Prostitution Racket Arrested in Hyderabad : హైదరాబాద్లో హైటెక్ విధానంలో వ్యభిచార దందా చేస్తున్న ముఠాను పోలీసులు అదుపులోకి తీసుకున్నారు. నలుగురు నిర్వాహకులు, ఒక విటుడిని అరెస్టు చేశారు. ఆరుగురు యువతులను రక్షించారు. అయితే వ్యభిచార గృహం నిర్వాహకురాలిపై గతంలో 16 కేసులున్నాయి. టాస్క్ఫోర్స్ డీసీపీ సాధన రష్మీ పెరుమాళ్ గురువారం మీడియాకు కేసు గురించి పలు వివరాలు వెల్లడించారు.
నిరుద్యోగ యువతులే వీరి టార్కెట్ : విజయవాడకు చెందిన కె.సూర్యకుమారి (38) ఈ వ్యభిచారి ముఠాకు లీడర్. పది మారు పేర్లతో చలామణి అవుతున్న ఆమె నగరంలోని మధురానగర్లో నివసిస్తోంది. తిరుపతికి చెందిన కె. విజయశేఖర్ రెడ్డి (49) అక్కడే ఉండేవాడు. వీరుద్దరూ కలిసి నగరంలో వ్యభిచార గృహాలు నిర్వహించేవారు. 2020లో పీడీ యాక్టు కింద జైలుకు పంపినా తీరు మారలేదు.
Massage Centers Seized in Banjarahills : మసాజ్ సెంటర్ ముసుగులో వ్యభిచారం.. నిర్వాహకుల అరెస్ట్
సూర్యకుమారి, విజయ శేఖర్‌రెడ్డి ఏపీ, పశ్చిమబెంగాల్, త్రిపుర తదితర రాష్ట్రాల తదితర రాష్ట్రాలకు చెందిన యువతులకు డబ్బు, ఉద్యోగాల ఆశ చూపి నగరానికి తీసుకొచ్చే వారు. అనంతరం వారిని వ్యభిచార రొంపిలోకి దింపి సొమ్ము చేసుకునేవారు. శేఖర్‌రెడ్డి కస్టమర్ల డేటాను ఒక యాప్‌లో ఉంచగా కస్టమర్లు వారికి కావాల్సిన యువతిని బుక్ చేసుకుంటారు. యాప్ ఆధారంగా కస్టమర్లు చెప్పిన ప్రాంతాలు, హోటళ్లకు యువతులను తీసుకెళ్తారు. సూర్యకుమారి కస్టమర్ల నుంచి క్రెడిట్, డెబిట్‌ కార్డుల ద్వారా డబ్బు తీసుకుంటోంది.
