'ఇదంతా దేవుడి స్క్రిప్ట్​'- కమ్​బ్యాక్​పై పంత్ ఎమోషనల్ వీడియో - Rishabh Pant T20 World Cup

Rishabh Pant T20 World Cup: టీమ్ఇండియా యంగ్ బ్యాటర్ రిషభ్ పంత్ రీ ఎంట్రీలోనే ఛాంపియన్ అయ్యాడు. రోడ్డు ప్రమాదం కారణంగా దాదాపు 16నెలలు దూరంగా ఉన్న పంత్ కమ్​బ్యాక్​పై నెటిజన్లు ప్రశంసలు కురిపిస్తున్నారు.

Rishabh Pant T20 World Cup: టీ20 ప్రపంచకప్​ విజయం తర్వాత టీమ్ఇండియా స్టార్ బ్యాటర్ రిషభ్ పంత్ ఎమోషనలయ్యాడు.​ దాదాపు 16నెలల తర్వాత జట్టులో రీ ఎంట్రీ ఇచ్చిన పంత్ ఈ టోర్నీలో మంచి కమ్​బ్యాక్​తో ఆకట్టుకున్నాడు. రోడ్డు ప్రమాదం కారణంగా కొంతకాలం జట్టుకు దూరమైన పంత్​ రీ ఎంట్రీ తొలి టోర్నీలోనే ఛాంపియన్​ అయ్యాడు. ఈ నేపథ్యంలో పంత్ సోషల్ మీడియాలో ఓ వీడియో షేర్ చేశాడు. 'ఇదంతా దేవుడి ప్లాన్' అని వీడియోకు క్యాప్షన్ రాసుకొచ్చాడు.

సర్జరీ తర్వాత కోలుకుంటున్నప్పటి నుంచి జాతీయ జట్టులోకి ఎంట్రీతో వరల్డ్​కప్​ నెగ్గిన మూమెంట్​ దాకా సన్నివేశాలు ఆ వీడియోలో ఉన్నాయి. యాక్సిడెంట్ నుంచి వరల్డ్​కప్ విజేతగా నిలవడం దాకా అతడి కమ్​బ్యాక్ స్ఫూర్తి అని నెటిజన్లు కామెంట్ చేస్తున్నారు. 'పంత్ స్టోరీ చాలా మందికి ఇన్స్పిరేషన్', 'గ్రేటెస్ట్ కమ్​బ్యాట్' 'నిజంగానే ఇదంతా దేవుడి స్క్రిప్ట్​' అంటూ నెటిజన్లు పంత్​పై ప్రశంసల జల్లు కురిపిస్తున్నారు.

అయితే కొన్ని నెలల కిందట కర్ర సాయంతో నడిచిన పంత్, నిరంతరం శ్రమించి తిరిగి జట్టులో స్థానం సంపాదించాడు. పొట్టికప్​ టోర్నీలో టీమ్ఇండియాకు సమర్థంగా వికెట్ కీపర్​గా బాధ్యతలు నిర్వర్తించడం నిజంగా అద్భుతమనే చెప్పాలి. ఈ క్రమంలోనే పలు క్యాచ్​లు, స్టంపింగ్​లు, రనౌట్​లు చేసి జట్టు విజయాల్లో కీలకంగా మారాడు. అటు బ్యాటింగ్​లోనూ రాణించాడు. ఆడిన 8 మ్యాచ్​ల్లో 171 పరుగులతో ఆకట్టుకున్నాడు. ఇక ఫైనల్​లో డకౌటై నిరాశ పర్చినా, కీపింగ్​తో ఫర్వాలేదనిపించాడు.

Blessed, Humbled & Grateful. 🏆
God has its own plan 🔥😇#RP17 pic.twitter.com/6JnKQ2V9LT

— Rishabh Pant (@RishabhPant17) July 2, 2024

ఐపీఎల్​తో సెలక్టర్ల దృష్టిలోకి
అయితే గతేడాది ఐపీఎల్​కు పూర్తిగా దూరమైన పంత్ 2024 ఎడిషన్​లో ఆడాడు. దిల్లీ క్యాపిటల్స్​కు నాయకత్వం వహించిన పంత్ బ్యాట్​తో అదరగొట్టాడు. 13మ్యాచ్​ల్లో 35.31 సగటుతో 446 పరుగులతో రాణించాడు. ఇందులో మూడు హాఫ్ సెంచరీలు ఉన్నాయి. సుదీర్ఘ విరామం తర్వాత జట్టులోకి వచ్చినా, యాక్సిడెంట్ ప్రభావం ఎక్కడా కనిపించకుండా పంత్ ఆకట్టుకున్నాడు. దీంతో సెలక్టర్ల దృష్టిలో పడిన పంత్ టీ20 ప్రపంచకప్ జట్టులో చోటు దక్కించుకున్నాడు.

This medal 🥇 hits you differently 🇮🇳🇮🇳😇 pic.twitter.com/V9p2frmO8N

— Rishabh Pant (@RishabhPant17) July 3, 2024