Ravindra Jadeja CSK : టీమ్ఇండియా ఆల్రౌండర్ రవీంద్ర జడేజా గురించి ప్రత్యేకంగా చెప్పనక్కర్లేదు. తన బౌలింగ్ స్కిల్స్తో వరుస వికెట్లు పడగొట్టి ప్రత్యర్థులను చిత్తు చేసే ఈ స్టార్, బ్యాటింగ్లోనూ అదరగొడుతుంటారు. క్రీజులోకి వచ్చాడంటే ఇక బౌండరీలు బాదుతూ చెలరేగిపోతుంటాడు. తాజాగా చేపక్ స్టేడియం వేదికగా కోల్కతాతో జరిగిన పోరులోనూ తన సత్తా చాటాడు. మూడు వికెట్లు తన ఖాతాలో వేసుకుని చెన్నై గెలుపులో కీలకమయ్యాడు.
అయితే ఈ స్టార్ క్రికెటర్ ఈ మ్యాచ్లో చేసిన ఓ పని ఇప్పుడు నెట్టింట ట్రెండ్ అవుతోంది. అతడు చేసిన అల్లరి గురించి అభిమానులు చెప్పుకుని నవ్వుకుంటున్నారు. మమల్ని ప్రాంక్ చేశావ్ కదా గురు అంటూ సరదాగా కామెంట్లు పెడుతున్నారు. ఇంతకీ ఏం జరిగిందంటే ?
మ్యాచ్ ఎంతో ఉత్కంఠగా సాగుతున్న సమయంలో నాలుగో స్థానంలో వచ్చిన శివవ్ దుబె ఔటయ్యాడు. అయితే అందరి దృష్టి డగౌట్ పై పడింది. తమ ఫేవరట్ స్టార్ ధోనీ క్రీజులోకి ఎంట్రీ ఇచ్చే మూమెంట్ కోసం ఎదురుచూస్తున్నారు. దీంతో స్టేడియంలోని అందరూ ధోనీ ధోనీ అంటూ అరవడం మొదలెట్టారు. అయితే సరిగ్గా అదే సమయంలో బ్యాట్ పట్టుకుని జడేజా బయటకి వచ్చాడు. దీంతో అందరూ ఒక్కసారిగా షాకయ్యారు.
'ఏంటి ధోని బ్యాటింగ్కు రావట్లేదా' అంటూ ఆలోచించసాగారు. అయితే బయటకి వచ్చినట్లే వచ్చి నవ్వుకుంటూ జడ్డూ మళ్లీ డగౌట్లోకి వెళ్లిపోయాడు. దీంతో అతడు అందరిని ఆటపట్టించాడన్న విషయాన్ని అర్థం చేసుకున్న అభిమానులు నవ్వుకున్నారు.
Jadeja teased the crowd by walking ahead of Dhoni as a joke. This team man🤣💛 pic.twitter.com/Kiostqzgma
— 𝐒𝐞𝐫𝐠𝐢𝐨 (@SergioCSKK) April 8, 2024అయితే జడేకూ ఇలా ప్రాంక్ చేయమంటూ ధోనీనే స్వయంగా చెప్పాడట. తాను బ్యాటింగ్కు రెడీగా ఉన్న సమంలో జడ్డూని ఊరికే అలా వెళ్లి ఫ్యాన్స్కు షాక్ ఇవ్వు అంటూ ధోనీ చెప్పినట్లు చెన్నై జట్టు ప్లేయర్ తుషార్ దేశ్పాండే చెప్పుకొచ్చాడు. ఇది విన్న ఫ్యాన్స్ ధోనీ అల్లరి పనులకు నవ్వుకుంటున్నారు. అతడు ఇంకా మారలేదంటూ కామెంట్లు పెడుతున్నారు. మరికొందరేమో ధోనీలో ఈ యాంగిల్ చాలా బాగుంటుందంటూ మురిసిపోతున్నారు. ఫ్యాన్స్ను హ్యాపీగా ఉంచేందుకు ధోనీ ఇలాంటి పనులు చాలానే చేస్తారంటూ ఆనందం వ్యక్తం చేస్తున్నారు.
హాఫ్ సెంచరీతో రుతురాజ్ - ఐదేళ్ల తర్వాత చెన్నై కెప్టెన్ అరుదైన ఘనత - Ruturaj Gaikwad CSK
ముంబయి విజయం - 18 వేల మంది చిన్నారులతో నీతా అంబానీ సందడి - IPL 2024 DC VS Mumbai Indians
