Bangalore Boy Missing Case in Hyderabad : మూడు రోజుల క్రితం 12 సంవత్సరాల బాలుడు బెంగళూరులో ట్యూషన్కి వెళ్లి ఇంటికి వెళ్లే క్రమంలో తల్లిదండ్రుల కోసం ఎదురుచూశాడు. కట్చేస్తే ఆరోజు పిల్లవాడు తల్లిదండ్రుల దగ్గరకి వెళ్లలేదు. దీంతో వారు పోలీసులకు ఫిర్యాదు చేశారు. గాలింపు చర్యలు చేపట్టగా బస్సు ఎక్కి ఎక్కడికో వెళ్లినట్టు గుర్తించారు. అనంతరం సోషల్ మీడియా ద్వారా వెతకడం ప్రారంభించారు. చివరికి ఇవాళ హైదరాబాద్ మెట్రోలో ప్రత్యక్షమయ్యాడు. బెంగళూరు వాసి ఆ బాలుడ్ని గుర్తించగా పోలీసులకు సమాచారం ఇచ్చాడు. వారు బాలుడి తల్లిదండ్రుల దగ్గరకు చేర్చారు. దీంతో కథ సుఖాంతమయింది.
ప్రియుడి మోజులో భర్తను హత్య చేయించిన భార్య - ఆపై కిడ్నాప్ డ్రామా
Parinav Missing Case : నాంపల్లి పోలీస్ స్టేషన్ సీఐ అభిలాష్ తెలిపిన వివరాల ప్రకారం కర్ణాటక రాజధాని బెంగళూరుకు చెందిన 12 ఏళ్ల బాలుడు పరిణవ్ స్థానిక పాఠశాల్లో ఆరో తరగతి చదువుతున్నాడు. ఈ నెల 21న ట్యూషన్కు వెళ్లి ఇంటి నుంచి బయల్దేరాడు. ట్యూషన్ అయిపోయిన తరవాత ఇంటికి రాకపోవడంతో తల్లిదండ్రులు పోలీసులను ఆశ్రయించారు. వారు కేసు నమోదు చేసుకుని దర్యాప్తు చేశారు. బాలుడు ఆచూకీ కోసం గాలింపు చర్యలు చేపట్టారు. ఈ క్రమంలో సీసీటీవీలో రికార్డు అయిన దృశ్యాలను పరిశీలించారు.
వ్యక్తి హత్య కేసు దర్యాప్తులో నిర్లక్ష్యం - పటాన్చెరు సీఐపై సస్పెన్షన్ వేటు
12 Year Boy Missing Case in Bangalore : ఆదివారం ఉదయం 11 గంటలకు ట్యూషన్ సెంటర్ నుంచి పరిణవ్ బయటకు వచ్చాడు. అక్కడి నుంచి బస్సులో వెళ్లినట్లు సీసీటీవీలో పోలీసులు గుర్తించారు. చివరిగా బెంగళూరులోని మేజిస్టిక్ బస్టాండ్ దగ్గర కనిపంచాడు(Bangalore Boy Missing Case). ఆ తరవాత ఎక్కడికి వెళ్లాడో తెలియలేదు. ఆ బస్టాండ్ నుంచి కర్ణాటకలోని అన్ని జిల్లాలకు, పక్క రాష్ట్రాలకు బస్సులు వెళ్తున్నందున పోలీసులకు కనిపెట్టడం కష్టంగా మారింది. ఈ సమయంలోనే బాలుడు ఆచూకీ తెలిపాలని ఫోటోలు, వీడియోను సామాజిక మాధ్యమంలో షేర్ చేశారు. అవి కాస్తా వైరల్గా మారాయి.
ఇన్స్టాగ్రాం ద్వారా పరిచయమైన అబ్బాయిలను కలిసేందుకు తొమ్మిదో తరగతి అమ్మాయిల ప్లాన్
12 Year Boy Missing Viral Videos : వైరల్ మారడంతో హైదరాబాద్లో ఉంటున్న బెంగళూరు వాసి ఆ దృశ్యాలను చూసి, ఆ బాలుడ్ని నాంపల్లి మెట్రో స్టేషన్లో గుర్తించాడు. బెంగళురులో కనిపించకుండా పోయిన పరిణవ్(Parinav Missing Case) అని నిర్ధారించుకున్నాడు. వెంటనే ఆ వ్యక్తి పోలీసులకు, తల్లిదండ్రులకు సమాచారమిచ్చాడు. అనంతరం నాంపల్లి పోలీసులు బాలుడ్ని తీసుకెళ్లారు. తల్లిదండ్రులు వచ్చిన తర్వాత వారికి అప్పగించారు. తన కుమారుడు కనుగొనేందుకు సాయం చేసిన సోషల్ మీడియా యూజర్లకు బాలుడి తల్లిదండ్రులు కృతజ్ఞతలు తెలిపారు.
"ఇవాళ ఉదయం బెంగళూరు బాలుడు ఉన్నాడని ఓ వ్యక్తి తెలిపాడు. వెంటనే ఆ వ్యక్తి దగ్గరకు వెళ్లి పిల్లవాడ్ని సంరక్షించాం. ఆ బాలుడు తల్లిదండ్రులు వచ్చిన తరవాత వారికి అందజేశాం. ఆ విద్యార్థి 6వ తరగతి చదువుతున్నాడని తెలుసుకున్నాం. ఈ నెల 21న బెంగళూరులో తప్పిపోయాడని గుర్తించాం. చివరికి నాంపల్లి మెట్రోలో ఆచూకీ లభించింది."- అభిలాష్, నాంపల్లి పోలీస్ స్టేషన్ సీఐ
తప్పిపోయిన బాలుడి ఆచూకీ కనిపెట్టిన పోలీస్ డాగ్ 'లియో'-రంగంలోకి దిగిన 90 నిమిషాల్లోనే!
