Group 2 Exams Instructions To Candidates : గ్రూప్- 2 పరీక్షలు సమీపిస్తున్న నేపథ్యంలో అభ్యర్థులకు టీజీపీఎస్సీ పలు సూచనలు చేస్తోంది. డిసెంబర్ 15, 16 తేదీల్లో గ్రూప్-2 పరీక్షలు జరగనున్నాయి. వ్యక్తిగతంగా సైతం మెసేజ్ల రూపంలో సూచనలను పంపుతోంది. పరీక్షకు హాజరయ్యే వారు తప్పని సరిగా హాల్టికెట్పై పాస్పోర్ట్ సైజ్ లేటెస్ట్ ఫోటోలను అతికించాలని పేర్కొంది. హాల్ టికెట్పై ఫోటోలేని వారిని పరీక్ష రాసేందుకు అనుమతించమని పేర్కొంది.
పరీక్షల తేదీ, సమయం : డిసెంబరు 15వ తేదీ ఉదయం 10 గంటల నుంచి మధ్యాహ్నం 12.30 గంటల వరకు పేపర్ -1 జరగనుంది. మధ్యాహ్నం 3 గంటల నుంచి సాయంత్రం 5.30 గంటల వరకు పేపర్-2, అలాగే డిసెంబరు 16వ తేదీ ఇదే సమయాల్లో పేపర్ 3,4 పరీక్ష ఉంటుంది.
నిమిషం ఆలస్యమయినా అనుమతించరు :
- పరీక్షకు ఒకరోజు ముందే పరీక్షా కేంద్రాలకు వెళ్లి పరిశీలించుకోవాలని.. దీంతో పరీక్షరాయడానికి సెంటర్లకు సమయానికి చేరుకోవచ్చని తెలిపింది.
- ఎగ్జామ్ ప్రారంభించడానికి గంట ముందు నుంచి అభ్యర్థులను పరీక్ష కేంద్రాలలోనికి అనుమతించనున్నట్టు పేర్కొంది.
- పరీక్ష ప్రారంభమయ్యే సమయం కంటే అరగంట ముందే గేట్లు మూసివేస్తారు.
- పరీక్షా సమయానికి నిమిషం ఆలస్యమయినా పరీక్ష కేంద్రంలోనికి అనుమతించబోమని టీజీపీఎస్సీ స్ఫష్టం చేసింది.
- బ్లూ, బ్లాక్ బాల్ పాయింట్ పెన్, హాల్ టిక్కెట్, ఏదైనా గుర్తింపు కార్డులను(ఆధార్, పాన్కార్డు) మాత్రమే అభ్యర్థి పరీక్షా కేంద్రంలోనికి తీసుకురావాలని తెలిపింది.
- అభ్యర్థులు ఓఎంఆర్ షీట్లో బబ్లింగ్ తప్పులు లేకుండా రాయాలని సూచించింది.
- సెల్ ఫోన్లు, ట్యాబ్లు, పెన్డ్రైవ్లు, బ్లూటూత్లు, స్మార్ట్ వాచ్లు, హ్యాండ్ బ్యాగ్లు, పౌచ్లు, రైటింగ్ ప్యాడ్స్, నోట్స్, ఛార్ట్లు లోపలికి అనుమతించరని తెలిపారు.
హాల్ టికెట్లు డౌన్లోడ్ : హాల్ టికెట్లు డౌన్లోడ్ కోసం అభ్యర్థులు తమకు సంబంధించిన టీజీపీఎస్సీ ఐడీ నెంబరు, పుట్టిన తేదీ, క్యాప్చా కోడ్‌ను ఎంటర్‌ చేయాలి. అనంతరం డౌన్లోడ్ పీడీఎఫ్ అనే ఆప్షన్పై క్లిక్ చేస్తే వెంటనే హాల్టికెట్ డౌన్లోడ్ అవుతుంది. ఈ ప్రక్రియలో ఏవైనా సమస్యలు తలెత్తితే పరిష్కరించేందుకు జిల్లాల వారీగా హెల్ప్‌లైన్‌ నంబర్లను పెట్టారు. అభ్యర్థులు ఈ నంబర్లకు ఫోన్ చేసి వివరాలను అడగవచ్చు. ఇంకా అదనపు సమాచారం కావాలంటే టీజీపీఎస్సీ హెల్ప్‌లైన్‌ నంబర్లు 23542185/23542187/040-22445566/కు ఫోన్ చేయొచ్చు. లేదా ఈ-మెయిల్‌ కావాలంటే helpdesk@tspsc.gov.inకు చేయవచ్చు.
గ్రూప్-2 పరీక్షలు యథాతథం - వాయిదాకు నిరాకరించిన హైకోర్టు
గ్రూప్-2 అభ్యర్థులకు మరో అప్డేట్ - ఈనెల 9 నుంచి టీజీపీఎస్సీ వెబ్‌సైట్‌లో హాల్‌టికెట్లు లభ్యం
