టెస్ట్​ క్రికెట్​లో బుమ్రా తగ్గేదే లే! - 2024లో అత్యధిక వికెట్లు తీసిన టాప్‌ 10 బౌలర్లు ఎవరంటే?

టెస్ట్ ఫార్మాట్​లో అత్యధిక వికెట్లు తీసి ఈ ఏడాది టాప్‌ టెన్‌ లిస్ట్​లో చేరిన భారత బౌలర్లు ఎవరో తెలుసా?

Top Test Bowlers In 2024 : 2024వ ఏడాది దాదాపు రెండు వారాల్లో ముగియనుంది. ఈ ఏడాదిలో క్రికెట్‌, ఫ్యాన్స్‌కి అద్భుతమైన ఎంటర్‌టైన్‌మెంట్‌ అందించింది. ముఖ్యంగా ఏడాది చివరిలో జరుగుతున్న కొన్ని సిరీస్‌లు అభిమానులకు అసలైన టెస్ట్‌ మ్యాచ్‌ల మజాను పరిచయం చేస్తున్నాయి. కొందరు బౌలర్లు టెస్ట్ మ్యాచుల్లో సంచలన ప్రదర్శనతో ఆకట్టుకున్నారు.

టీమ్‌ఇండియా స్టార్‌ పేసర్ జస్ప్రీత్ బుమ్రా టాప్ బౌలర్ ఆఫ్ ది ఇయర్‌గా అవతరించాడు. ఈ ఏడాది అత్యధిక వికెట్లు తీసిన ఆటగాళ్ల జాబితాలో అగ్రస్థానంలో ఉన్నాడు. 2024లో టెస్ట్ క్రికెట్‌లో ఆధిపత్యం చెలాయించిన టాప్ 10 బౌలర్ల ఎవరో ఇప్పుడు చూద్దాం.

జోష్ హేజిల్‌వుడ్ (ఆస్ట్రేలియా)
ఆస్ట్రేలియన్ పేసర్ జోష్ హేజిల్‌వుడ్ పదో స్థానంలో నిలిచాడు. ఈ ఏడాది గాయాలతో ఇబ్బంది పడిన అతడు, కేవలం 7 మ్యాచుల్లో 13.60 యావరేజ్‌తో 35 వికెట్లు పడగొట్టాడు.

జోష్ హేజిల్‌వుడ్ (ఆస్ట్రేలియా) (Associated Press)

విలియం పీటర్ ఓ'రూర్కే (న్యూజిలాండ్)
న్యూజిలాండ్‌కు చెందిన రైట్ ఆర్మ్ పేసర్ విలియం పీటర్ ఓ రూర్క్ 10 మ్యాచుల్లో 24.80 యావరేజ్‌తో 36 వికెట్లు సాధించాడు. జాబితాలో తొమ్మిదో స్థానంలో ఉన్నాడు.

View this post on Instagram

A post shared by Will O’Rourke (@willorourke_)

అసిత ఫెర్నాండో (శ్రీలంక)
శ్రీలంక ఫాస్ట్ బౌలర్ అసిత ఫెర్నాండో కేవలం 9 మ్యాచుల్లోనే 37 వికెట్లు తీశాడు. ఎనిమిదో స్థానంలో ఉన్నాడు. అతడి అత్యుత్తమ గణాంకాలు 5/102.

View this post on Instagram

A post shared by Asitha Fernando (@asitha_78)

రవీంద్ర జడేజా (భారత్)
మరో భారత స్పిన్నర్ రవీంద్ర జడేజా 11 మ్యాచుల్లో 44 వికెట్లు పడగొట్టాడు. జాబితాలో ఏడో బౌలర్‌గా నిలిచాడు.

రవీంద్ర జడేజా (భారత్) (Associated Press)

రవిచంద్రన్ అశ్విన్ (భారత్‌)
తాజాగా అశ్విన్‌ అంతర్జాతీయ క్రికెట్‌కు రిటైర్మెంట్‌ ప్రకటించిన సంగతి తెలిసందే. అశ్విన్ ఈ లిస్టులో ఆరో స్థానంలో నిలిచాడు. 11 మ్యాచుల్లో 47 వికెట్లు పడగొట్టాడు. అతడి అత్యుత్తమ గణాంకాలు 6/88.

రవిచంద్రన్ అశ్విన్ (భారత్‌) (Associated Press)

ప్రభాత్ జయసూర్య (శ్రీలంక)
శ్రీలంకకు చెందిన లెఫ్ట్‌ ఆర్మ్‌ స్పిన్నర్ ప్రభాత్ జయసూర్య 2024లో 48 వికెట్లు సాధించాడు ఈ లిస్టులో ఐదో స్థానం దక్కించుకున్నాడు. అతడు ఈ ఏడాది ఏకంగా 477 ఓవర్లు బౌలింగ్‌ చేయడం గమనార్హం.

View this post on Instagram

A post shared by ThePapare.com (@thepapare)

మ్యాట్‌ హెన్రీ (న్యూజిలాండ్)
న్యూజిలాండ్ రైట్ ఆర్మ్ పేసర్ మ్యాట్‌ హెన్రీ నాలుగో స్థానంలో ఉన్నాడు. ఈ ఏడాది మొత్తం 48 వికెట్లు తీశాడు.

షోయబ్ బషీర్ (ఇంగ్లండ్)
ఇంగ్లండ్‌కు చెందిన యంగ్‌ ఆఫ్ స్పిన్నర్ షోయబ్ బషీర్ కూడా ఈ ఏడాది సంచలన ప్రదర్శనలు చేశాడు. 15 మ్యాచుల్లో 49 వికెట్లు పడగొట్టి మూడో స్థానంలో నిలిచాడు.

గుస్ అట్కిన్సన్ (ఇంగ్లండ్)
ఇంగ్లండ్ ఫాస్ట్ బౌలర్ గుస్ అట్కిన్సన్ 2024లో 52 వికెట్లతో జాబితాలో రెండో స్థానంలో ఉన్నాడు. అట్కిన్సన్ అత్యుత్తమ గణాంకాలు 7/45.

జస్ప్రీత్ బుమ్రా (భారత్‌)
భారత స్టార్ ఫాస్ట్ బౌలర్ జస్ప్రీత్ బుమ్రా ఈ ఏడాది టెస్టు క్రికెట్‌లో అత్యధిక వికెట్లు తీసిన బౌలర్‌గా నిలిచాడు. 12 మ్యాచుల్లో 58 వికెట్లు పడగొట్టాడు. బుమ్రా మొత్తం 294.4 ఓవర్లు బౌల్ చేశాడు, అత్యుత్తమ గణాంకాలు 6/45.