PV Sindhu Engagement : భారత స్టార్ షట్లర్ పీవీ సింధు తాజాగా తన ఎంగేజ్మెంట్ ఫొటోను అభిమానులతో షేర్ చేసుకున్నారు. శనివారం ఓ స్పెషల్ ఈవెంట్లో వెంకట దత్త సాయితో ఆమె నిశ్చితార్థం జరిగినట్లు తెలుస్తోంది. "ఒకరి ప్రేమ మనకు దక్కినప్పుడు, మనం కూడా వారిని తిరిగి ప్రేమించాలి. ఎందుకంటే ఆ ప్రేమ తనంతట తానుగా ఏమీ ఇవ్వదు" అంటూ సింధు ఆ పోస్ట్కు క్యాప్షన్ జోడించింది. ప్రస్తుతం ఈ ఫొటో క్రీడాభిమానులను అలాగే నెటిజన్లను తెగ ఆకట్టుకుంటోంది.
రాజస్థాన్లో వెడ్డింగ్
ఇదిలా ఉండగా, ఈ ఇద్దరి పెళ్లి వేడుక ఈ నెల 22న రాజస్థాన్‌లోని ఉదయ్‌పుర్‌లో జరగనుంది. ఈ నెల 20 నుంచి సింధు పెళ్లి వేడుకలు మొదలు కానున్నాయని సమాచారం. అయితే డిసెంబర్‌ 24న హైదరాబాద్‌లో రిసెప్షన్‌ ఏర్పాటు చేయనున్నారు. ఇక కాబోయే దంపతులు ప్రధాని నరేంద్ర మోదీ, సచిన్ తెందూల్కర్, కేంద్ర హోం మంత్రి అమిత్ షాలను కలిసి వారిని తమ పెళ్లికి హాజరుకావాలని కోరారు.
ఇక పీవీ సింధు కాబోయే వరుడు పోసిడెక్స్‌ టెక్నాలజీస్‌ ఎగ్జిక్యూటివ్‌ డైరెక్టర్, హైదరాబాద్‌కు చెందిన వెంకట దత్త సాయి. ఆయన బ్యాడ్మింటన్‌ ఆడరు కానీ ఆయనకు ఆటలపై బాగానే ఆసక్తి ఉంది. మోటార్‌ స్పోర్ట్స్‌లో తనకు ప్రవేశం ఉంది. డర్ట్‌ బైకింగ్, మోటార్‌ ట్రెక్కింగ్‌లో తరచూ పాల్గొంటుంటారు. తన దగ్గర డజను సూపర్ బైక్స్‌తో పాటు కొన్ని స్పోర్ట్స్‌ కార్లూ ఉన్నాయి.
తన తండ్రి గౌరెల్లి వెంకటేశ్వరరావు ఇన్కమ్ట్యాక్స్ డిపార్ట్మెంట్లో మాజీ అధికారి. ప్రస్తుతం సాయి ఎగ్జిక్యూటివ్‌ డైరెక్టర్‌గా ఉన్న ప్రోసిడెక్స్‌ టెక్నాలజీస్‌ సంస్థను ఆయనే నెలకొల్పారు. సాయి తల్లి లక్ష్మి. ఆమె తండ్రి భాస్కరరావు హైకోర్టు జడ్జిగా పదవీ రిటైర్ అయ్యారు. భాస్కరరావు అన్న ఉజ్జిని నారాయణరావు సీపీఐ పార్టీ తరఫున నల్గొండ జిల్లా మునుగోడు మాజీ ఎమ్మెల్యేగా సేవలు అందించారు. జిందాల్‌ సౌత్‌ వెస్ట్‌ (జేఎస్‌డబ్ల్యూ)తో ప్రొఫెషనల్‌ కెరీర్‌ను ప్రారంభించిన సాయి, జేఎస్‌డబ్ల్యూ సహ యజమానిగా ఉన్న దిల్లీ క్యాపిటల్స్‌ జట్టు వ్యవహారాల్ని చూసుకున్నారు.
'పెళ్లైన తర్వాత బ్యాడ్మింటన్‌ కంటిన్యూ చేస్తాను - ఇప్పటికీ రోజూ ప్రాక్టీస్ చేస్తున్నా'
పెళ్లి పీటలెక్కనున్న స్టార్ షట్లర్ - రాజస్థాన్లో పీవీ సింధు వివాహం
