IND VS BAN 2nd T20 : బంగ్లాదేశ్‌తో టీమ్ ఇండియా మూడు మ్యాచుల టీ20 సిరీస్ ఆడుతున్న సంగతి తెలిసిందే. ఇందులో భాగంగా తొలి మ్యాచ్లో విజయం సాధించిన భారత జట్టు ఇప్పుడు రెండో మ్యాచ్లోనూ భారీ విజయం సాధించింది. ఏకంగా 86 పరుగులు తేడాతో గెలుపొందింది.
222 పరుగులు లక్ష్యంతో బరిలోకి దిగిన బంగ్లాదేశ్ నిర్ణీత 20 ఓవర్లలో 9 వికెట్లు కోల్పోయి కేవలం 135 పరుగులు మాత్రమే చేసింది. ఇక ఈ విజయంతో భారత్ 2-1తేడాతో ఆధిక్యంలోకి దూసుకెళ్లింది. తద్వారా ఒక మ్యాచ్ మిగిలి ఉండగానే టీ20 సిరీస్ను దక్కించుకుంది. అంతకుముందు బంగ్లాతో జరిగిన మూడు వన్డేల సిరీస్ను కూడా క్లీన్ స్వీప్ చేసింది భారత్.
లక్ష్య ఛేదనలో బంగ్లా ఇన్నింగ్స్లో మహ్మదుల్లా 41 పరుగులతో టాప్ స్కోరర్గా నిలిచాడు. మిగతా వారంతా విఫలమయ్యారు. భారత బౌలర్లలో నితీశ్ రెడ్డి, వరుణ్ చక్రవర్తి 2 వికెట్లు తీశారు. అర్షదీప్ సింగ్, వాషింగ్టన్ సుందర్, అభిషేక్ శర్మ, మయాంక్ యాదవ్, రియాన్ పరాగ్ తలో వికెట్ పడగొట్టారు.
ఇదే మ్యాచ్లో మొదటగా బ్యాటింగ్ చేసిన టీమ్ ఇండియా నిర్ణీత 20 ఓవర్లలో 9 వికెట్లు కోల్పోయి 221 పరుగులు చేసింది. తెలుగు కుర్రాడు ఆల్ రౌండర్ నితీశ్ రెడ్డి (34 బంతుల్లో 74; 4 ఫోర్లు, 7 సిక్స్‌లు) మెరుపు ఇన్నింగ్స్ ఆడి అదరగొట్టాడు. మరో ప్లేయర్ రింకూ సింగ్ (29 బంతుల్లో 53; 5 ఫోర్లు, 3 సిక్స్‌లు) కూడా మెరుపులు మెరిపించాడు. స్టార్ ఆల్ రౌండర్ హార్దిక్ పాండ్య (19 బంతుల్లో 32; 2 ఫోర్లు, 2 సిక్స్‌లు) మంచిగానే రాణించాడు. ఓపెనర్లు సంజు శాంసన్ (10), అభిషేక్ శర్మ(10) మొదటి మూడు ఓవర్లలోనే పెవిలినయ్ చేరారు. ఆ తర్వాత క్రీజులోకి వచ్చిన కెప్టెన్ సూర్యకుమార్‌ యాదవ్ (8) కూడా నిరాశ పరిచాడు. బంగ్లాదేశ్ బౌలర్లలో తస్కిన్, తంజిమ్, ముస్తాఫిజుర్, రిషాద్ తలో రెండు వికెట్లు తీశారు.
తెలుగు కుర్రాడు నితీశ్ కుమార్‌ ఊచకోత - టీమ్ ఇండియా భారీ స్కోర్‌
టీ20 ర్యాంకింగ్స్లో అర్షదీప్ రేర్ రికార్డు - టాప్-10లోకి ఫస్ట్టైమ్!
