Man Killed His Friend : నగరంలో డాన్గా పేరు తెచ్చుకోవాలనుకున్న ఓ యువకుడు అతడి స్నేహితుడి పాలిట విలన్గా మారి కత్తితో దారుణంగా పొడిచి చంపాడు. ఈ దారుణ ఘటన బడంగ్పేట కార్పొరేషన్ పరిధి బాలాపూర్లో జరిగింది. నిందితుడితో పాటు అతడి గ్యాంగ్ను కూడా పోలీసులు అదుపులోకి తీసుకున్నారు.
ఇదీ జరిగింది : బడంగ్పేట కార్పొరేషన్ పరిధి బాలాపూర్లో మాధవ్ యాదవ్ (21) అనే వ్యక్తి నివాసం ఉంటున్నాడు. ప్రతి రోజూ సాయంత్రం స్థానిక ఇళ్లలో, వ్యాపార సముదాయాల్లోనూ పాలు విక్రయించేవాడు. సినిమాల్లో విలన్ పాత్రలంటే ఇష్టం పెంచుకున్నాడు. ఆ ప్రభావంతో మరో ఆరుగురు గ్యాంగ్ను పోషించే వాడు. వారిని నిత్యం వెంటబెట్టుకుని తిరిగేవాడు. నగరంలో డాన్గా పేరుపొందాలని భావించేవాడు. దీనిలో భాగంగానే వారంరోజులుగా ఎవరినో ఒకరిని హతమార్చేందుకు అదను కోసం ఎదురుచూస్తున్నాడు. నాదర్గుల్లోని ఎంవీఎస్ఆర్ కళాశాలలో బీటెక్ ద్వితీయ సంవత్సవం చదివే ప్రశాంత్ స్థానికంగా ఉంటున్నాడు.
కత్తితో కడుపులో పొడిచి చంపి : మిత్రుడే అయినప్పటికీ వలసగా వచ్చిన వాడు కావటంతో అతడిని చంపాలని నిశ్చయించుకున్నాడు. ఈ నెల 22న పరిక్షలు రాసి తిరిగివచ్చిన అతనితో పాటే తన ఆరుగురు మిత్రులైన మహేష్‌ (22), సుమంత్‌ (21), హరీశ్ (20), అఖిల్‌ (21), యశ్వంత్‌(22), మహేశ్ అలియాస్‌ సన్ని(21)లతో కలిసి మాధవ్ ఓ ఫంక్షన్కు వెళ్లి వచ్చాడు. బాగా మద్యం సేవించారు. తిరిగి వచ్చి స్థానిక మండీ హోటల్‌ పాన్‌షాపు వద్దకు చేరారు.
ప్రశాంత్‌కు ఉన్న ప్రేమ వ్యవహారాన్ని మనసులో పెట్టుకుని ఉన్నట్టుండి మాధవ్ వాగ్వాదానికి దిగాడు. ఈ క్రమంలోనే మాటామాటా పెరగటంతో కత్తి తీసి ప్రశాంత్ కడుపులో నాలుగుసార్లు పొడవడంతో అతడు ప్రాణాలు కోల్పోయాడు. అనంతరం మాధవ్, అతడి మిత్రులు పరారయ్యారు. మాధవ్‌తోపాటు ఆరుగురి గ్యాంగ్‌పై బాలాపూర్ పోలీసులు హత్య కేసును నమోదు చేశారు. తమ అదుపులో ఉన్న నిందితులను శనివారం రిమాండ్‌కు తరలిస్తామని బాలాపూర్ ఇన్‌స్పెక్టర్‌ భూపతి తెలిపారు.
