Collector suspends social welfare hostel caretaker : యాదాద్రి భువనగిరి జిల్లా భువనగిరి పట్టణంలోని తెలంగాణ సాంఘిక సంక్షేమ రెసిడెన్షియల్ హాస్టల్ను కలెక్టర్ హనుమంతరావు ఈరోజు ఆకస్మికంగా తనిఖీ చేశారు. నిన్న హాస్టల్ను సందర్శించిన ఆయన వంటగదిలో ఆహారపదార్థాలు, కూరగాయలు తనిఖీ చేశారు. శుచి, శుభ్రత, ఉండేలా నాణ్యమైన ఆహారం విద్యార్థులకు అందివ్వాలని హాస్టల్ నిర్వాహకులకు ఆదేశించారు.
ప్రిన్సిపల్కు షోకాజ్ నోటీసులు జారీ : అయితే 24 గంటలు గడవక ముందే ఈరోజు హాస్టల్ నిర్వాహకులు ఆహారంలో నాణ్యతకు తిలోదకాలు ఇచ్చారు. ఇవాళ మరోసారి తనిఖీకి వచ్చిన కలెక్టర్ సిబ్బందిపై ఆగ్రహం వ్యక్తం చేశారు. కేర్ టేకర్ రమేష్ను అక్కడికక్కడే సస్పెండ్ చేశారు. ప్రిన్సిపల్కి షోకాజ్ నోటీసు జారీ చేశారు. మధ్యాహ్న భోజనంలో కొత్త మెనూ పాటించడం లేదని కలెక్టర్ గుర్తించారు. విద్యార్థులకి పెట్టే గుడ్లు సరిగా లేకపోవడం,విద్యార్థుల చేత పనిచేయించడం, పెరుగుకు బదులు మజ్జిగ సరఫరా చేయడం, డైనింగ్ హాల్లో కొత్త మెనూ బోర్డు ఏర్పాటు చేయకపోవడం, డైనింగ్ హాల్ శుభ్రం లేకపోవడాన్ని కలెక్టర్ గుర్తించారు.
హాస్టల్ కేర్ టేకర్ను సస్పెండ్ చేసిన కలెక్టర్ : నిన్న విద్యార్థులకు పెరుగు వడ్డించగా.. ఈరోజు మజ్జిగగా ఎలా మారిందంటూ రమేష్ను నిలదీశారు. మెనూ ఏంటని అడగడగా సరిగా నీళ్లు నమిలారు. అధికారులు వరుస తనిఖీలు చేస్తున్నా నిర్వాహకులు అలసత్వం ప్రదర్శించడంపై మండిపడ్డారు. బాధ్యుడైన కేర్ టేకర్ రమేష్ను సస్పెన్షన్ చేస్తూ కలెక్టర్ హనుమంతరావు ఆదేశాలు జారీ చేశారు.
తూప్రాన్ బీసీ హాస్టల్ను ఆకస్మికంగా తనిఖీ చేసిన మంత్రి పొన్నం
