లలో మీరు వాడే కంపెనీ ఎంచుకోవాలి.
- ఆ తర్వాత మీకు ఒక కొత్త పేజీ ఓపెన్ అవుతుంది. అక్కడ మీ ఫోన్ నంబ‌రు లేదా గ్యాస్ పంపిణీ చేసే డిస్ట్రిబ్యూట‌ర్ పేరు, వినియోగ‌దారుని నంబ‌రు వంటి వివరాలు అడుగుతోంది. అవి పూర్తి చేయాలి.
- అనంతరం అక్కడ కనిపించే captcha code (క్యాప్చా కోడ్) ఎంటర్ చేసి సబ్మిట్ చేయాలి. ఇలా చేసిన తర్వాత మీకు LPG ID వస్తుంది.
- ఇప్పుడు ఈ స్టెప్స్ ద్వారా గ్యాస్ సబ్సిడీ తెలుసుకోవచ్చు..
- మ‌ళ్లీ మీరు పైన తెలిపిన వెబ్సైట్ ఓపెన్ చేసి.. పైన కుడి వైపున కనిపించే ఖాళీల్లో మీ LPG ID ఎంటర్ చేయాలి. ఆ తర్వాత మీ రిజిస్టర్డ్ ఫోన్ నంబ‌రు నమోదు చేసి.. ఆపై అక్కడ కనిపించే captcha నింపాలి.
- ఇదంతా చేసిన తర్వాత మీ ఫోన్కు ఓటీపీ వస్తుంది. దానిని ఫిల్ చేయగానే మరో పేజీ ఓపెన్ అవుతుంది.
- అక్కడ మీ ఈమెయిల్ ఐడీ ఎంటర్ చేసి ఒక పాస్ వ‌ర్డ్ క్రియేట్ చేసుకోవాలి.
- ఆ తర్వాత మీ ఈ-మెయిల్కు యాక్టివేష‌న్ లింక్ వస్తుంది. దాన్ని క్లిక్ చేయగానే మీ అకౌంట్ యాక్టివేట్ అవుతుంది.
- ఆపై ఒక‌సారి http://mylpg.in/ ఓపెన్ చేసి మీ అకౌంట్లోకి లాగిన్ అవ్వాలి.
- లాగిన్ అయ్యాక అక్కడ View Cylinder Booking History / subsidy transferred ఆప్ష‌న్లపై క్లిక్ చేసి ఈజీగా మీ సబ్సిడీ వివరాలు తెలుసుకోవచ్చు.
రూ.500కే గ్యాస్ సిలిండర్ హామీ అమలుకు ప్రతిపాదనలు సిద్ధం - వీరే అర్హులు!
ఆన్‌లైన్లో గ్యాస్ ఈ-కేవైసీ పూర్తి చేసుకోండిలా..
- మీరు ముందుగా ఎల్పీజీ గ్యాస్ అధికారిక వెబ్సైట్ www.mylpg.in లోకి వెళ్లాలి.
- అప్పుడు అక్కడ కుడివైపు పైన భారత్ గ్యాస్/HPగ్యాస్/ఇండేన్ సిలిండర్ బొమ్మలు కనిపిస్తాయి. అప్పుడు అందులో మీ గ్యాస్ ఏ కంపెనీది అయితే.. దానిపై నొక్కాలి.
- ఆ తర్వాత ఓపెన్ అయిన కొత్త పేజ్లో కుడివైపు పైన Sign In, New User ఆప్షన్స్ కనిపిస్తాయి.
- ఒకవేళ మీరు ఇప్పటికే రిజిస్టర్ చేసుకుంటే మొబైల్ నంబర్‌తో Sign In అవ్వాలి. లేదంటే 'New User' అనే ఆప్షన్ సెలెక్ట్ చేసుకోవాలి.
- New User పేజ్లోకి వెళ్లాక గ్యాస్ కన్య్జూమర్ నంబర్ సహా.. అడిగిన వివరాలన్నీ సబ్మిట్ చేయాలి.
- అనంతరం ఐడీతో లాగిన్ అవ్వాలి. అప్పుడు మీ గ్యాస్ కనెక్షన్‌కు సంబంధించిన వివరాలన్నీ స్క్రీన్పై డిస్ప్లే అవుతాయి.
- అప్పుడు ఎడమ వైపు కనిపించే 'ఆధార్ అథెంటికేషన్' అనే ఆప్షన్ ఎంచుకొని మీ ఆధార్ నంబర్ ఎంటర్ చేయాలి. ఆ తర్వాత గెట్ ఓటీపీపై క్లిక్ చేయాలి.
- ఆపై మీ రిజిస్టర్డ్ మొబైల్ నంబర్‌కు వచ్చిన ఓటీపీ అక్కడ నమోదు చేసి అథెంటికేషన్ ఆప్షన్ పై ప్రెస్ చేయాలి.
- అంతే ఆ తర్వాత మీకు విజయవంతంగా అథెంటికేషన్ పూర్తియినట్లు ఫోన్కు మెసేజ్ వస్తుంది.
- ఒకవేళ మీరు KYC స్టేటస్ చెక్ చేసుకోవాలనుకుంటే.. మరోసారి 'ఆధార్ అథెంటికేషన్' ఆప్షన్పై క్లిక్ చేయండి.
- అప్పుడు ఇప్పటికే ఈ-కేవైసీ పూర్తి చేశారనే సందేశం వస్తుంది.
- ఒకవేళ మీరు ఆఫ్‌లైన్లో ఈ ప్రక్రియ పూర్తి చేయాలని అనుకుంటే.. కేవైసీ ఫారమ్ నింపి గ్యాస్ ఏజెన్సీలో ఇవ్వాల్సి ఉంటుంది. ఆ తర్వాత నాలుగైదు రోజుల్లో మీ KYC ప్రక్రియ పూర్తవుతుంది.
- లేదంటే గ్యాస్ డెలివరీ బాయ్ మీ ఇంటికి వచ్చినప్పుడు అతని ద్వారా మీరు కేవైసీ ప్రక్రియను పూర్తి చేసుకోవచ్చు.
మీ సిలిండర్లో గ్యాస్ ఎంత మిగిలి ఉంది? - ఇలా చేస్తే ఈజీగా తెలిసిపోద్ది!
