Gukesh D Fide Champion: 17 ఏళ్లకే ఫిడే క్యాండిడేట్స్ చెస్ టోర్నీ విజేతగా నిలిచిన భారత యువ సంచలనం గుకేశ్పై ప్రసంసల జల్లు కురుస్తోంది. అతడి విజయాన్ని అభినందిస్తూ పలువురు ప్రముఖులు సోషల్ మీడియాలో అతడిని అభినందిస్తున్నారు. ఈ క్రమంలో ప్రధాని నరేంద్ర మోదీ ఎక్స్ (ట్విట్టర్)లో విషెస్ తెలిపారు. 'గుకేశ్ నీ పట్ల భారతదేశం గర్విస్తోంది. టొరొంటోలో గుకేశ్ సాధించిన విజయం అతడి ప్రతిభ, డెడికేషన్కు నిదర్శనం. గుకేశ్ ప్రయాణం మిలియన్ల మందికి స్ఫూరి' అని మోదీ ట్వీట్ చేశారు.
ఇక గుకేశ్ విజయంపై చెస్ లెజెండ్ విశ్వనాథన్ ఆనంద్ స్పందించారు. ఆయన కూడా ఎక్స్లో ట్వీట్ చేశారు. చిన్న వయసులో ఛాలెంజర్గా మారినందుకు అభినందించారు. 'వాకా చెస్ ఫ్యామిలీ నీ విజయం పట్ల గర్విస్తోంది. క్లిష్ట పరిస్థితుల్లో నువ్వు ఆడిన ఆట పట్ల నిజంగా గర్విస్తున్నా' అని విశ్వనాథన్ ఆనంద్ తెలిపారు. ఇక మహీంద్ర సంస్థల ఛైర్మన్ ఆనంద్ మహీంద్ర, కేంద్ర క్రీడాశాఖ మంత్రి అనురాగ్ ఠాకూర్, కేంద్ర మంత్రి కిరణ్ రిరీజు, తమిళనాడు మంత్రి ఉథయనిధి స్టాలిన్ కూడా గుకేశ్కు సోషల్ మీడియా వేదికగా శుభాకాంక్షలు తెలిపారు.
కాగా, టొరొంటో వేదికగా జరిగిన ఫిడే క్యాండిడేట్స్ చెస్ టోర్నమెంట్లో గుకేశ్ తన ప్రత్యర్థి హికారు నకముర (అమెరికన్)పై విజయం సాధించాడు. ఈ క్రమంలో అతి పిన్న వయసు (17 ఏళ్లు)లో ఫిడే క్యాంటిడేట్స్ టైటిల్ సొంతం చేసుకున్న ప్లేయర్గా గుకేశ్ రికార్డు కొట్టాడు. 13వ రౌండ్ వరకు 8.5 పాయింట్లతో నిలిచిన గుకేశ్, 14వ రౌండ్లో నకమురతో గేమ్ డ్రా చేసుకున్నాడు. దీంతో అతడి ఖాతాలో 9 పాయింట్లు చేరి టైటిల్ సొంతం చేసుకున్నాడు. ఇక చెస్ లెజెండ్ విశ్వనాథన్ ఆనంద్ తర్వాత క్యాండిడేట్స్ విజేతగా నిలిచిన రెండో భారతీయుడిగానూ గుకేశ్ రికార్డు సాధించాడు. ఈ విజయంతో గుకేశ్ చైనా గ్రాండ్మాస్టర్ డింగ్‌ లిరెన్‌తో ప్రపంచ ఛాంపియన్‌షిప్‌ టైటిల్ పోరుకు అర్హత సాధించాడు. కాగా, ఈ ప్రపంచ ఛాంపియన్‌షిప్‌ పోటీలకు తేదీలు, వేదిక ఇంకా ఖరారు కాలేదు.
ఫిడే క్యాండిడేట్స్ విజేతగా గుకేశ్- భారత గ్రాండ్మాస్టర్ ప్రపంచ రికార్డ్ - fide candidates 2024
