Team India Players Volleyball: 2024 టీ20 వరల్డ్కప్ టోర్నీలో బిజీగా ఉన్న టీమ్ఇండియా ప్లేయర్లు సరదాగా వాలీబాల్ గేమ్ ఆడారు. సూపర్- 8 మ్యాచ్ల కోసం ఇప్పటికే వెస్టిండీస్ చేరుకున్న టీమ్ఇండియా ప్లేయర్లు, సోమవారం బర్బడోస్ బీచ్లో వాలీబాల్ ఆడుతూ కాస్త చిల్ అయ్యారు. స్టార్ బ్యాటర్ విరాట్ కోహ్లీ, రింకూ సింగ్, హార్దిక్ పాండ్య ఫ్యాన్స్ను ఆకర్షించారు. హుషారుగా ఆడుతూ గేమ్ను బాగా ఎంజాయ్ చేశారు..
ప్లేయర్లంతా రెండు జట్లుగా విడిపోయి సరదాగా మ్యాచ్ ఆడారు. వీరితోపాటు టీమ్ఇండియా ఫీల్డింగ్ కోచ్ టీ దిలీప్ కూడా వాలీబాల్ గేమ్లో పాల్గొన్నాడు. ఇక ప్లేయర్లలో కొంతమంది చొక్కా లేకుండా ఆడుతూ కనిపించారు. ఈ క్రమంలో విరాట్ చాలా ఫిట్గా కనిపించడం నెటిజన్లను ఆకట్టుకుంటుంది. యంగ్ బ్యాటర్లు రింకూ సింగ్, యశస్వీ జైశ్వాల్ జట్టులో అద్భుతంగా ఆడతారని పేసర్ ఖలీల్ అహ్మద్ చెప్పాడు. ఈ వీడియోను బీసీసీఐ అఫీషియల్ ట్విట్టర్ అకౌంట్లో షేర్ చేసింది. ప్రస్తుతం ఈ వీడియో సోషల్ మీడియాలో వైరల్గా మారింది.
గ్రూప్ స్టేజ్లో ఆడిన 3 విజయాలతో ఇప్పటికే సూపర్- 8కి దూసుకెళ్లిన భారత్, కీలక మ్యాచ్లకు సన్నద్ధమవుతోంది. గ్రూప్ A నుంచి భారత్తోపాటు ఆతిథ్య దేశం అమెరికా కూడా సూపర్- 8కు అర్హత సాధించింది. ఇక సూపర్ -8లో టీమ్ఇండియా మూడు మ్యాచ్లు ఆడాల్సి ఉంది. ఇందులో తొలి మ్యాచ్లో భారత్ జూన్ 20న అఫ్గానిస్థాన్తో తలపడనుంది.
భారత్ సూపర్-8 మ్యాచ్లు
- జూన్ 20- భారత్ x అప్గానిస్థాన్ (బర్బాడోస్)
- జూన్ 22- భారత్ x బంగ్లాదేశ్ (అంటిగ్వా)
- జూన్ 24- భారత్ x ఆస్ట్రేలియా (లూసియా)
అయితే సూపర్- 8 మ్యాచ్లన్నింటికీ వర్షం అంతరాయం కలిగించే ప్రమాదం ఉన్నట్లు తెలుస్తోంది. జూన్ 20న జరిగే భారత్- అఫ్గానిస్థాన్ మ్యాచ్ మినహా మిలిగిన గేమ్లన్నింటికీ వర్షం ముప్పు పొంచి ఉందని విండీస్ వాతావరణ శాఖ పేర్కొంది. ఇప్పటికే లీగ్ స్టేజ్లో పలు మ్యాచ్లు వర్షం కారణంగానే రద్దయ్యాయి. ఇక సూపర్- 8లోనూ ఇలాంటి పరిస్థితి ఎదురైతే ఇరు జట్లకు చెరో పాయింట్ ఇస్తారు. కానీ, అది ఆయా జట్ల అవకాశాలపై తీవ్ర ప్రభావం చూపించే ఛాన్స్ ఉంది..
సూపర్-8కు చేరుకున్న జట్లు ఇవే- టీమ్ఇండియా ఎవరితో తలపడనుందటే? - T20 world cup 2024
నేపాల్‌పై ఘనవిజయం- సూపర్‌కు 8కు దూసుకెళ్లిన బంగ్లాదేశ్ - T20 worldcup 2024
