దుమ్ములేపిన సాల్ట్- 8 వికెట్ల తేడాతో KKR గ్రాండ్ విక్టరీ - KKR vs LSG IPL 2024

KKR vs LSG IPL 2024: ఈడెన్ గార్డెన్స్​ వేదికగా లఖ్​నవూతో జరిగిన మ్యాచ్​లో కోల్‌కతా గెలుపొందింది. లఖ్​నవూ నిర్దేశించిన 162 పరుగుల లక్ష్యాన్ని 15.4 ఓవర్లలోనే ఛేదించింది.

KKR vs LSG IPL 2024: 2024 ఐపీఎల్​లో కోల్‌కతా తొలిసారి లఖ్​నవూపై విజయం నమోదు చేసింది. ఆదివారం ఈడెన్ గార్డెన్స్​ వేదికగా లఖ్‌నవూతో జరిగిన మ్యాచ్‌లో 8 వికెట్ల తేడాతో విక్టరీ కొట్టింది. లఖ్​నవూ నిర్దేశించిన 162 లక్ష్యాన్ని కేకేఆర్ 15.4 ఓవర్లలోనే 2 వికెట్లు కోల్పోయి ఛేదించి ఈ సీజన్​లో నాలుగో విక్టరీ కొట్టింది. ఓపెనర్‌ ఫిలిప్‌ సాల్ట్‌ (89*; 47 బంతుల్లో 14×4, 3×6) హాఫ్ సెంచరీతో చెలరేగగా, కెప్టెన్ శ్రేయస్ అయ్యర్ (38*, 38 బంతుల్లో 6×4) రాణించాడు. ఇక లఖ్‌నవూ బౌలర్లలో మోసిన్‌ఖాన్‌ ఒక్కడే రెండు వికెట్లు దక్కించుకున్నాడు.

162 పరుగుల లక్ష్య ఛేదనలో కేకేఆర్​కు తొలి ఓవర్లోనే 22 పరుగులు వచ్చాయి. కానీ, రెండో ఓవర్లోనే సునీల్ నరైన్ (6) క్యాచౌట్​గా వెనుదిరిగాడు. ఆ తర్వాత 3.1 వద్ద మరో యంగ్ బ్యాటర్ రఘువంశీ (7) కూడా పెవిలియన్ చేరాడు. దీంతో పవర్​ప్లే లోనే కేకేఆర్ రెండు వికెట్లు కోల్పోయింది. దీంతో లఖ్​నవూ కాస్త రేస్​లోకి వచ్చినట్లు కనిపించింది. కానీ, ఫిలిప్ సాల్ట్ ప్రత్యర్థి బౌలర్లకు ఎలాంటి ఛాన్స్ ఇవ్వలేదు. అయ్యర్​తో కలిసి స్కోర్ బోర్డును పరుగులు పెట్టించాడు. ఎడాపెడా బౌండరీలు బాదుతూ సాల్ట్ హాఫ్ సెంచరీ పూర్తి చేసుకున్నాడు. మరోవైపు అయ్యర్ నెమ్మదిగా ఆడుతూ వీలు చిక్కినప్పుడల్లా బౌండరీలు బాదాడు. ఇక మరో వికెట్ పడకుండా వీరిద్దరే జట్టును విజయ తీరాలకు చేర్చారు.

• I. C. Y. M. I
  
  🔊 Sound 🔛!
  
  That 9⃣8⃣m SIX from Phil Salt 🔥
  
  Watch #TATAIPL LIVE on @StarSportsIndia and @JioCinema 💻📱#KKRvLSG | @KKRiders | @PhilSalt1 pic.twitter.com/joJJO61qzA

  — IndianPremierLeague (@IPL) April 14, 2024

అంతకుముందు బ్యాటింగ్ చేసిన లఖ్​నవూ నిర్ణీత 20 ఓవర్లలో 7 వికెట్లు నష్టానికి 161 పరుగులు చేసింది. కేకేఆర్ బౌలర్ల ధాటికి లఖ్​నవూ బ్యాటర్లు నిలబడలేకపోయారు. ఓపెనర్ క్వింటన్ డికాక్ (10 పరుగులు) రెండో ఓవర్​లోనే పెలివియన్ చేరాడు. వన్​డౌన్​లో వచ్చిన దీపక్ హుడా (8) కూడా నిరాశపర్చాడు. కెప్టెన్ కేఎల్‌ రాహుల్‌ (39), ఆయుశ్ బదోని (29)తో కలిసి కాసేపు స్కోర్ బోర్డను నడిపించాడు. తర్వాత వచ్చిన స్టాయినిస్‌ (10) కూడా ఆకట్టుకోలేదు. ఇక చివర్లో నికోలస్ పూరన్‌ (45; 32 బంతుల్లో 2×6, 4×4) ఒక్కడే రాణించడం వల్ల లఖ్​నవూ స్కోర్ 160 దాటింది. ఇక కోల్‌కతా బౌలర్లలో స్టార్క్‌ 3, అరోరా, నరైన్‌, వరుణ్, రసెల్‌ తలో వికెట్‌ పడగొట్టారు. దీంతో లఖ్​నవూ ప్రస్తుత సీజన్​లో మూడో పరాజయం మూటగట్టుకుంది.