Explosion In Laxmiguda Mailardevpally Area : రంగారెడ్డి జిల్లా మైలార్దేవ్పల్లిలోని పోలీస్ స్టేషన్ పరిధిలో పేలుడు కలకలం రేపింది. స్థానికంగా ఉన్న లక్ష్మీగూడలోని ప్రజాపతి శ్రీశ్రీయాదేమాత ఆలయం సమీపంలో చెత్తను తొలగిస్తుండగా ఒక్కసారిగా పేలుడు సంభవించింది. ఈ ఘటనలో పూజారి సుగుణారామ్నకు తీవ్ర గాయాలయ్యాయి. హుటాహుటిన అతడిని ఆసుపత్రికి తరలించారు. ఈ ఘటనపై స్థానికులు పోలీసులకు సమాచారం ఇచ్చారు. దీంతో సంఘటనా స్థలానికి చేరుకున్న పోలీసులు ఏవిధంగా జరిగింది అనే దానిపై ఆరా తీశారు. అనంతరం కేసు నమోదు చేసుకుని దర్యాప్తు చేపట్టారు. పేలుడుకు గల కారణాలపై క్లూస్టీం సహాయంతో ఆధారాలను సేకరిస్తున్నట్లుగా ఏసీపీ శ్రీనివాస్ వెల్లడించారు.
"ఈ రోజు ఉదయం 10.30 గంటల ప్రాంతంలో మైలార్దేవ్పల్లి పోలీస్ స్టేషన్ పరిధిలో ఉన్న లక్ష్మీగూడలో శ్రీశ్రీ యాదేమాత ఆలయ ప్రాంగణంలో శుభ్రం చేస్తుండగా పేలుడు జరిగింది. దీంతో ఓ వ్యక్తికి గాయమైంది. ఈ ఘటన ఏవిధంగా జరిగిందనేది ఇంకా తేలాల్సి ఉంది. బాధ్యులపై కఠిన చర్యలు తీసుకుంటాం" - శ్రీనివాస్, ఏసీపీ
