ఇంగ్లాండ్​పై భారత్ గ్రాండ్ విక్టరీ- ఈ మ్యాచ్​లో రికార్డులు ఇవే!

Ind vs Eng 2024 Test Records: ఇంగ్లాండ్​తో జరిగిన 5టెస్టుల సిరీస్​ను భారత్ 4-1తో కైవసం చేసుకుంది. ఇక ఈ మ్యాచ్​లో నమోదైన రికార్డులపై ఓ లుక్కేయండి.

Ind vs Eng 2024 Test Records: స్వదేశంలో ఇంగ్లాండ్​తో జరిగిన ఐదు టెస్టుల సిరీస్​లో భారత్ 4-1తో నెగ్గింది. ధర్మశాల వేదికగా జరిగిన ఐదో టెస్టులో విజృంభించిన భారత్ 64 పరుగులు, ఇన్నింగ్స్ తేడాతో విజయం సాధించింది. ఇక ఈ మ్యాచ్​లో అద్భుతంగా రాణించిన కుల్​దీప్ యాదవ్​కు 'మ్యాన్ ఆఫ్ ది మ్యాచ్ ఆవార్డు', యశస్వీ జైస్వాల్​కు 'మ్యాన్ ఆఫ్ ది సిరీస్' అవార్డు దక్కాయి.

ఈ మ్యాచ్​లో నమోదైన పలు రికార్డులు

• 112ఏళ్ల తర్వాత ఐదు టెస్టుల సిరీస్​లో తొలి మ్యాచ్​లో ఓడి 4-1తో సిరీస్​ను దక్కించుకున్న కెప్టెన్​గా రోహిత్ రికార్డులకెక్కాడు. ఆ సిరీస్​లో టీమ్ఇండియా హైదరాబాద్​లో జరిగిన టెస్టులో ఓడిన తర్వాత వరుసగా విశాఖపట్టణం, రాజ్​కోట్, రాంచీ, ధర్మశాల మ్యాచ్​ల్లో నెగ్గింది.
• ఓ టెస్టు సిరీస్​లో అత్యధిక వికెట్లు తీసిన బౌలర్​గా అశ్విన్ రికార్డు కొట్టాడు. ఈ సిరీస్​లో అశ్విన్ 26 వికెట్లు నేలకూల్చాడు.
• 100వ టెస్టు ఆడిన అశ్విన్ ఈ మ్యాచ్​లో అత్యుత్తమ ప్రదర్శన చేశాడు. ఇక 100వ టెస్టులో 5వికెట్ల ప్రదర్శన చేసిన నాలుగో బౌలర్​గా నిలిచాడు. అతడి కంటే ముందు షేన్ వార్న్ (6-161), అనిల్ కుంబ్లే (5-89), ముత్తయ్య మురళీధరన్ (6-54), అశ్విన్ (5-77) ఉన్నారు. ఇక ఈ మ్యాచ్​లో రెండు ఇన్నింగ్స్​ల్లో కలిసి అశ్విన్ 9 వికెట్లు నేలకూల్చాడు.
• టెస్టు సిరీస్​లో 700+ పరుగులు బాదిన రెండో భారత బ్యాటర్​గా యశస్వీ జైస్వాల్ నిలిచాడు. ఈ సిరీస్​లో జైస్వాల్ 712 పరుగులు చేశాడు. అతడి కంటే ముందు సునీల్ గావస్కర్ రెండుసార్లు ఈ ఘనత సాధించాడు.
• ఈ మ్యాచ్​లో రెండో ఇన్నింగ్స్​లో అశ్విన్ 5వికెట్లు పడగొట్టాడు. కాగా, ఒక ఇన్నింగ్స్​లో 5వికెట్ల ప్రదర్శన అశ్విన్​కు ఇది 36వ సారి. ఈ లిస్ట్​లో అందరి కంటే టాప్​లో మరళీధరన్ (67) ఉన్నాడు. తర్వాత షేన్ వార్న్ (37), రిచర్డ్ హార్డ్లీ (36) ఉన్నారు. ఇక భారత్ తరఫున మాత్రం అశ్వినే టాప్.
• టెస్టు ఫార్మాట్​లో ఒకే ప్రత్యర్థిపై అత్యధిక వికెట్లు తీసిన భారత బౌలర్​గా అశ్విన్ రికార్డ్ సాధించాడు. అతడు ఆస్ట్రేలియా (114 వికెట్లు), ఇంగ్లాండ్​పై (114 వికెట్లు) పడగొట్టాడు. అశ్విన్ తర్వాత అనిల్ కుంబ్లే ఆస్ట్రేలియ (111 వికెట్లు)పై, కపిల్ దేవ్ (99 వికెట్లు) ఉన్నారు.
• 100వ టెస్టులో అత్యధిక వికెట్లు తీసిన బౌలర్​గా ముత్తయ్య మురళీధరన్ సరసన అశ్విన్ చేరాడు. ఇద్దరూ తమతమ 100వ మ్యాచ్​లో 9 వికెట్లు ప్రదర్శన చేశారు.