పాఠశాలలో కోతులు - బడికి రావాలంటేనే భయపడుతున్న విద్యార్థులు

తరగతి గదుల్లోకి కోతులు - తినుబండారాలు ఎత్తుకెళ్తున్న వానరాలు - భయాందోళనలో పిల్లలు

Monkeys in Chinnamusturu School : నిత్యం కోతుల బెడదతో విద్యార్థులు భయాందోళనకు గురవుతున్నారు. స్కూల్​కు వెళ్లాలంటే భయమేస్తుందని అంటున్నారు. ఈ కోతుల బెడద అనంతపురం జిల్లా ఉరవకొండ మండలం చిన్న ముష్టూరులోని ఆదర్శ పాఠశాలలో చోటు చేసుకుంది. ప్రతిరోజు కోతులు వస్తుండటం వల్ల ఇబ్బందులు పడుతున్నామని విద్యార్థులు వాపోతున్నారు.

తరగతి గదిలోకి కూడా కోతులు వస్తున్నాయని, దీంతో తాము భయాందోళనకు గురువుతున్నామన్నారు. తెచ్చుకుంటున్న తినుబండారాలను సైతం ఎత్తుకెళ్తున్నాయని విద్యార్థులు వెల్లడించారు. చాలా రోజులుగా కోతులు ఇబ్బందులకు గురి చేస్తున్నా విద్యాశాఖ అధికారులు ఏ మాత్రం పట్టించుకోవడం లేదని వాపోయారు. ఇప్పటికైనా అధికారులు సకాలంలో స్పందించి పాఠశాల సమీపంలో ఉన్న కోతులను దూర ప్రాంతాలకు తరలించాలని విద్యార్థులు, విద్యార్థి సంఘాల నాయకులు కోరుతున్నారు.