Varun Aaron Retirement: టీమ్ఇండియా పేస్ బౌలర్ వరుణ్ ఆరోన్ ఫస్ట్ క్లాస్ క్రికెట్ (టెస్టు)కు గుడ్ బై చెప్పాడు. ప్రస్తుతం జరుగుతున్న 2024 రంజీ ట్రోఫీలో వరుణ్ ఝార్ఖండ్ జట్టుకు ప్రాతినిధ్యం వహిస్తున్నాడు. ఈ టోర్నమెంట్లో ఝార్ఖండ్- రాజస్థాన్ మ్యాచ్ తన కెరీర్లో ఆఖరి టెస్టు అని శుక్రవారం తెలిపాడు. '2008 నుంచి రెడ్బాల్ క్రికెట్ ఆడుతున్నా. బౌలింగ్ చేస్తున్న క్రమంలో ఎన్నోసార్లు గాయపడ్డాను. ప్రస్తుతం టెస్టు క్రికెట్లో బౌలింగ్ చేయడానికి నా శరీరం సహకరించట్లేదు. అందుకే రెడ్బాల్ క్రికెట్ నుంచి తప్పుకుంటున్నా. జమ్షెద్పుర్ ఆడియెన్స్, నా ఫ్యామిలీ ముందు ఇదే నా ఆఖరి మ్యాచ్ కావచ్చు. ఈ గ్రౌండ్ (కీనన్ స్టేడియం)లో వైట్బాల్ క్రికెట్ మ్యాచ్లు ఉండకపోవచ్చు' అని అన్నాడు.
34ఏళ్ల వరుణ్ 2011లో టీమ్ఇండియా తరఫున టెస్టుల్లో అరంగేట్రం చేశాడు. 2011- 15 మధ్య కాలంలో మొత్తం 9 మ్యాచ్లు ఆడిన వరున్ 18 వికెట్లు పడగొట్టాడు. ఇక 2015 తర్వాత టెస్టుల్లో మళ్లీ టీమ్ఇండియాకు వరుణ్ ప్రాతినిధ్యం వహించలేదు. కానీ, ప్రతి ఏటా ఐపీఎల్లో మాత్రం ఆడుతున్నాడు. ఇప్పటివరకు ఐపీఎల్ల్లో 52 మ్యాచ్లు ఆడిన వరుణ్ 44 వికెట్లు నేలకూల్చాడు. ప్రస్తుతం గుజరాత్ టైటాన్స్ జట్టులో ఉన్న వరుణ్ గతంలో రాజస్థాన్ రాయల్స్, రాయల్ ఛాలెంజర్స్ బెంగళూరు, దిల్లీ డేర్డెవిల్స్ ఫ్రాంఛైజీలకు ఆడాడు.
2011లోనే వన్డేల్లోనూ అరంగేట్రం చేసిన వరుణ్ ఎక్కువ కాలం జట్టులో స్థానం నిలబెట్టుకోలేకపోయాడు. అతడు 2011 నుంచి 2014 వరకు మాత్రమే టీమ్ఇండియాకు వన్డేల్లో ఆడాడు. అందులో కేవలం 9 మ్యాచ్లే ఆడిన వరుణ్ 11 వికెట్లు పడగొట్టాడు. ఇక 2015లో వరుణ్ బెంగళూరు చిన్నస్వామి వేదికగా సౌతాఫ్రికాతో మ్యాచ్లో చివరిసారి టీమ్ఇండియాకు ప్రాతినిధ్యం వహించాడు. కాగా, అంతర్జాతీయ టీ20ల్లో మాత్రం వరుణ్ ఎంట్రీ ఇవ్వలేకపోయాడు.
Jharkhand Ranji Team 2024: ప్రస్తుతం రంజీలో ఝార్ఖండ్ క్వార్టర్ ఫైనల్కు అర్హత సాధించలేదు. ఈ టోర్నీలో ఇప్పటివరకు 6 మ్యాచ్లు ఆడిన ఝార్ఖండ్ ఒక్కvarun aaron iplటంటే ఒక్క మ్యాచ్లోనే నెగ్గి ఎలైట్ గ్రూప్- Aలో 7వ స్థానంలో ఉంది.
అక్తర్ నుంచి ఉమ్రాన్ వరకు వీళ్లే ఫాస్టెస్ట్ బౌలర్స్ వీరు బంతి విసిరింతే ఇక అంతే
