Suryakumar Yadav IPL : మరికొద్ది నెలల్లో ఐపీఎల్ మెగా ఆక్షన్ మొదలవ్వనుంది. దీంతో ఆయా ఫ్రాంచైజీలు తమకు నచ్చిన ఫ్లేయర్లను రిటైన్ చేసుకునేందుకు అలాగే ట్రేడ్ చేసుకునేందుకు ఆసక్తి కనబరుస్తున్నాయి. దీంతో ఈ మెగా ఆక్షన్కు ఎప్పుడు లేనంత క్రేజ్ వచ్చింది. బీసీసీఐతో మీటింగ్లో పలు విషయాలను ప్రస్థావించిన ఫ్రాంచైజీ ఓనర్లు మెగా ఆక్షన్ కంటే ముందే పలువురు స్టార్ ప్లేయర్లను జట్టులోకి తీసుకునేందుకు ప్లాన్ చేస్తున్నట్లు తెలుస్తోంది.
ముఖ్యంగా కోల్కతా నైట్ రైడర్స్ టీమ్ తమ జట్టుకు స్టార్ క్రికెటర్ సూర్యకుమార్ యాదవ్ను తీసుకునేందుకు ప్రయత్నిస్తున్నట్లు క్రికెట్ వర్గాల్లో టాక్ నడుస్తోంది. అది కూడా జట్టు కెప్టెన్గా. ఇప్పటికే ఈ విషయాన్ని సూర్యకుమార్తో చర్చించారని, అతడు ఈ ఆఫర్కు ఓకే చెప్తే భారీ మొత్తంలో రెమ్యూనరేషన్ ఇచ్చి తీసుకునేందుకు సిద్ధంగా ఉన్నట్లు తెలుస్తోంది. ప్రస్తుతం ఈ విషయమై సోషల్ మీడియాలో రూమర్స్ ట్రెండ్ అవుతున్నాయి. అయితే ఈ విషయంపై కోల్కతా నైట్రైడర్స్ ఫ్రాంచైజీ స్పందించలేదు.
ఇక సూర్యకుమార్ ఐపీఎల్ కెరీర్ విషయానికి వస్తే, కోల్కతా జ‌ట్టుతోనే సూర్యకుమార్ తన కెరీర్ను ప్రారంభించాడు. 2014 నుంచి 2017 వ‌ర‌కూ అతడు ఆ టీమ్కు ప్రాతినిథ్యం వహించి 54 మ్యాచుల్లో 608 పరుగులు స్కోర్ చేశాడు. ఆ త‌ర్వాతనే ముంబయి ఇండియన్స్ జట్టులో చేరాడు. అప్పటి నుంచి ముుంబయి టీమ్కు కీలక ఇన్నింగ్స్ అందించాడు. అయితే తాజాగా ముంబయి జట్టులో జరుగుతున్న కాంట్రవర్సీల వల్ల సూర్యకుమార్ అసంతృప్తి చెందినట్లు తెలుస్తోంది. దీంతో సూర్యకుమార్ ఈ ఆఫర్కు ఓకే చెప్పే ఛాన్స్లు ఉన్నాయని క్రికెట్ వర్గాల మాట.
గతంలో సూర్యకుమార్ను వదులుకుని తామ తప్పు చేశామంటూ కోల్కతా నైట్రైడర్స్ టీమ్ కూడా కీలక వ్యాఖ్యలు చేసిన సంగతి తెలిసిందే. ఇప్పుడు ఈ రూమర్ వల్ల మళ్లీ ఆ మాటలు నెట్టింట తెగ ట్రెండ్ అవుతున్నాయి. స్కై ఫ్యాన్స్ కూడా తమ ఫేవరట్ స్టార్ ఎటువంటి డెసిషన్ తీసుకుంటాడో అని సోషల్ మీడియాలో కామెంట్ చేస్తున్నారు.
'ఇప్పటికీ మా బంధం అలానే ఉంది - అందుకే అటువంటి అవకాశం వచ్చింది' - India Tour Of Srilanka
'అందుకే హార్దిక్కు కెప్టెన్సీ ఇవ్వలేదు - సూర్యకుమార్ బెస్ట్' - Hardik Suryakumar yadav
