IND VS Newzealand Test Series Rohith Sharma Records : ఇటీవలే బంగ్లాదేశ్పై సిరీస్ దక్కించుకుని జోరు మీదున్న టీమ్ ఇండియా మరో కీలక పోరుకు సిద్ధమైంది. మరో రోజులో (అక్టోబర్ 16) న్యూజిలాండ్తో మూడు టెస్టుల సిరీస్ ఆడేందుకు రెడీగా ఉంది. తొలి టెస్టు బెంగళూరులో, రెండో టెస్టు (అక్టోబర్ 24-28) పుణెలో, మూడో టెస్టు (నవంబర్‌ 01-05) ముంబయిలో జరగనున్నాయి. అయితే ఈ సిరీస్‌లో భారత జట్టు కెప్టెన్ రోహిత్ శర్మను ఐదు రికార్డులు ఊరిస్తున్నాయి. వాటిని హిట్ మ్యాన్ బ్రేక్ చేసే అవకాశముంది. ఇంతకీ అవేంటంటే?
టెస్ట్లో అత్యధిక సిక్సర్లు - రోహిత్ శర్మ మరో ఐదు సిక్స్‌లు బాదితే టెస్టుల్లో అత్యధిక సిక్సర్లు బాదిన భారత జట్టు ఆటగాడిగా రికార్డుకెక్కుతాడు. ఈ లిస్ట్లో వీరేంద్ర సెహ్వాగ్ 91 సిక్స్‌లతో ప్రస్తుతం అగ్రస్థానంలో కొనసాగుతున్నాడు.
రెండు WTC సైకిల్స్లోనూ 1000కుపైగా రన్స్ - రెండు డబ్ల్యూటీసీల్లోనూ 1000కిపైగా పరుగులు చేసిన మొదటి భారత ఆటగాడిగా రోహిత్ రికార్డుకెక్కే అవకాశం ఉంది. హిట్ మ్యాన్ 2019-21లో 1094 పరుగులు చేశాడు. 2023-25 డబ్ల్యూటీసీలో ఇప్పటివరకు 742 పరుగులను ఖాతాలో వేసుకున్నాడు. మరో 258 పరుగులు చేస్తే వెయ్యి పరుగులను పూర్తి చేసుకున్నట్టవుతుంది.
WTCలో టీమ్ ఇండియా మోస్ట్ సక్సెస్ఫుల్ కెప్టెన్గా - న్యూజిలాండ్తో ఈ టెస్ట్ సిరీస్‌ను టీమ్ ఇండియా 3-0తో దక్కించుకుకుంటే, డబ్ల్యూటీసీ చరిత్రలో అత్యంత విజయవంతమైన టీమ్ ఇండియా కెప్టెన్గా రోహిత్ ఘనత సాధిస్తాడు. 2019 - 2022 మధ్య మాజీ కెప్టెన్ విరాట్ కోహ్లీ 22 డబ్ల్యూటీసీ మ్యాచ్లకు సారథ్యం వహించాడు. అందులో భారత జట్టుకు 14 విజయాలను అందించాడు. రోహిత్ ఇప్పటివరకు 18 మ్యాచ్లకు సారథ్యం వహించి 12 విజయాలను జట్టుకు అందించాడు. ఇప్పుడు న్యూజిలాండ్ సిరీస్‌లోని మూడు మ్యాచులను భారత జట్టు 3-0తో విజయం సాధిస్తే కోహ్లీని రోహిత్ అధిగమిస్తాడు.
టెస్ట్ల్లో 4వ భారత మోస్ట్ సక్సెస్ఫుల్గా కెప్టెన్గా - ఇప్పుడు కివీస్పై మూడు టెస్టుల్లోనూ భారత జట్టు విజయం సాధిస్తే టెస్టుల్లో టీమ్ ఇండియా తరఫున నాలుగో అత్యుత్తమ విజయవంతమైన కెప్టెన్గా రోహిత్ శర్మ రికార్డు సృష్టిస్తాడు. తద్వారా అజహరుద్దీన్‌(14 విజయాలు, 47 మ్యాచ్‌లు) రికార్డ్ను బ్రేక్ చేస్తాడు. అజారుద్దీన్ 1990 నుంచి 1997 వరకు టెస్టుల్లో 47 మ్యాచులకు టీమ్ఇండియాకు సారథ్యం వహించాడు. అందులో 14 సార్లు విజయం సాధించాడు. ప్రస్తుతం రోహిత్ శర్మ (12 విజయాలు, 18 మ్యాచ్‌లు) కొనసాగుతున్నాడు.
4వ మోస్ట్ సక్సెస్ఫుల్గా ఇండియన్ కెప్టెన్గా - ఈ సిరీస్‌లో అన్ని మ్యాచ్‌ల్లో టీమ్ ఇండియా విజయం సాధిస్తే కెప్టెన్గా సౌరభ్ గంగూలీ రికార్డును హిట్ మ్యాన్ బ్రేక్ చేస్తాడు. అంతర్జాతీయ క్రికెట్లో టీమ్ ఇండియా తరఫున నాలుగో అత్యుత్తమ విజయవంతమైన కెప్టెన్గా నిలుస్తాడు. గంగూలీ (97 విజయాలు, 195 అంతర్జాతీయ మ్యాచ్‌లు) నాలుగో స్థానంగా కొనసాగుతుండగా, రోహిత్ (95 విజయాలు, 128 మ్యాచ్‌లు) ఐదో స్థానంలో ఉన్నాడు.
మహిళా క్రికెటర్లలో ఈ కెప్టెన్ చాలా రిచ్! - హర్మన్ప్రీత్ నెట్వర్త్ ఎంతంటే?
