గ్రూప్​ 2 పరీక్షను వాయిదా వేయాలని టీజీపీఎస్సీ ఛైర్మన్​కు డిప్యూటీ సీఎం ఆదేశం - Bhatti Meet Group 2 Candidates

Deputy CM Bhatti Vikramarka Meet Group 2 Candidates : గత కొన్ని రోజులుగా గ్రూపు-2 పరీక్షను వాయిదా వేయాలని అభ్యర్థులు కోరుతున్న నేపథ్యంలో వారితో డిప్యూటీ సీఎం భట్టి విక్రమార్క చర్చలు జరిపారు. సచివాలయంలో జరుగుతున్న ఈ భేటీలో గ్రూప్​-2 అభ్యర్థులు తమ సమస్యలను వివరించారు. ఈ నేపథ్యంలో డిప్యూటీ సీఎం గ్రూప్​ 2 పరీక్ష వాయిదా వేయాలని టీజీపీఎస్సీ ఛైర్మన్​కు ఫోన్​ చేసి ఆదేశించారు.

Deputy CM Bhatti Vikramarka Discussion with Group 2 Candidates : సచివాలయంలో గ్రూపు -2 అభ్యర్థులతో డిప్యూటీ సీఎం భట్టి విక్రమార్క చర్చలు జరిపారు. గ్రూపు-2 అభ్యర్థులతో ఎంపీలు మల్లు రవి, బలరాం నాయక్​ చర్చించారు. గ్రూపు -2 వాయిదా వేయాలని అభ్యర్థులు కోరారు. ఈ క్రమంలో టీజీపీఎస్సీ ఛైర్మన్​కు ఫోన్​ చేసి గ్రూప్​ 2 పరీక్ష వాయిదా వేయాలని డిప్యూటీ సీఎం భట్టి విక్రమార్క ఆదేశించారు. డిసెంబరు నెలలో పరీక్ష నిర్వహణకు పరిశీలిస్తామని చెప్పారు.

ఈ సందర్బంగా డిప్యూటీ సీఎం భట్టి విక్రమార్క స్పందిస్తూ, గ్రూప్​ 2 పరీక్షను వాయిదా వేయాలని టీజీపీఎస్సీని ఆదేశించారు. అలాగే విద్యా వ్యవస్థను సమూలంగా మార్చాలని వడివడిగా అడుగులు వేస్తున్నామని అన్నారు. బెదిరించి బ్లాక్​ మెయిల్​ చేసి కేసులు పాలైతే మీరే నష్టపోతారని హెచ్చరించారు. కొందరు వారి లాభాల కోసం చేసే ప్రయత్నాల్లో మీరు ఇబ్బందులు పడొద్దన్నారు.

అంబేద్కర్​ నాలెడ్జ్​ సెంటర్ల ఏర్పాటు : విద్యా వ్యవస్థను సమూలంగా మార్చాలని వడివడిగా అడుగులు వేస్తున్నాం. బెదిరించి బ్లాక్​ మెయిల్​ చేసి కేసుల పాలైతే మీరే నష్టపోతారు. కొందరు వారి లాభాల కోసం చేసే ప్రయత్నాల్లో మీరు ఇబ్బందులు పడొద్దు. కొద్ది రోజుల్లోనే ప్రతి అసెంబ్లీ నియోజకవర్గ కేంద్రంలో పోటీ పరీక్షలకు సిద్ధమయ్యే వారి కోసం అంబేద్కర్​ నాలెడ్జ్​ సెంటర్లను ప్రారంభించబోతున్నాం. అధునాతన టెక్నాలజీతో వీటిని నిర్మిస్తున్నాం. ఉదయం 10 గంటల నుంచి సాయంత్రం 5 గంటల వరకు పోటీ పరీక్షలకు ఉచితంగా ఆన్​లైన్​లో శిక్షణ ఇస్తాం. పోటీ పరీక్షలకు శిక్షణ ఇచ్చేందుకు దేశంలోనే ఉన్నతమైన సబ్జెక్టు నిపుణులను అందుబాటులోకి తీసుకువస్తున్నాం." అని డిప్యూటీ సీఎం భట్టి విక్రమార్క వెల్లడించారు.

ఆన్​లైన్​లో కాంపిటేటివ్​ పాఠాలు బోధన : హైదరాబాద్​ కేంద్రంగా ఆన్​లైన్​లో పాఠాలు బోధిస్తారు. ప్రివేర్​ అయ్యేవారు ఆయా కేంద్రాల నుంచి ఆన్​లైన్​లోనే ప్రశ్నలు వేయవచ్చు. అనుమానాలు నివృత్తి చేసుకోవచ్చు. పోటీ పరీక్షలకు ప్రిపేర్​ అయ్యేవారు ఇక నుంచి అశోక్​నగర్​లో ఐదు రూపాయల భోజనంతో ఇబ్బంది పడాల్సిన పనిలేదు. నిరుద్యోగులు చెప్పిన ప్రతి అంశాన్ని సీరియస్​గా పరిశీలిస్తాం. మీరు మా బిడ్డలు రాష్ట్ర సంపద. మీ మేధస్సు నిరూపయోగం కావద్దనేదే ప్రభుత్వం ఆలోచన. ఇందిరమ్మ ప్రభుత్వం నూటికి నూరు శాతం మీ సమస్యలు వింటుంది. పరిష్కరిస్తోంది. గ్రూప్​ 2 అభ్యర్థులతో మాట్లాడి సమస్య పరిష్కరించాల్సిందిగా సీఎం రేవంత్​ రెడ్డి చెప్పారు.

"మీరు చెప్పే సమస్యను చాలా లోతుగా అధ్యయనం చేశాం. దీని కంటే ముందు కొన్ని విషయాలను మీ దృష్టికి తీసుకురావాలి. ఈ రాష్ట్రం తెచ్చుకున్నదే ఉద్యోగాల కోసం. తెలంగాణ సాధించిన తర్వాత 10 సంవత్సరాల్లో సాధ్యమైనన్ని ఉద్యోగాలు ఇచ్చి ఉండుంటే ఒక అర్థం ఉండేది. మీరు కూడా జీవితంలో స్థిరపడేవారు. ఉద్యోగాలు లేక యువత ఎంతో నష్టపోయింది." - భట్టి విక్రమార్క, డిప్యూటీ సీఎం