CM YS Jagan Kadapa District Tour: వైసీపీ అధ్యక్షుడు, ముఖ్యమంత్రి వైఎస్ జగన్ మోహన్ రెడ్డి (YS Jagan Mohan Reddy) శనివారం వైఎస్సార్ జిల్లాలో పర్యటించనున్నారు. 16వ తేదీ ఉదయం 11 గంటలకు తాడేపల్లి నుంచి గన్నవరం ఎయిర్పోర్టుకు చేరుకోనున్నారు. గన్నవరం నుంచి బయలుదేరి నేరుగా బయలుదేరి కడప విమానాశ్రయం చేరుకుంటారు. కడప ఎయిర్పోర్టు నుంచి ప్రత్యేక హెలికాప్టర్లో ఇడుపులపాయకు చేరుకోనున్నారు.
YSRCP candidates-list-and-manifesto-announcement :ముందుగా శనివారం మధ్యాహ్నం తండ్రి సమాధి వద్ద నివాళులు అర్పించి, ఆశీస్సులు తీసుకోనున్నారు. అనంతరం అక్కడే రాష్ట్రంలోని 175 నియోజకవర్గాలు, 25 పార్లమెంటు స్థానాలకు సంబంధించిన వైసీపీ అభ్యర్థుల (YSRCP Candidates List) పేర్లను జగన్ మోహన్ రెడ్డి ప్రకటిస్తారు. అక్కడే వైసీపీ ఎన్నికల మ్యానిఫెస్టోను (YCP Manifesto) కూడా విడుదల చేయనున్నారు.
ఈనెల 16న వైసీపీ తుది జాబితా - ఆశావహులు, అసంతృప్తులతో సీఎం జగన్ భేటీ
మధ్యాహ్నం 12.30 గంటల నుంచి 1.30 గంటల వరకు అభ్యర్థుల ప్రకటన, మ్యానిఫెస్టో విడుదల పూర్తి చేయనున్నారు. అనంతరం గెస్ట్ హౌస్లో కాసేపు విశ్రాంతి అనంతరం తిరిగి మధ్యాహ్నం 3 గంటలకు తిరిగి కడప నుంచి గన్నవరం బయలుదేరి వెళ్లనున్నారు. అక్కడ నుంచి తాడేపల్లికి బయలు దేరనున్నారు. తర్వాత రెండు, మూడు రోజులకు ఎన్నికల ప్రచారాన్ని (YS Jagan Election Campaign) సీఎం జగన్ ప్రారంభించనున్నారు. సిద్ధం సభల స్థాయిలోనే ఈ ఎన్నికల ప్రచార సభలను సైతం చేపట్టనున్నట్లు వైసీపీ వర్గాలు చెబుతున్నాయి.
2019 ఎన్నికల్లో కూడా పార్టీ అభ్యర్థులను ఇడుపులపాయలోనే ప్రకటించారు. గత ఎన్నికల కోసం 2019 మార్చి 17న అభ్యర్థులను ప్రకటిస్తే, ఈ ఎన్నికల కోసం 2024 మార్చి 16న అభ్యర్థుల పేర్లను జగన్ వెల్లడించనున్నారు. గత ఎన్నికల్లో వివేకా హత్య జరిగిన రెండు రోజులకు అభ్యర్థులను ప్రకటిస్తే, ఈసారి ఎన్నికలకు వివేకా ఐదో వర్ధంతి జరిగిన మరుసటి రోజే వైసీపీ అభ్యర్థులను ప్రకటిస్తుండటం విశేషం.
వైఎస్సార్సీపీ 12వ జాబితా - చిలకలూరిపేట, గాజువాక ఇన్ఛార్జ్ల ప్రకటన
మళ్లీ మార్పులు ఉంటాయా: ఇన్ఛార్జ్లే వచ్చే ఎన్నికల్లో అభ్యర్థులంటూ చెప్పుకొస్తున్న వైసీపీ, ఇప్పటికే 12 జాబితాలు విడుదల చేసింది. అయితే వీటిలో కూడా చాలా సార్లు మార్పులు చేసింది. ఇంకా చాలా మందిని ప్రకటించలేదు. సీఎం జగన్ శనివారం 175 మంది అభ్యర్థులను ప్రకటిస్తుండటంతో మరోసారి ఏమైనా మార్పులు ఉంటాయేమే చూడాలి.
వైసీపీలో మళ్లీ ఇన్ఛార్జ్ల మార్పులు - మచిలీపట్నం ఎంపీ బరిలో సింహాద్రి చంద్రశేఖరరావు
