Disha Encounter Case : దిశా నిందితుల ఎన్కౌంటర్ కేసులో పోలీసులకు ఊరట లభించింది. ఈ ఘటనతో సంబంధమున్న పోలీసులు, షాద్నగర్ తహశీల్దార్పై ఎటువంటి చర్యలు వద్దంటూ హైకోర్టు ఆదేశించింది. గతంలో రాష్ట్రవ్యాప్తంగా సంచలనం సృష్టించిన దిశా నిందితుల ఎన్కౌంటర్పై నిజనిజాలకు జస్టిస్ సిర్పూర్కర్ కమిషన్ను ఏర్పాటు చేసిన విషయం తెలిసిందే. ఈ కమిషన్ను సుప్రీంకోర్టు నియమించింది. క్షేత్రస్తాయిలో పర్యటించిన జస్టిస్ సిర్పూర్కర్ కమిషన్, పలువురిని విచారించింది.
విచారణ అనంతరం ఎన్కౌంటర్ చేసిన పోలీసులపై క్రిమినల్ చర్యలు తీసుకోవాలని కమిషన్ తమ నివేదికలో పేర్కొంది. దీనిపై స్పందించిన పోలీసులు నివేదిక సరిగ్గా లేదంటూ హైకోర్టులను ఆశ్రయించారు. ఈ నేపథ్యంలో పోలీసుల పిటిషన్ను విచారించిన న్యాయస్థానం, పోలీసులపై ఎటువంటి చర్యలు తీసుకోవద్దంటూ ఆదేశించింది.
