37 Corporations Chairman in Telangana : రాష్ట్రంలో కాంగ్రెస్ నాయకులు ఎదురుచూస్తున్న నామినేటెడ్‌ పదవులను తెలంగాణ సర్కార్ భర్తీ చేసింది. మొత్తం 37 కార్పొరేషన్లకు ఛైర్మన్లను నియమిస్తూ ఈ నెల 14వ తేదీనే ప్రభుత్వం ఉత్తర్వులు జారీచేసింది. ఇప్పటికే హస్తం పార్టీలో చాలామంది ఆశావహులు దీనికోసం ఎదురుచూస్తున్నారు. ఈ పదవుల జాబితాలో పార్టీలో చురుగ్గా పనిచేసి సేవలందించిన వారిని గుర్తించి ముఖ్యమంత్రి రేవంత్‌రెడ్డి ఈ పదవులకు ఎంపిక చేశారు.
ప్రభుత్వ ఖజానాకు చేరాల్సిన నిధులు పక్కదారి పట్టొద్దు : భట్టి విక్రమార్క
Corporation Chair Persons in Telangana 2024 : ఇటీవల అసెంబ్లీ ఎన్నికల్లో కాంగ్రెస్ పార్టీ విజయానికి కష్టపడి పనిచేసిన వారికి గుర్తింపునిస్తూ ఈ పదవులిచ్చారు. త్వరలో జరగనున్న లోక్‌సభ ఎన్నికల్లో వీరు మరింత ఉత్సాహంగా పనిచేయడానికి పదవుల భర్తీ ఉపకరిస్తుందని పార్టీ భావిస్తోంది. కొందరు నేతలు పార్లమెంట్ ఎన్నికల్లో పోటీ చేయడానికి టికెట్లు ఆశిస్తున్నారు.
టికెట్‌ ఇవ్వలేకపోయినవారికి కార్పొరేషన్ ఛైర్మన్ పదవులతో సర్దుబాటు చేశారు. ప్రధానంగా టీఎస్ ఆర్టీసీ, ఐఐసీ మినహా ముఖ్యమైన పదవులు వీరికి కేటాయించింది. మరోవైపు ఇప్పటికే టీఎస్పీఎస్సీ ఛైర్మన్, సభ్యులు, స్టేట్ ఫైనాన్స్ కమిషన్ ఛైర్మన్, సభ్యుల నియామకం, వక్ఫ్ బోర్డు, రాష్ట్ర ప్రణాళిక బోర్డు ఛైర్మన్ పదవి, రాష్ట్ర ప్రెస్ అకాడమీ ఛైర్మన్ పదవులను తెలంగాణ ప్రభుత్వం భర్తీ చేసిన విషయం తెలిసిందే.
| క్రమసంఖ్య | పేరు | కార్పొరేషన్ |
| 1 | పటేల్ రమేశ్‌రెడ్డి | టూరిజం డెవలప్‌మెంట్ కార్పోరేషన్ |
| 2 | నేరెళ్ల శారద | మహిళా కమిషన్ |
| 3 | నూతి శ్రీకాంత్ | బీసీ ఆర్థిక సంస్థ |
| 4 | రాయల నాగేశ్వరరావు | గిడ్డంగుల సంస్థ |
| 5 | ఎన్‌.ప్రీతమ్ | ఎస్సీ కార్పొరేషన్ |
| 6 | శివసేనారెడ్డి | తెలంగాణ స్పోర్ట్స్‌ అథారిటీ |
| 7 | ఈరవత్రి అనిల్ | ఖనిజాభివృద్ధి సంస్థ |
| 8 | జగదీశ్వర్‌రావు (కొల్లాపూర్) | ఇరిగేషన్ డెవలప్‌మెంట్ సంస్థ |
| 9 | మెట్టు సాయికుమార్ | మత్స్య సహకార సంఘాల సమాఖ్య |
| 10 | గుర్నాథ్‌రెడ్డి (కొడంగల్) | పోలీసు గృహనిర్మాణ సంస్థ |
| 11 | జ్ఞానేశ్వర్ ముదిరాజ్ | విజయా డెయిరీ |
| 12 | బెల్లయ్య నాయక్ | గిరిజన సహకార ఆర్థిక సంస్థ |
| 13 | జంగా రాఘవరెడ్డి | ఆయిల్‌ఫెడ్ |
| 14 | రియాజ్ | గ్రంథాలయ పరిషత్ |
| 15 | నిర్మల (జగ్గారెడ్డి సతీమణి) | పారిశ్రామిక మౌలిక సదుపాయాల కల్పన సంస్థ |
| 16 | ఎస్.అన్వేష్‌రెడ్డి | విత్తనాభివృద్ధి సంస్థ |
| 17 | ఎం.విజయబాబు | రాష్ట్ర సహకార గృహనిర్మాణ సమాఖ్య |
| 18 | కాసుల బాలరాజు | ఆగ్రోస్ |
| 19 | బండ్రు శోభారాణి | మహిళా సహకార అభివృద్ధి సంస్థ |
| 20 | మానాల మోహన్‌రెడ్డి | రాష్ట్ర సహకార యూనియన్ |
| క్రమసంఖ్య | పేరు | కార్పొరేషన్ |
| 21 | చల్లా నరసింహారెడ్డి | అర్బన్ ఫైనాన్స్ మౌలిక సదుపాయాల అభివృద్ధి సంస్థ |
| 22 | కె.నాగు | గిరిజన సహకార, ఆర్థికాభివృద్ధి సంస్థ |
| 23 | జనక్‌ ప్రసాద్ | కనీస వేతన సలహామండలి |
| 24 | ఎం.వీరయ్య | వికలాంగుల సంస్థ |
| 25 | నాయుడు సత్యనారాయణ | హస్తకళల సంస్థ |
| 26 | ఎం.ఎ.జబ్బార్ | వైస్‌ ఛైర్మన్, మైనార్టీల ఆర్థిక సంస్థ |
| 27 | మల్‌రెడ్డి రాంరెడ్డి | రోడ్డు అభివృద్ధి సంస్థ |
| 28 | కాల్వ సుజాత | వైశ్య సంస్థ |
| 29 | పొదెం వీరయ్య | అటవీ అభివృద్ధి సంస్థ |
| 30 | ఎ.ప్రకాశ్‌రెడ్డి | రాష్ట్ర ట్రేడింగ్ ప్రమోషన్ కార్పొరేషన్ |
| 31 | కె.నరేందర్‌రెడ్డి | శాతవాహన అర్బన్ అభివృద్ధి సంస్థ |
| 32 | పుంజాల అలేఖ్య | సంగీత నాటక అకాడమీ |
| 33 | ఎన్‌.గిరిధర్‌రెడ్డి | ఫిలిం డెవలప్‌మెంట్ సంస్థ |
| 34 | మన్నె సతీష్‌కుమార్ | రాష్ట్ర టెక్నాలజీ సర్వీసెస్ అభివృద్ధి సంస్థ |
| 35 | జె.జైపాల్ | అత్యంత వెనుకబడిన వర్గాల అభివృద్ధి సంస్థ |
| 36 | ఈ.వెంకట్రాంరెడ్డి | కాకతీయ అర్బన్ అభివృద్ధి సంస్థ |
| 37 | ఎం.ఎ.ఫహీం | తెలంగాణ ఫుడ్స్ |
ప్రభుత్వాన్ని పడగొట్టాలనుకుంటే టైమ్ చెప్పండి - బీఆర్ఎస్కు ఐదో మనిషి కూడా మిగలడు : సీఎం రేవంత్
