దిల్లీలోని ఈడీ కార్యాలయంలో కవితను కలిసిన భర్త అనిల్​, కేటీఆర్‌, హరీశ్‌రావు

KTR and Harish Rao Meet Kavitha in Delhi : దిల్లీ లిక్కర్ స్కామ్ కేసులో బీఆర్ఎస్ ఎమ్మెల్సీ కల్వకుంట్ల కవిత అరెస్టైన విషయం తెలిసిందే. నేడు దిల్లీలోని ఈడీ కార్యాలయంలో ఆమె భర్త అనిల్​ సహా కుటుంబసభ్యులు కేటీఆర్, హరీశ్​రావు కలిశారు. యోగ క్షేమాలు తెలుసుకున్న కుటుంబీకులు, న్యాయ పోరాటం చేద్దామని కవితకు ధైర్యం చెప్పినట్లు సమాచారం.

KTR and Harish Rao Meet Kavitha in Delhi : దిల్లీ మద్యం కేసులో అరెస్టైన బీఆర్​ఎస్​ ఎమ్మెల్సీ కవితను దిల్లీలోని ఈడీ కార్యాలయంలో భర్త అనిల్‌ సహా కుటుంబసభ్యులు కేటీఆర్​, హరీశ్‌రావు కలిశారు. ఆమె యోగక్షేమాలపై ఆరా తీసిన కుటుంబీకులు, న్యాయ పోరాటం చేద్దామని కవితకు ధైర్యం చెప్పినట్లు సమాచారం. ఈ కేసుకు సంబంధించి పలువురిని ఈడీ (ED Investigation) విచారించనుంది. కవిత నివాసంలో సోదాల సమయంలో 5 సెల్ ఫోన్లను ఈడీ స్వాధీనం చేసుకోగా, వాటిలో రెండు ఫోన్లు కవితవి కాగా, మిగిలినవి ఆమె వ్యక్తిగత సహాయకులు వాడుతున్నట్లు సమాచారం. వారందరితో పాటు పలువురిని సోమవారం ఈడీ విచారణకు పిలిచినట్లు తెలుస్తోంది.

7 Days ED Custody for MLC Kavitha : అటు కవితను కస్టడీకి తీసుకునేందుకు కోర్టు అనుమతి ఇవ్వడంతో ఈడీ అధికారులు నేడు తొలిరోజు ఆమెను విచారించారు. 7 రోజుల పాటు కొనసాగునున్న విచారణ, ఈ నెల 23తో ముగుస్తుంది. ఈ నేపథ్యంలో ఈడీ కేంద్ర కార్యాలయంలోని ప్రత్యేక సెల్​లో కవితను ఉంచారు. ప్రతిరోజు సాయంత్రం 6 గంటల నుంచి 7 గంటల వరకు కుటుంబసభ్యులు, న్యాయవాదులను కలుసుకునే వెసులుబాటును రౌస్​ అవెన్యూ న్యాయస్థానం (Rouse Avenue Court) కల్పించింది. ఇంటి నుంచి భోజనానికీ ఓకే చెప్పింది. కవితను కలుసుకునేందుకు అనుమతి పొందిన వారిలో ఆమె భర్త అనిల్, సోదరుడు కేటీఆర్, కుటుంబసభ్యుల్లో హరీశ్​రావు, ప్రణీత్, ఇతర న్యాయవాదుల బృందం పేర్లు ఉన్నాయి. కవితను కలుసుకునేందుకు కేటీఆర్, హరీశ్​రావు సహా ప్రశాంత్ రెడ్డి, జీవన్ రెడ్డి, జాన్సన్ నాయక్ ఉదయం దిల్లీ వెళ్లారు.

ED Raids At MLC Kavitha House : దిల్లీ మద్యం కుంభకోణం కేసుకు సంబంధించి బీఆర్ఎస్ ఎమ్మెల్సీ కవిత ఇంట్లో శుక్రవారం దర్యాప్తు సంస్థ ఈడీ, ఐటీ అధికారులు సంయుక్తంగా సోదాలు నిర్వహించారు. ఈ క్రమంలోనే ఆమె నివాసంలో పలు కీలక డాక్యుమెంట్లు స్వాధీనం చేసుకున్నారు. బంజారాహిల్స్​లోని కవిత నివాసంలో ఆమెను అరెస్ట్​ చేసి, నేరుగా శంషాబాద్ విమానాశ్రయం ద్వారా దిల్లీకి తరలించారు. దిల్లీ మద్యం కేసులోని ప్రధాన కుట్రదారుల్లో బీఆర్​ఎస్ ఎమ్మెల్సీ కవిత ఒకరని, ఆమె కింగ్​ పిన్ అని దర్యాప్తు సంస్థ ఈడీ పేర్కొంది. ఈ వ్యవహారంలో ఆప్​ నేతలకు కవిత రూ.100 కోట్లు లంచం ఇవ్వడమే కాకుండా రూ.192.8 కోట్లు అక్రమంగా ఆర్జించినట్లు ఎన్​ఫోర్స్​మెంట్ డైరెక్టరేట్ తెలిపింది.