Irani Cup 2024 Winner : 2024 ఇరానీ టైటిల్ ముంబయి దక్కించుకుంది. టోర్నీలో భాగంగా రెస్టాఫ్ ఇండియా- ముంబయి (Mumbai vs Rest of India) మధ్య జరిగిన మ్యాచ్ డ్రాగా ముగిసింది. దీంతో తొలి ఇన్నింగ్స్లో 121 పరుగుల ఆధిక్యం సంపాదించిన ముంబయి విజేతగా నిలిచింది. ముంబయి తొలి ఇన్నింగ్స్లో 537 పరుగులు, రెండో ఇన్నింగ్స్లో 329 పరుగులు చేసింది. రెస్టాఫ్ ఇండియా తొలి ఇన్నింగ్స్లో 416 పరుగులు చేసింది. డబుల్ సెంచరీతో అదరగొట్టిన ముంబయి బ్యాటర్ సర్ఫరాజ్ ఖాన్కు మ్యాన్ ఆఫ్ ది మ్యాచ్ అవార్డు లభించింది. కాగా, ఇరానీ కప్‌ను ముంబయి 15వ సారి కైవసం చేసుకోవడం విశేషం.
ఐదో రోజు ఓవర్నైట్ స్కోర్ 153- 6తో ఆట కొనసాగించిన ముంబయి, 329- 8తో నిలిచింది. ముంబయి రెండో ఇన్నింగ్స్ బ్యాటింగ్‌లో తనుష్ కొటియన్ (114* పరుగులు), పృథ్వీ షా (76 పరుగులు), మోహిత్(51* పరుగులు) చేశారు. తనుష్- మోహిత్ జోడీ తొమ్మిదో వికెట్‌కు 151 పరుగుల భాగస్వామ్యాన్ని నెలకొల్పింది. అయితే, మ్యాచ్‌లో ఫలితం తేలే అవకాశం లేకపోవడం వల్ల డ్రా గా ముగిస్తున్నట్లు ప్రకటించారు. రెండో ఇన్నింగ్స్లో రెస్టాఫ్ ఇండియా బౌలర్ సరాంశ్ జైన్ 6 వికెట్లు దక్కించుకున్నాడు.
That Winning Feeling! 👏 👏
— BCCI Domestic (@BCCIdomestic) October 5, 2024
Congratulations to the @ajinkyarahane88-led Mumbai on their #IraniCup triumph 🙌 🙌#IraniCup | @IDFCFIRSTBank
Scorecard ▶️ https://t.co/Er0EHGOZKh pic.twitter.com/1h1kAXLCHR
అంతకుముందు తొలి ఇన్నింగ్స్లో ముంబయి 537 పరుగుల భారీ స్కోర్ సాధించింది. యంగ్ బ్యాటర్ సర్ఫరాజ్ ఖాన్ (222* పరుగులు) డబుల్ సెంచరీకి తోడు కెప్టెన్ అజింక్యా రహానె (97 పరుగులు), శ్రేయస్ అయ్యర్ (57 పరుగులు), తనుష్ కొటియన్ (64 పరుగులు) హాఫ్ సెంచరీలతో రాణించారు. ఇక తొలి ఇన్నింగ్స్లో ముకేశ్ కుమార్ 5 వికెట్ల ప్రదర్శనతో అదరగొట్టాడు. అనంతరం బ్యాటింగ్‌కు దిగిన రెస్టాఫ్ ఇండియా 416 పరుగులకు ఆలౌటైంది. అభిమన్యు ఈశ్వరన్‌ (191 పరుగులు) త్రుటిలో డబుల్ సెంచరీ మిస్ అవ్వగా, ధ్రువ్ జురెల్ (93 పరుగులు) సెంచరీకి దగ్గరలో ఔటయ్యాడు. ఇషాన్ కిషన్ (38 పరుగులు) పెద్దగా ఆకట్టుకోలేకపోయాడు.
𝐌𝐮𝐦𝐛𝐚𝐢 𝐚𝐫𝐞 𝐭𝐡𝐞 #𝐈𝐫𝐚𝐧𝐢𝐂𝐮𝐩 𝐰𝐢𝐧𝐧𝐞𝐫𝐬 👏 👏
— BCCI Domestic (@BCCIdomestic) October 5, 2024
Mohit Avasthi gets his 50. Tanush Kotian remains unbeaten on 114. The players shake hands 🤝
The match ends in a draw & Mumbai win the trophy by virtue of taking first-innings lead 🙌#IraniCup | @IDFCFIRSTBank pic.twitter.com/0GTKkAdU6m
102 డిగ్రీల జ్వరంతో శార్దూల్ బ్యాటింగ్ - హై ఫీవర్లోనూ 36 రన్స్! - Shardul Thakur Irani Cup
సర్ఫరాజ్ ఖాన్ 'డబుల్' ట్రీట్ - ఇరానీ కప్లో ద్వీశతకంలో అదుర్స్ - Irani Cup 2024
