Pairs Olympics 2024 Neeraj Chopra Arshad Nadeem : పారిస్ ఒలింపిక్స్ 2024లో అథ్లెట్ల పోరాటం ముగిసింది. కానీ ఈ ఒలింపిక్స్కు సంబంధించిన చర్చలు ఇంకా క్రీడాభిమానుల్లో సాగుతూనే ఉన్నాయి. ఎప్పటిలాగే ఈ ఏడాది కూడా ప్రపంచ నలుమూలలకు సంబంధించిన అథ్లెట్లు వేరు వేరు విభాగాల్లో తమ ప్రతిభను కనబరిచారు. మన భారత్కు చెందిన జావెలిన్ త్రో ప్లేయర్ నీరజ్ చోప్రా జావెలిన్ త్రో పురుషుల విభాగంలో సిల్వర్ మెడల్ సాధించి దేశాన్ని గర్వించేలా చేశాడు. గతంలో టోక్యో ఒలింపిక్స్లో స్వర్ణం సాధించిన చోప్రా ఈ సారి రజతాన్ని ముద్దాడాడు. ఇదే ఈవెంట్లో పాకిస్థాన్ ప్లేయర్ అర్షద్ నదీమ్ తన అద్భుతమైన ప్రదర్శనతో స్వర్ణ పతాకాన్ని దక్కించుకున్నాడు. ఈటెను 92.97 మీటర్ల దూరం విసిరిన నదీమ్ ఒలింపిక్స్లో సరికొత్త రికార్డు నమోదు చేశాడు. నీరజ్ ఈటెను 89.45 మీటర్లు విసిరి రెండో స్థానంలో నిలిచాడు.
అయితే నీరజ్, అర్షద్లు మంచి మిత్రులు. వీరిద్దరూ ఒకరి మీద ఒకరు అపారమైన గౌరవం, అభిమానం కలిగి ఉంటారు. ఈ నేపథ్యంలో ఆట ముగిసిన తర్వాత 2024 ఒలింపిక్స్ కార్యక్రమాన్ని స్ట్రీమింగ్ చేసిన ప్రముఖ ఓటీటీ సంస్థ జియో ఈ ఇద్దరు హీరలతో కాసేపు మచ్చటించింది. అందులో నీరజ్ అర్షద్ బయోపిక్ల గురించి చర్చ జరిగింది.
ఈ సందర్భంగా నీరజ్ బయోపిక్కు ఏ హీరో సరిపోతారా అని అర్షద్ను ప్రశ్నించగా, బాలీవుడ్ బాద్ షా షారుక్ ఖాన్ అయితే బాగా సెట్ అవుతాడని బదులిచ్చాడు అర్షద్. అలాగే అర్షద్ బయోపిక్ తీస్తే అందులో అతని పాత్రకు ఏ హీరో సెట్ అవుతాడని నీరజ్ను ప్రశ్నించగా, బాలీవుడ్ బిగ్ బీ అమితాబ్ బచ్చన్ పేరును చెప్పాడు నీరజ్. అర్షద్ పొడవుకు, ఫిట్నెస్కు అమితాబ్ బచ్చన్ అయితే బాగా సెట్ అవుతాడని నీరజ్ చెప్పుకొచ్చాడు. ప్రస్తుతం వీరిద్దరు చెప్పిన ఈ మాటలు సోషల్ మీడియాలో తెగ చక్కర్లు కొడుతున్నాయి. ఇలా ఇద్దరు అథ్లెట్లు టాప్ హీరోలను ఎంచుకోవడంతో దానికి అమితాబ్, షారుక్లు ఎలా స్పందిస్తారా అనే ఆసక్తి క్రీడాభిమానుల్లో మొదలైంది.
మాజీ క్రికెటర్ బలవన్మరణం!- షాకింగ్ విషయాలు బయటపెట్టిన అతడి భార్య!! - Graham Thorpe Comitted Suicide
