సిరీస్ కైవసం చేసుకున్న శ్రీలంక - 27ఏళ్ల తర్వాత తొలిసారి- మ్యాచ్​లో రికార్డులివే! - Ind vs SL Seires Records

Ind vs SL ODI Seires Records: శ్రీలంక పర్యటనలో టీమ్ఇండియాకు షాక్ తగిలింది. మూడు వన్డేల సిరీస్​ను శ్రీలంక 2-0 తేడాతో కైవసం చేసుకుంది.

Ind vs SL ODI Seires Records: శ్రీలంక పర్యటనలో టీమ్ఇండియాకు షాక్ తగిలింది. బుధవారం జరిగిన మూడో వన్డేలో శ్రీలంక 110 పరుగుల తేడాతో నెగ్గింది. 249 పరుగుల లక్ష్య ఛేదనలో టీమ్ఇండియా 26.1 ఓవర్లలో 138 పరుగులకే ఆలౌటైంది. దీంతో ఆతిథ్య శ్రీలంక మూడు వన్డేల సిరీస్​ను 2-0తేడాతో దక్కించుకుంది. ఈ క్రమంలో దాదాపు 27ఏళ్ల తర్వాత శ్రీలంక తొలిసారి భారత్​పై వన్డే సిరీస్​ దక్కించుకొని సంచలనం సృష్టించింది. చివరగా 1997లో శ్రీలంక 3-0తో భారత్​పై వన్డే సిరీస్ కైవసం చేసుకుంది. తాజాగా చరిత్ అసలంక నేతృత్వంలోని లంక జట్టు అలా 27ఏళ్ల నిరీక్షణకు తెరదించింది.

ఈ సిరీస్​​లో మరికొన్ని రికార్డులు

• దునిత్ వెల్లలగె ప్లేయర్ ఆఫ్ ది సిరీస్ అవార్డు దక్కించుకున్నాడు. వెల్లలగే బ్యాటింగ్​లో 108 పరుగులతో రాణించగా, 7 వికెట్లతో అదరగొట్టాడు.
• ఈ సిరీస్​లో టీమ్ఇండియా స్పిన్నర్లకు 27 వికెట్లు సమర్పించుకుంది. 3మ్యాచ్​ల వన్డే ద్వైపాక్షిక సిరీస్​లో ఓ జట్టు స్పిన్నర్లు పడగొట్టిన అత్యధిక వికెట్లు ఇవే.
• భారత్​పై వన్డేల్లో రెండుసార్లు 5+వికెట్లు తీసిన ఏకైక స్పిన్నర్​గా దునిత్ వెల్లలగే ఘనత సాధించాడు. అతడు తాజా మ్యాచ్​లో 5వికెట్లు కూల్చగా, 2023లోనూ 5వికెట్లు దక్కించుకున్నాడు.
• ఈ సిరీస్​లో టీమ్ఇండియా ప్రతి మ్యాచ్​లోనూ స్పిన్నర్లకు 9 వికెట్లు ఇచ్చుకుంది.
• ఈ సిరీస్​లో టీమ్ఇండియా కెప్టెన్ రోహిత్ శర్మ టాప్​ స్కోరర్​గా నిలిచాడు. రోహిత్ మూడు మ్యాచ్​ల్లో కలిపి 157 పరుగులు చేశాడు. అందులో 2 హాఫ్ సెంచరీలు ఉన్నాయి.

  A day before his Debut 🧢
  
  The moment he was told he will play next day 👌👌
  
  Riyan gave a heartwarming speech inside the dressing room 🤗
  
  All heart 💙 here#TeamIndia | #SLvIND | @ParagRiyan pic.twitter.com/1i8pCiUgNb

  — BCCI (@BCCI) August 7, 2024

• శ్రీలంకపై వన్డే సిరీస్ ఓడిన మూడో కెప్టెన్​గా రోహిత్ చెత్త రికార్డు మూటగట్టుకున్నాడు. రోహిత్ కంటే ముందు 1993లో అజారుద్దిన్, 1997లో సచిన్ తెందూల్కర్ లంకతో సిరీస్ కోల్పోయారు.

కాగా, ఈ సిరీస్​లో తొలి మ్యాచ్​ డ్రాగా ముగియగా, తర్వాత రెండు వన్డేల్లోనూ ఆతిథ్య శ్రీలంక సత్తా చాటింది. సొంత గడ్డపై స్పిన్​కు అనుకూలిస్తున్న పిచ్​పై అద్భుతంగా రాణించింది. ఇక ఇటీవల ముగిసిన టీ20 సిరీస్​ను మాత్రం టీమ్ఇండియా దక్కించుకుంది. సూర్యకుమార్ నేతృత్వంలోని యువ భారత జట్టు పొట్టి ఫార్మాట్ సిరీస్​ను 3-0తో క్లీన్​స్వీప్​ చేసింది.