Jagan Cheated People by not Fulfilling Promises: ఎవరైనా ఏప్రిల్ 1 రోజే ఫూల్స్‌ని చేస్తారు. కానీ సీఎం జగన్ మాత్రం గతంలో ఇచ్చిన హామీలపై నచ్చినప్పుడల్లా నాలుక మడతపెడుతూ ఐదేళ్లుగా రాష్ట్ర ప్రజలను ఫూల్స్‌ని చేస్తూనే ఉన్నారు. జగన్ ప్రతిపక్ష నేతగా ఉన్నప్పటి నుంచీ ప్రజలపై జోక్స్ వేస్తూనే ఉన్నారు. ఇచ్చిన హామీలను అమలు చేయకుండానే, చేసేసినట్లు చెబుతూ ప్రజల్ని ఫూల్స్‌ని చేస్తూనే ఉన్నారు.
Prohibition of Alcohol: ప్రజలపై జగన్ సంధించిన అతి పెద్ద జోక్ మద్యపాన నిషేధం. అధికారంలోకి వచ్చాక మూడుదశల్లో మద్యాన్ని నిషేధిస్తామని హామీ ఇచ్చారు. మద్యాన్ని ఫైవ్‌ స్టార్‌ హోటళ్లకే పరిమితం చేసి ఆ తర్వాతే 2024 ఎన్నికల్లో ఓట్లడుగుతామన్నారు. అధికారంలోకి వచ్చిన వెంటనే మద్యపాన నిషేధం హామీకి మంగళం పాడేశారు. జగన్ అధికారం చేపట్టాక జె-బ్రాండ్లతో ప్రజల ప్రాణాలతో చెలగాటమాడుతూ లక్షా 20 వేల కోట్ల విలువైన మద్యం విక్రయాలు జరిపారు.
Jagan Promise to Farmers: 2019 ఎన్నికలకు ముందు రైతుల్ని ఆకట్టుకునేందుకు జగన్ ఊరికో హామీ ఇచ్చారు. రైతులకు ఏటా 12 వేల500 చొప్పున ఆర్థిక సాయం అందజేస్తామని హామీ ఇచ్చారు. చెప్పినదాని కంటే మిన్నగా ఏడాదికి 13వేల 500 ఇస్తున్నామని ఇప్పుడు గొప్పలు చెబుతున్నారు. కానీ రాష్ట్రప్రభుత్వం ఇస్తోంది ఏటా 7వేల 500 మాత్రమే. కేంద్ర ప్రభుత్వం పీఎం కిసాన్‌ నిధి కింద ఇస్తున్న 6వేలు కూడా కలిపి 13వేల 500 ఇస్తున్నట్లుగా లెక్కలు చెబుతున్నారు. ఇది రైతుల్ని ఫూల్స్ చేయడం కాదా? టమాటా ఎక్కువగా పండే రాయలసీమలో ప్రతి మండలంలోను జ్యూస్ పరిశ్రమలు, 4 వేల కోట్లతో ప్రకృతి విపత్తుల నిధి ఏర్పాటు చేస్తామన్నారు. ఇలా చాలా హామీలిచ్చి జగన్ జనాన్ని మభ్యపెట్టారు.
Special Status: 'హోదా సాధిద్దాం ఉద్యోగాల విప్లవం తెద్దాం' ఇది వైసీపీ మ్యానిఫెస్టోలోని నినాదం. 25 మంది ఎంపీలను గెలిపిస్తే కేంద్రం మెడలు వంచి రాష్ట్రానికి ప్రత్యేకహోదా తెస్తానన్న జగన్, అధికారంలోకి వచ్చిన వెంటనే దిల్లీ వేదికగా రాష్ట్ర ప్రజల్ని పూల్స్‌ని చేశారు.
