హైవేపై పెట్రోల్​ అయిపోయి ఓ కుటుంబం అవస్థలు - అలా వచ్చి సాయం చేసి వెళ్లిపోయాడు - Biker Helps Family on Highway

Biker Helps Family on Highway in Anantapur: బండి మీద వెళ్లే సమయంలో బాగానే ఉంటుంది కాని పెట్రోలు లేక బండి ఆగిపోతే పరిస్థితి ఎలా ఉంటుంది. అది కూడా కుటుంబంతో వెళ్లే సమయంలో ఆగిపోతే ఎలా ఉంటుంది ఆ సీన్​ ఎలా ఉంటుందో ఊహిస్తేనే భయంకరంగా ఉంటుంది. కానీ అలాంటి పరిస్థితిలో ఎవరో గుర్తు తెలియని వ్యక్తులు వచ్చి పెట్రోలు ఇస్తే ఆ సంతోషానికి హద్దే ఉండదు. అలాంటి ఘటనే అనంతపురం జిల్లాలో కనిపించింది.

Biker Helps Family on Highway in Anantapur: బండి మీద రయ్​ రయ్​ మంటూ దూసుకుపోతుంటే ఆ కిక్కే వేరుంటది. కానీ ఆ స్పీడ్​లో పెట్రోలు లేక బండి ఆగిపోతే పరిస్థితి ఎలా ఉంటుంది. మరీ సిటీలో కాకుండా ఎక్కడో హైవే మీద అదీ ఫ్యామిలీతో ఉంటే సీన్​ ఎలా ఉంటుందో ఊహిస్తేనే భయంకరంగా ఉంటుంది. బండి మీద వెళ్లేటప్పుడు ఉంటే హాయి ఏమో కానీ అదే బండిని తోసేటప్పుడు చుక్కలు కనిపిస్తాయి. అదే చుట్టు పక్కలా ఎక్కడా పెట్రోల్ బంక్​ లేకపోతే అది ఊహించడానికే భయంకరంగా ఉంటుంది. కానీ అలాంటి పరిస్థితిలో ఎవరో గుర్తు తెలియని వ్యక్తులు వచ్చి పెట్రోలు ఇస్తే ఆ సంతోషానికి హద్దే ఉండదు. అలాంటి ఘటనే అనంతపురం జిల్లాలో కనిపించింది.

ఒక వ్యక్తి అనంతపురం హైవే మీద తన కుటుంబంతో ప్రయాణం చేస్తుండగా అనుకోకుండా పెట్రోల్ అయిపోయింది. చుట్టు పక్కల ఎక్కడా పెట్రోల్ బంక్​ కూడా లేదు. దీంతో ఆ వ్యక్తి చేసేది ఏమీ లేక బండిని నెట్టుకుంటూ వెళ్తున్నాడు. అతనితో పాటు అతని భార్య, ఇద్దరు పిల్లలు ఉన్నారు. అయితే అనుకోకుండా ఒక వ్యక్తి అటుగా వెళ్తూ ఆ బండిని తోసుకు వెళ్తున్న వ్యక్తిని చూసి ఏమైందని అడగగా పెట్రోల్​ అయిపోయిందని సమాధానం ఇచ్చాడు. దీంతో బైక్​పై వచ్చిన వ్యక్తి తన దగ్గర అదనంగా ఉన్న పెట్రోల్ బాటిల్​ను ఇచ్చాడు. దీంతో బండిని తోసుకుంటూ వెళ్తున్న వ్యక్తి సంతోషం వ్యక్తం చేశాడు.

పెట్రోల్ ఇచ్చిన వ్యక్తికి పెట్రోల్​ ఇచ్చినందుకు బదులుగా డబ్బులు ఇవ్వడానికి ప్రయత్నించారు. కానీ అతను తన దగ్గర అదనంగా పెట్రోల్​ ఉందని దానికి డబ్బులు వద్దని తిరస్కరించాడు. కొంతసేపు డబ్బులు తీసుకోవాలని భార్య, పిల్లలు అడిగినా అతను తీసుకోలేదు. ఆ కుటుంబం పెట్రోల్​ ఇచ్చినందుకు ధన్యవాదాలు తెలిపి వారు బండిలో పెట్రోల్​ నింపుకున్నారు. అంతా అయిపోయాక ఆ వ్లాగర్​ చిరునవ్వుతో అక్కడి నుంచి వెళ్లిపోయాడు.

Bro, you dropped this 👑👑 pic.twitter.com/JCFZyav0Qt

— Alpha🐯 (@AlphaTwt_) July 20, 2024

అయితే ఈ ఘటనకు సంబంధించిన పోస్ట్​ ఎక్స్(X) ​లో హల్​చల్​ చేస్తోంది. మానవత్వానికి రాష్ట్రాలు, భాషలతో పనిలేదని మంచి మనసు ఉంటే సరిపోతుందని నెటిజన్లు తమ అభిప్రాయాన్ని వ్యక్తం చేస్తున్నారు. ఇలాంటి క్లిష్ట పరిస్థితుల్లో పిల్లలు ఎలా నవ్వుతున్నారో, సరదాగా తల్లిదండ్రులతో ఎలా నడుచుకుంటున్నారో చూడండి. ఆపదలో ఉన్న ఆ కుటుంబానికి సహాయం చేసిన వ్యక్తికి హ్యాట్సాఫ్ అంటూ మరికొంత మంది హర్షం వ్యక్తం చేస్తున్నారు.