Sunrisers Hyderabad Ipl 2024: సన్రైజర్స్ హైదరాబాద్ జట్టుకు 2024 సీజన్కు గాను ప్రముఖ మ్యాట్రెస్ కంపెనీ 'సెంచురీ' (Centuary India) స్పాన్సర్షిప్ ప్రకటించింది. 'సన్రైజర్స్ హైదరాబాద్కు సక్సెస్ఫుల్ హిస్టరీ ఉంది. అది ఒక బలమైన జట్టు. అదేవిధంగా మా సెంచురీ మ్యాట్రెస్కు కూడా తెలంగాణ, ఆంధ్రప్రదేశ్ రాష్ట్రాల్లో మంచి మార్కెట్ ఉంది' అని ఈ సందర్భంగా చెప్పుకొచ్చింది.
ఈ క్రమంలో సెంచురీ మ్యాట్రెస్ హైదరాబాద్లో మీట్ అండ్ గ్రీట్ ఈవెంట్ నిర్వహించింది. ఈ ఈవెంట్కు సన్రైజర్స్ ప్లేయర్లంతా హాజరై సందడి చేశారు. అయితే స్టేజ్పై కూర్చున్న సన్రైజర్స్ ప్లేయర్లు, టాలీవుడ్ స్టార్ హీరోల మేనరిజంతో కెమెరాకు ఫోజులివ్వడం ఈవెంట్లో హైలైట్గా నిలిచింది. అల్లు అర్జున్ పుష్ప 'తగ్గేదేలే', నందమూరి బాలకృష్ణ మేనరిజం 'తొడ కొట్టడం', పవర్ స్టార్ పవన్ కల్యాణ్ 'గబ్బర్ సింగ్ ' మేనరిజంతో అందర్నీ ఆకట్టుకున్నారు. ప్రస్తుతం ఈ ఈవెంట్కు సంబంధించి ఫొటోలు, వీడియోలు సోషల్ మీడియాలో వైరల్గా మారాయి.
SRH vs CSK IPL 2024: సన్రైజర్స్ హోం గ్రౌండ్లో శుక్రవారం చెన్నై సూపర్ కింగ్స్ను ఢీకొట్టనుంది. దీంతో చెన్నై ప్లేయర్లు ఇప్పటికే హైదరాబాద్ చేరుకొని ప్రాక్టీస్ మొదలు పెట్టేశారు. ఈ నేపథ్యంలో హైదరాబాద్ క్రికెట్ అసోసియేషన్ ఉప్పల్ స్టేడియంలో ప్రెస్మీట్ నిర్వహించింది. ప్రెస్మీట్లో పాల్గొన్న ఇరుజట్ల కోచ్లు తన గెలుపుపై ధీమా వ్యక్తం చేశారు.
హై స్కోర్ రిపీట్!
'ఉప్పల్ పిచ్ బౌలర్లకు కష్టంగా ఉంటుంది. ప్రతిసారీ అభిమానుల అంచనాలు అందుకోవడం కాస్త కష్టమే. అయినా ఉప్పల్ స్టేడియం వేదికగా మరోసారి భారీ స్కోర్ సాధించేందుకు మేం సిద్ధమవుతున్నాం' అని సన్ రైజర్స్ హైదరాబాద్ హెడ్‌ కోచ్ డేనియల్‌ వెట్టోరి అన్నాడు. ఇక ఇదే ప్రెస్మీట్లో చెన్నై బ్యాటింగ్ కోచ్ మైకేల్‌ హాస్సీ మాట్లాడాడు. 'సన్రైజర్స్తో మ్యాచ్లో మేం బ్యాటింగ్, బౌలింగ్‌లో రాణిస్తాం. నాకు ఆ నమ్మకం ఉంది. ఉప్పల్ పిచ్ బ్యాటింగ్కు అనుకూలంగా ఉంటుంది. మా కొత్త కెప్టెన్ కూడా బాగా ఆడుతున్నాడు. తప్పకుండా రేపటి మ్యాచ్లో విజయం సాధిస్తాం' అని హస్సీ అన్నాడు.
సన్రైజర్స్ సంచలనం- ఐపీఎల్లో ఆల్టైమ్ హైయెస్ట్ స్కోర్ నమోదు - SRH VS MI IPL 2024