Job Calendar: లక్షల మంది నిరుద్యోగులు జగన్ చేతిలో ఫూల్స్ మిగిలిపోయారు. ఖాళీగా ఉన్న 2 లక్షల ఉద్యోగాల్ని భర్తీ చేయడంతో పాటు, ఏటా జనవరి 1న జాబ్ క్యాలెండర్ విడుదల చేస్తామని వైసీపీ మ్యానిఫెస్టోలో హామీ ఇచ్చారు. ఈ ఐదేళ్లలో ఒక్కసారే జాబ్ క్యాలెండర్ ఇచ్చారు. అది కూడా అరకొర ఉద్యోగాలకే. అటు ప్రభుత్వ ఉద్యోగాలు లేక, జగన్ అరాచక విధానాలకు భయపడి రాష్ట్రానికి పరిశ్రమలు ముఖం వాటేయడం, ఉన్న పరిశ్రమల్ని ప్రభుత్వం తరిమేయడం, ఐటీ రంగం అభివృద్ధిపై ఎలాంటి శ్రద్ధా పెట్టకపోవడంతో ప్రైవేటు రంగంలోనూ ఉద్యోగాల్లేక యువత రాష్ట్రం నుంచి విపరీతంగా వలసపోతోంది. రాష్ట్రంలోని యువతలో వలసల రేటు 31.6 శాతం ఉన్నట్లుగా తాజా నివేదిక పేర్కొంది. దీనికేమంటారు జగన్ అని నిరుద్యోగులు ప్రశ్నిస్తున్నారు.
Abolition of CPS: 'సీపీఎస్ రద్దు చేస్తాం. పాత పెన్షన్ విధానాన్ని పునరుద్ధరిస్తాం. సకాలంలో పీఆర్సీ అమలు పరుస్తామని ఇచ్చిన హామీని గాలికొదిలేసి ఈ ఐదేళ్లలో జగన్ ప్రభుత్వం ఉద్యోగుల్ని ఎంతగా ముప్పుతిప్పలు పెట్టిందో పెద్దగా చెప్పక్కర్లేదు. సీపీఎస్ రద్దు చేయలేదు సరికదా దాని కోసం ఉద్యమించిన ఉద్యోగులపై ఉక్కుపాదం మోపారు. ఉద్యోగుల అభిప్రాయంతో సంబంధం లేకుండా ఏకపక్షంగా జీపీఎస్ పేరుతో కొత్త విధానం తెచ్చి వారిని పూల్స్‌ని చేశారు. పీఆర్సీలో ఐఆర్ కంటే ఫిట్‌మెంట్ తగ్గించేసి మరోసారి పూల్స్‌ని చేశారు.
Jagan Assurance on Capital: రాజధానిపై జగన్ ఎన్నిసార్లు జనాన్ని ఫూల్స్‌ని చేశారో లెక్కేలేదు. విజయవాడ, గుంటూరు మధ్య రాజధాని ఏర్పాటుకు తమకు అభ్యంతరం లేదని అసెంబ్లీ సాక్షిగా చెప్పారు. అధికారంలోకి వచ్చిన వెంటనే మూడు రాజధానులను తెరపైకి తెచ్చి అమరావతిని దెబ్బతీశారు. పైగా ఇటీవల ఎన్నికల ప్రచారంలో మూడు రాజధానులు ఏర్పాటు చేసేసినట్లు చెప్పారు. ప్రజలను ఎన్నిసార్లైనా పూల్స్‌ని చేయవచ్చనే బలమైన నమ్మకమేదో జగన్‌కు ఉన్నట్లుందని రైతులు విమర్శిస్తున్నారు.
జగన్ బంధుత్వాలకు అర్థం తెలుసా? చంపిన వాళ్లు నీ పక్కనే ఉన్నారు- వైఎస్ సునీత - ys viveka murder case
Polavaram Project: పోలవరం సహా అన్ని సాగునీటి ప్రాజెక్టుల్నీ యుద్ధ ప్రాతిపదికన పూర్తి చేస్తామని వైసీపీ మ్యానిఫెస్టోలో హామీ ఇచ్చింది. 2019 జూన్ 20న సీఎం హోదాలో తొలిసారి పోలవరం ప్రాజెక్టుని సందర్శించిన జగన్ 2021 జూన్ నాటికి పోలవరం పూర్తి చేసి నీళ్లందిస్తామని చెప్పారు. పోలవరం సహా అన్ని ప్రాజెక్టుల్నీ అటకెక్కించేశారు.
Petrol Rates: ఏపీలో పెట్రోలు, డీజిల్ ధరలు దేశంలోనే అత్యధికంగా ఉన్నాయని ఎన్నికల ముందు సీఎం జగన్ గగ్గోలు పెట్టారు. అధికారంలోకి వచ్చాక అప్పటి వరకు లీటరుకు 2 రూపాయలు ఉన్న అదనపు వ్యాట్‌ను 4కు పెంచారు. ప్రస్తుతం కర్ణాటక, తమిళనాడుతో పోలిస్తే రాష్ర్టంలో లీటరు ధర 10 రూపాయలు ఎక్కువ.
