Sarfaraz Khan Father: టీమ్ఇండియా యంగ్ బ్యాటర్ సర్ఫరాజ్ ఖాన్ తండ్రి నౌషద్ ఖాన్ పేరు ఈ మధ్య సోషల్ మీడియాలో ఎక్కువగా వినిపిస్తోంది. గతనెల భారత్ తరఫున సర్ఫరాజ్ అంతర్జాతీయ అరంగేట్రం (International Debut) చేసిన సందర్భంగా నౌషద్ ఖాన్ ఎమోషనల్ అయ్యారు. కుమారుడి కోసం ఎంత కష్టపడింది పలు సందర్భాల్లో ఆయన చెప్పారు. ఈ క్రమంలో నౌషద్కు సోషల్ మీడియాలో ప్రశంసలు వెల్లవెత్తాయి. దీంతో కొన్నిరోజులుగా నౌషద్ ఖాన్ పేరు నెట్టింట తరచూ వినిపిస్తోంది.
ఈ నేపథ్యంలో ఆయన ఫేమ్ను కొంతమంది స్కామర్లు (Scams Frauds) క్యాష్ చేసుకునే ప్రయత్నాలు చేస్తున్నారని నౌషద్ ఖాన్ అన్నారు. సోషల్ మీడియాలో నౌషద్ ఖాన్ పేరిట ఫేక్ అకౌంట్లు (Fake Accounts) క్రియేట్ చేసి యువకులను డబ్బులు అడుగుతున్నారని సర్ఫరాజ్ తండ్రి ఆందోళన వ్యక్తం చేశారు. ఈ మేరకు ఓ వీడియో రిలీజ్ చేశారు. 'అందరికీ నమస్కారం. కొంతమంది స్కామర్లు ఫేస్బుక్, ఇన్స్టాగ్రామ్లో నా పేరుతో ఫేక్ అకౌంట్లు క్రియేట్ చేసి ఐపీఎల్లో నెట్ బౌలర్గా ఛాన్స్ ఇప్పిస్తామంటూ యువతను డబ్బులు అడుగుతున్నారు. ఎవరు కూడా ఈ ట్రాప్లో పడకండి. మీ టాలెంట్ను మాత్రమే నమ్మకోండి. ప్రస్తుతానికి నేను ఐపీఎల్లో ఏ టీమ్కూ కూడా కోచ్గా లేను' అని నౌషద్ ఖాన్ అన్నారు.
ఎమోషనల్ డే: ఇంగ్లాండ్తో రాజ్కోట్ వేదికగా జరిగిన టెస్టు మ్యాచ్తో 26 ఏళ్ల సర్ఫరాజ్ ఖాన్ అంతర్జాతీయ అరంగేట్రం చేశాడు. టీమ్ఇండియా మాజీ ప్లేయర్ అనిల్ కుంబ్లే, సర్ఫరాజ్కు టెస్టు క్యాప్ అందించాడు. అయితే సర్ఫరాజ్ డెబ్యూ క్యాప్ (Debut Cap) అందుకున్న సమయంలో ఓ సంఘటన అందర్నీ ఆకర్షించింది. కుమారుడు జాతీయ జట్టులో ఆరంగేట్రం చేస్తున్న సందర్భంగా సర్ఫరాజ్ తండ్రి నౌషద్ ఖాన్ ఒక్కసారిగా భావోద్వేగానికి (Emotional) గురయ్యారు. సంతోషంలో ఆనందబాష్పాలతో తన కుమారుడు అందుకున్న డెబ్యూ క్యాప్ను నౌషద్ ఖాన్ ముద్దు పెట్టుకున్నారు. ఈ వీడియో అప్పట్లో నెట్టింట వైరలైంది.
డెబ్యూ రనౌట్పై సర్ఫరాజ్ రియాక్షన్- ఇలాంటివి మామూలే అంటూ!
టెస్టుల్లో సర్ఫరాజ్ డెబ్యూ- క్యాప్ను ముద్దాడుతూ తండ్రి ఎమోషనల్
