Pat Cummins IPL 2024: 2024 ఐపీఎల్లో ప్యాట్ కమిన్స్ సారథ్యంలోని సన్రైజర్స్ హైదరాబాద్ జట్టు అదరగొడుతోంది. ఈ సీజన్లో సన్రైజర్స్ ఎలాంటి బెదురు లేకుండా ఆడడానికి కారణం జట్టు కెప్టెన్ కమిన్సే అనడంలో సందేహం లేదు. ఇప్పటివరకు 12 మ్యాచ్లు ఆడిన సన్రైజర్స్ 7 విజయాలతో ప్లేఆఫ్స్కు చేరువలో ఉంది. ప్రస్తుతం 14 పాయింట్లతో పట్టికలో మూడో స్థానంలో కొనసాగుతున్న సన్రైజర్స్ ఇంకో విజయం సాధిస్తే దాదాపు బెర్త్ ఖరారవుతోంది. దీంతో సన్రైజర్స్ కచ్చితంగా టాప్- 4లో ఉంటుందన్న నమ్మకంతో అభిమానులంతా ప్లేఆఫ్స్కు రెడీ అవుతున్నారు. కానీ, అంతలోనే ఫ్యాన్స్ను కంగారులో పడేశాడు కమిన్స్.
ప్లేఆఫ్స్ ముంగిట మ్యాచ్లు రసవత్తరంగా సాగుతున్నాయి. అయితే సన్రైజర్స్కు ఇంకో వారం దాకా మ్యాచ్లు లేకపోవడం వల్ల కెప్టెన్ కమిన్స్ కాస్త బ్రేక్ తీసుకున్నాడు. లఖ్నవూతో మ్యాచ్ తర్వాత కమిన్స్ ఫ్యామిలీతో కలిసి దుబాయ్ ట్రిప్నకు వెళ్లాడు. అక్కడ ఫ్యామిలీతో వెకేషన్ ఎంజాయ్ చేస్తున్నాడు. కమిన్స్ దుబాయ్లో గోల్ఫ్ ఆడుతున్న ఫొటోలు సోషల్ మీడియాలో వైరల్ అయ్యాయి. దీనిపై సోషల్ మీడియాలో భిన్నాభిప్రాయాలు వ్యక్తమవుతున్నాయి.
'ప్లేఆఫ్స్ ముందు ఇలాంటి వెకేషన్లు అవసరమా?', 'కమిన్స్ సన్రైజర్స్ను పట్టించుకోవడం లేదా?', 'రూ.25 కోట్లు బాగానే వాడుతున్నాడు', 'వారం రోజుల గ్యాప్ ఎంజాయ్ చేస్తున్నాడు' అంటూ ఫ్యాన్స్ కామెంట్స్ చేస్తున్నారు. అయితే ఇలాంటి హై కాంపిటేషన్ టోర్నీల్లో 'గ్యాప్ దొరికితే రిలాక్స్ అవ్వడం మంచిదే'నని మరికొందరు అంటున్నారు. ఇక సన్రైజర్స్ మే 16న సొంత మైదానం ఉప్పల్లో గుజరాత్ టైటాన్స్తో తలపడనుంది.
ఇక ప్రస్తుత సీజన్లో సన్రైజర్స్ జట్టు ఐపీఎల్లో అనేక రికార్డులు సృష్టించింది. ఐపీఎల్లో అత్యధిక టాప్- 2 స్కోర్ (287, 277 పరుగులు) సన్రైజర్స్ పేరిటే ఉన్నాయి. మూడుసార్లు 260+ స్కోర్లు నమోదు చేసి ఔరా అనిపించింది. ఈ క్రమంలో సన్రైజర్స్ ఇప్పటివరకు 12 మ్యాచ్ల్లో కలిపి 146 సిక్స్లు బాదింది. సింగిల్ సీజన్లో ఓ టీమ్ బాదిన అత్యధిక సిక్స్లు కూడా ఇవే.
'అభిషేక్ బ్యాటింగ్ స్ట్రైల్ ఫుల్ క్లాస్- అచ్చం యువీలానే' - Abhishek Sharma IPL
58 బంతుల్లోనే 166 ఉఫ్‌ - సన్రైజర్స్ ఖాతాలో రికార్డులే రికార్డులు - IPL 2024 LSG VS SRH
