Crocadile Halchal at Bypass Road in Palnadu District : పల్నాడు జిల్లాలో బైపాస్‌ రోడ్డుపై మొసలి కలకలం రేపింది. రాత్రి సమయంలో వాహనాలకు అడ్డంగా రావడంతో స్థానికులు భయబ్రాంతులకు గురయ్యారు. పిడుగురాళ్లలోని రిక్షా కాలనీకి సమీపంలో చిన్నచిన్న కాల్వలు, క్వారీ గుంతలు ఉన్నాయి. అక్కడే ఈ మొసలి నివాసం ఏర్పచుకుని ఉంటుందని స్థానికులు అనుమానం వ్యక్తం చేస్తున్నారు. అక్కడి నుంచే బయటకు వచ్చి ఉంటుందని చెబుతున్నారు.
వాహనాల శబ్దానికి రోడ్డుపైకి వచ్చిందని ఉంటుందని అంటున్నారు. మొసలి సంచారంపై స్థానికులు పోలీసులకు సమాచారం ఇచ్చారు. పోలీసులతో పాటు అటవీశాఖ అధికారులు బైపాస్‌ రోడ్డు వద్దకు వెళ్లారు. అప్పటికి ఆ మొసలి అక్కడి నుంచి వెళ్లిపోయింది. రాత్రంతా వెతికినప్పటికీ మొసలి కనపడలేదు. బోను పెట్టి మొసలి స్థావరాలపై నిఘా పెడతామని అధికారులు చెబుతున్నారు. అతి త్వరలోనే బంధించి కృష్ణా నదిలో వదిలిపెడతామని అధికారులు తెలిపారు.
