Jaydev Unadkat Ipl Teams: 2024 ఐపీఎల్లో స్టార్ పేసర్ జయదేవ్ ఉనాద్కత్ సన్రైజర్స్ హైదరాబాద్ తరఫున ప్రాతినిధ్యం వహిస్తున్నాడు. తాజాగా ముంబయి ఇండియన్స్తో మ్యాచ్లో అతడు సన్రైజర్స్ తరఫున అరంగేట్రం చేశాడు. ఈ మ్యాచ్లో 4 ఓవర్లలో 47 పరుగులిచ్చి 2 వికెట్లు పడగొట్టి హైదరాబాద్ విజయంలో కీలకంగా వ్యవహరించాడు. ఈ క్రమంలో ఉనాద్కత్ ఓ వింత ఘనత సాధించాడు. తన కెరీర్లో ఐపీఎల్లో ఇప్పటివరకూ ఎనిమిది ఫ్రాంచైజీలకు ప్రాతినిధ్యం వహించాడు. ఈ నేపథ్యంలో ఐపీఎల్లో అత్యధిక ఫ్రాంచైజీలు మారిన తొలి భారత క్రికెటర్‌గా ఉనాద్కత్ రికార్డు కొట్టాడు.
ఐపీఎల్లో ఉనద్కత్ ప్రయాణం అసాధారణంగా సాగింది. 2010లో ఐపీఎల్లో అరంగేట్రం చేసిన ఉనాద్కత్ అప్పుడు కోల్‌కతా నైట్ రైడర్స్‌ జట్టుకు ప్రాతినిధ్యం వహించాడు. ఆ తర్వాత వివిధ కారణాల వల్ల అతడు ఆయా జట్ల తరఫున ఆడాడు. కేకేఆర్ నుంచి ఉనాద్కత్ రాయల్ ఛాలెంజర్స్ బెంగళూరుకు మారాడు. ఆ తర్వాత వరుసగా దిల్లీ డేర్‌డెవిల్స్ (ఇప్పటి దిల్లీ క్యాపిటల్స్), మళ్లీ కోల్‌కతా, రైజింగ్ పుణె సూపర్‌జెయింట్, ముంబయి ఇండియన్స్, లఖ్నవూ సూపర్ జెయింట్స్, సన్రైజర్స్ హైదరాబాద్ ఫ్రాంచైజీలకు మారాడు. ఈ క్రమంలో గడిచిన 14 సీజన్లో ఉనాద్కత్ 8 ఫ్రాంచైజీలకు ప్రాతినిధ్యం వహించాడు.
ఆ ఘనత కూడా! అయితే సన్రైజర్స్ తాజాగా ముంబయితో మ్యాచ్లో ఐపీఎల్ హిస్టరీలో అత్యధిక స్కోర్ నమోదు చేసింది. ఉప్పల్ వేదికగా జరిగిన ఈ మ్యాచ్లో సన్రైజర్స్ 277-3 పరుగుల భారీ స్కోర్ చేసింది. ఈ క్రమంలో ఇదివరకు ఉన్న ఆర్సీబీ రికార్డు (263-5)ను సన్రైజర్స్ బద్దలు కొట్టింది. అయితే ఐపీఎల్ హిస్టరీలో నమోదైన టాప్- 3 స్కోర్లు (సన్రైజర్స్ 277-3; ఆర్సీబీ 263-5; లఖ్నవూ సూపర్ జెయింట్స్ 257-5) సాధించిన జట్లలోనూ ప్లేయర్గా ఉన్నాడు. ఇక ఐపీఎల్ కెరీర్లో ఇప్పటివరకు 95 మ్యాచ్లు ఆడిన ఉనాద్కత్ 8.89 ఎకనమీతో 93 వికెట్లు పడగొట్టాడు. అందులో రెండుసార్లు 5 వికెట్ల ప్రదర్శన చేశాడు. కాగా, 5-25 అతడి అత్యుత్తమ ప్రదర్శన.
అస్సలు ఊహించలేదు - అలా చేసి ఉంటే బాగుండేది : హార్దిక్ పాండ్య - IPL 2024 MI VS Sunrisers
