Sourav Ganguly T20 World Cup 2024 : టీమ్ఇండియా స్టార్ క్రికెటర్, బీసీసీఐ మాజీ అధ్యక్షుడు సౌరభ్‌ గంగూలీ తాజాగా చేసిన కామెంట్స్ ఇప్పుడు సోషల్ మీడియాలో తెగ ట్రెండ్ అవుతున్నాయి. తనపై కామెంట్ చేసే విమర్శకులపై ఆయన తీవ్ర స్థాయిలో విరుచుకుపడ్డాడు. వారందరూ ఓ విషయం గురించి మర్చిపోయారంటూ వ్యాఖ్యానించాడు.
టీ20 ప్రపంచప్‌ గెలుపుతో దేశమంతా సంబరాలు చేసుకున్నారని, ఆ ఖ్యాతిని కొనియాడుతున్నారని అన్నాడు. అయితే ఈ విజయానికి వెనక ఉన్న రోహిత్ శర్మను టీమ్ఇండియా కెప్టెన్గా చేసిన తనను మాత్రం అందరూ మర్చిపోయారంటూ తాజాగా ఓ ఇంటర్వ్యూలో పేర్కొన్నాడు.
"రోహిత్ శర్మకు నేను టీమ్ఇండియా కెప్టెన్సీ బాధ్యతలు అందించినప్పుడు అందరూ నన్ను విమర్శించారు. ఇప్పుడు అతడి సారథ్యంలోనే భారత్ టీ20 ప్రపంచకప్‌ను ముద్దాడింది. దీంతో అందరూ నన్ను విమర్శించడం మానేశారు. అందరూ ఆ విషయాన్ని మరచిపోయారని నేను అనుకుంటున్నా. రోహిత్‌ను భారత జట్టుకు కెప్టెన్గా నియమించింది నేనే" అంటూ గంగూలీ అన్నాడు.
ఇంతకీ ఏం జరిగిందంటే?
టీమ్ఇండియా కెప్టెన్గా రోహిత్ శర్మకు పగ్గాలు అప్పగించిన సమయంలో బీసీసీఐ అధ్యక్షుడిగా గంగూలీ ఉన్నాడు. అయితే గంగూలీ తీసుకున్న నిర్ణయం గురించి చాలా మంది నుంచి ఆయన్ను విమర్శించడం మొదలెట్టారు. అది సరైనదని కాదంటూ కామెంట్ చేశారు.
2021లో జరిగిన టీ20 ప్రపంచ కప్లో భారత జట్టు అనుహ్యంగా గ్రూప్ దశ నుంచే నిష్క్రమించిన తర్వాత స్టార్ క్రికెటర్ విరాట్ కోహ్లీ అన్ని ఫార్మాట్ల నుంచి కెప్టెన్గా తప్పుకున్నాడు. ఆ తర్వాత ఆ బాధ్యతలను రోహిత్ శర్మ అందుకున్నాడు. దీంతో రోహిత్ కెప్టెన్సీపై కూడా పలువురు కామెంట్ చేశారు. కానీ ఇప్పుడు అతడి సారథ్యంలో టీమ్ఇండియా అనేక సిరీస్‌లు గెలుపొందింది.
2023 డబ్ల్యూటీసీ ఫైనల్‌, 2023 వన్డే ప్రపంచ కప్ ఫైనల్‌ వరకు చేరుకుంది. ఆ టోర్నీల్లో చివరి మెట్టుపై బోల్తాపడిన టీమ్ఇండియా 2024 టీ20 ప్రపంచ కప్‌ను మాత్రం ముద్దాడింది. దీంతో క్రికెట్ లవర్స్తో పాటు భారత ప్రజలు సంబరాలు చేసుకున్నారు. బీసీసీఐ కూడా విజయోత్సవాల్లో భాగంగా రోడ్షో నిర్వహించి టీమ్ఇండియా ప్లేయర్లను సన్మానించింది.
లార్డ్స్ విజయానికి 22ఏళ్లు- గంగూలీ మాస్ లెవెల్ సెలబ్రేషన్స్ గుర్తున్నాయా? - Ind vs Eng Lords 2022
'గంభీర్ సరైనోడే, వాళ్లను డీల్ చేయడం అతడికి తెలుసు' - India Head Coach
