Longest Six In IPL History: ఐపీఎల్లో బ్యాటర్ల మెరుపులు బౌలర్లను విపరీతంగా డామినేట్ చేస్తాయి. ఈ టీ-20 లీగ్‌లో బౌండరీలే లక్ష్యంగా బరిలోకి దిగుతారు బ్యాటర్లు. ప్రతీ బంతిని ఫోర్ల్, సిక్స్గా మలచాలని భావిస్తారు. ఈ క్రమంలో ఒక్కోసారి సిక్స్ బాదితే బంతి స్టేడియం దాటి బయటపడ్డ సందర్భాలు కూడా చాలానే ఉన్నాయి. అలా ఇండియన్ ప్రీమియర్ లీగ్ చరిత్రలో లాంగెస్ట్ సిక్సర్ (Longest Six) బాదింది ఎవరో తెలుసా? ఈ టోర్నీలో టాప్- 10 సిక్స్లు ఏవో ఇప్పుడు తెలుసుకుందాం.
- మహేందర్ సింగ్ ధోనీ: చెన్నై సూపర్ కింగ్స్ కెప్టెన్ మహేంద్ర సింగ్ ధోనీ ఐపీఎల్లో టాప్- 10 సిక్స్ రికార్డ్ తన పేరిట లిఖించుకున్నాడు. ధోనీ 2009లో 115 మీటర్ల సిక్సర్ కొట్టి రికార్డ్ క్రియేట్ చేశాడు. ఇక గతేడాది ఫాఫ్ డూప్లెసిస్ కూడా లఖ్నవూపై 115 మీటర్లు సిక్స్ సంధించాడు.
- గౌతమ్ గంభీర్: 2013లో గౌతమ్ గంభీర్ 117 మీటర్ల పొడవైన సిక్సర్ కొట్టాడు. 2022లో లియమ్ లివింగ్స్టన్ కూడా 117 మీటర్ల సిక్స్ బాదాడు.
- బెన్ కట్టింగ్: 2016 ఫైనల్ మ్యాచ్లో సన్‌రైజర్స్ హైదరాబాద్ బ్యాటర్ బెన్ కట్టింగ్ బెంగళూరుపై అద్భుత ఇన్నింగ్స్ ఆడాడు. ఈ ఇన్నింగ్స్లో కట్టింగ్ 117 మీటర్ల సిక్సర్ కొట్టాడు.
- రాస్ టేలర్: 2008లో ఆర్సీబీ తరపున ఆడుతున్నప్పుడు,తాను కొట్టిన బంతి 119 మీటర్ల దూరం వెళ్లింది. చెన్నై సూపర్ కింగ్స్‌పై టేలర్ ఈ ఘనత సాధించాడు.
- యువరాజ్ సింగ్: టీమ్ఇండియాలో సిక్స్లకు అప్పట్లో కేరాఫ్ అడ్రస్ యువరాజ్ సింగ్. అంతర్జాతీయ క్రికెట్లో 6 బంతులకు 6 సిక్స్లు బాది వరల్డ్ రికార్డ్ కొట్టాడు. ఈ జోరు ఐపీఎల్లోనూ కొనసాగించిన యువీ 2009లో పంజాబ్ కింగ్స్‌కు ఆడుతున్నప్పుడు 119 మీటర్ల సిక్స్ కొట్టాడు.
- క్రిస్ గేల్: క్రికెట్లో సిక్స్లకు వెస్టిండీస్ స్టార్ ప్లేయర్ క్రిస్ గేల్ పెట్టింది పేరు. యూనివర్సల్ బాస్గా పేరున్న గేల్, ఈ 2013 ఎడిషన్లో 119 మీటర్ల సిక్స్ సంధించాడు.
- రాబిన్ ఉతప్ప: ఇండియన్ ప్రీమియర్ లీగ్‌లో మూడో పొడవైన సిక్సర్ కొట్టిన రికార్డు రాబిన్ ఉతప్ప పేరిట ఉంది. 2010లో బెంగళూరు తరఫున ఆడుతున్నప్పుడు ఉతప్ప ఈ ఘనత సాధించాడు. ఉతప్ప బ్యాట్ నుంచి 120 మీటర్ల సిక్సర్ వచ్చింది.
- ఆడమ్ గిల్‌క్రిస్ట్: 2011లో ఆడమ్ గిల్‌క్రిస్ట్ పంజాబ్కు ఆడుతున్నప్పుడు ఐపీఎల్ లో రెండో పొడవైన సిక్స్ కొట్టాడు. గిల్‌క్రిస్ట్ దెబ్బకు బంతి 122 మీటర్ల దూరం వెళ్లింది.
- ప్రవీణ్ కుమార్: ఐపీఎల్లో బౌలింగ్‌లో మంచి పేరున్న ప్రవీణ్ కుమార్ కూడా ఈ లీగ్‌లో టాప్ సిక్స్ నమోదు చేశాడు. 2008లో రాజస్థాన్ రాయల్స్‌పై ప్రవీణ్ 124 మీటర్ల పొడవైన సిక్సర్ కొట్టాడు.
- ఆల్బీ మోర్కెల్: ఐపీఎల్ చరిత్రలో లాంగెస్ట్ సిక్స్ బాదిన బ్యాటర్ ఆల్బీ మోర్కెల్. 2008లో చెన్నై సూపర్ కింగ్స్ కి ఆడుతున్నప్పుడు, మోర్కెల్ దిల్లీ క్యాపిటల్స్‌ (అప్పటి దిల్లీ డేర్డెవిల్స్) పై 124 మీటర్ల దూరం సిక్స్ బాదాడు. దాదాపు 17 ఏళ్లుగా ఇదే ఐపీఎల్లో లాంగెస్ట్ సిక్స్గా ఉంది.
ఈ క్రికెటర్లకు ఫుల్ టాలెంట్- అది మాత్రం కలిసి రాలేదు!
రాజకీయాల్లో క్రికెటర్ల మార్క్- MP టూ PM వరకు- అక్కడా కూడా ఈ స్టార్లదే హవా!
