Blade Batch Attacks in Bus Stand : ఆంధ్రప్రదేశ్లోని విజయవాడలో పండిట్‌ నెహ్రూ బస్టాండ్లో బ్లేడ్ బ్యాచ్ గత కొతం కాలంగా హల్చల్ చేస్తున్నారు. మంగళవారం(నవంబరు 12) రాత్రి డ్యూటీలో ఉన్న ఆర్టీసీ కంట్రోలర్ కొప్పుల గాంధీపై దుండగులు బ్లేడ్‌తో దాడి చేశారు. తీవ్రంగా గాయపడిన ఆయనను వెంటనే ఆర్టీసీ సిబ్బంది ఆసుపత్రికి తరలించారు. మంగళవారం అర్ధరాత్రి బ్లేడ్ బ్యాచ్ బస్టాండ్లో తిరుగుతుంటే వాళ్లను ప్రశ్నించినందుకు దాడి చేసినట్టు తెలుస్తోంది. అనంతరం పరారైపోతున్న కొంత మంది దుండగులను పోలీసులు పట్టుకున్నారు.
ఇటీవల బస్టాండ్లో టికెట్ కౌంటర్లోని సిబ్బందిపైనా బ్లేడ్ బ్యాచ్ రెచ్చిపోయి దాడి చేశారు. పీవీ రావు అనే కండక్టర్పై దాడి చేసి ఆయన వద్ద ఉన్న నగదును లాక్కొని ఉడాయించారు. దీనిపై కృష్ణలంక పోలీసులు కేసు నమోదు చేసి దర్యాప్తు చేస్తున్నారు. బస్టాండ్లో బ్లేడ్ బ్యాచ్ ఆగడాల నివారణకు చర్యలు తీసుకోవాలని స్థానిక పోలీసులను ఆర్టీసీ సిబ్బంది కోరుతున్నారు. బస్టాండ్లో సెక్యూరిటీతో పాటు నిఘాను పెంచి సిబ్బంది, ప్రయాణికులకు రక్షణ కల్పించాలని పలువురు విజ్ఞప్తి చేశారు.
ఆర్టీసీ కార్మికుల కష్టాలు తీరేదెన్నడు..?
సీఎం రేవంత్ను కలిసిన సస్పెండైన ఆర్టీసీ ఉద్యోగులు - విధుల్లోకి తీసుకోవాలని విజ్ఞప్తి
