Illegal Liquor Bottles Seized the Police in NTR District: సార్వత్రిక ఎన్నికల నేపథ్యంలో ఎన్టీఆర్ జిల్లాలో పోలీసులు మద్యం బాటిళ్లను స్వాధీనం చేసుకున్నారు. ఎన్టీఆర్ జిల్లా వీరులపాడు మండలం పల్లంపల్లి వద్ద అక్రమంగా తరలిస్తున్న మద్యం సీసాలను వీరులపాడు పోలీసులు పట్టుకున్నారు. తెలంగాణ నుంచి ఆంధ్రాకు 908 మద్యం బాటిల్స్ను ఆటోలో తరలిస్తున్న షేక్ అహ్మద్ అనే వ్యక్తిని అదుపులోకి తీసుకున్నారు. అతనిపై కేసు నమోదు చేసి దర్యాప్తు చేస్తున్నట్లు పోలీసులు వెల్లడించారు.
కాకినాడలో భారీగా మద్యం పట్టివేత - పోలీసుల అదుపులో డ్రైవర్ - Liquor Seized
పల్నాడు జిల్లా పిడుగురాళ్ల నగర శివారులో పరిమితికి మించి తరలిస్తున్న 1050 మద్యం బాటిళ్లను ఎన్నికల ఫ్లైయింగ్ స్క్వాడ్ స్వాధీనం చేసుకున్నారు. వాటి విలువ సుమారు రూ. 2 లక్షల ఉంటుందని సేబ్ అధికారులు తెలిపారు. మద్యం బయటకు సరఫరా చేస్తున్న రెస్టారెంట్ను సెబ్ అధికారులు సీజ్ చేశారు. మద్యం తరలిస్తున్న కారును, ఇద్దరు వ్యక్తులను పోలీసులు అదుపులోకి తీసుకున్నారు. వారిపై కేసు నమోదు చేసినట్లు పోలీసులు తెలిపారు.
పిఠాపురంలో భారీ మద్యం డంప్లు - రూ.80 లక్షల విలువ చేసే లిక్కర్ స్వాధీనం - Liquor Seized
తెలంగాణ నుంచి సార్వత్రిక ఎన్నికల నేపథ్యంలో నందిగామకు అక్రమంగా స్కూటీపై తరలిస్తున్న 100 మద్యం సీసాలను పోలీసులు పట్టుకున్నారు. తెలంగాణలోని కోదాడ నుంచి ఒక వ్యక్తి స్కూటీపై 100 మద్యం బాటిళ్లను కొనుగోలు చేసి స్కూటీలో వేరువేరు ప్రాంతాల్లో రహస్యంగా నందిగామకు తరలిస్తుండగా అతడిని పోలీసులు పట్టుకున్నారు. నందిగామ శివారు అనాసాగరం ఫ్లైఓవర్ వద్ద పోలీసులు వాహనాలు తనిఖీ చేస్తుండగా స్కూటీలో అక్రమ మద్యం ఉందని గుర్తించి వాటిని స్వాధీనం చేసుకున్నారు. స్థానిక ఏసీబీ రవి కిరణ్ ,సీఐ హనీష్ స్కూటీని పరిశీలించి మద్యం అక్రమ రవాణా చేస్తే కఠిన చర్యలు తీసుకుంటామని రవికిరణ్ హెచ్చరించారు.
నెల్లూరు జిల్లాలో కోటి విలువైన మద్యం డంప్ - వైసీపీ నాయకుడిదేనా! - one crore worth liquor seized
ఎన్నికలు ప్రశాంతంగా నిర్వహించాలనే ఉద్దేశంతో అధికారులు ఎక్కడికక్కడ చెక్పోస్టులను ఏర్పాటు చేస్తున్నారు. భారీగా మద్యం, డబ్బును రవాణా చేసి ఓటర్లను ప్రలోభాలకు గురిచేస్తారనే ఉద్దేశంతో పోలీసులు భారీగా తనిఖీలు నిర్వహిస్తున్నారు. తనిఖీలు పట్టుబడితే కఠిన చర్యలు తప్పవని అధికారులు హెచ్చరిస్తున్నారు. అయినా కూడా కొంతమంది అక్రమంగా మద్యాన్ని ఇతర రాష్ట్రాల నుంచి తరలిస్తున్నారు.
