Rishabh Pant Nathan Lyon : బోర్డర్ గావస్కర్ ట్రోఫీలో భాగంగా పెర్త్ వేదికగా తొలి టెస్ట్ జరుగుతోంది. ఈ మ్యాచ్లో స్పిన్నర్ నాథన్ లైయన్ బౌలింగ్‌లో టీమ్ ఇండియా బ్యాటర్లు రిషభ్ పంత్ - నితీశ్ కుమార్ రెడ్డి బౌండరీలను బాదారు. అయితే ఈ జోడీ లయను లైయన్ ప్రయత్నించాడు. ఈ క్రమంలో పంత్, లైయన్ మధ్య ఓ ఆసక్తికర సంభాషణ జరిగింది. అది కాస్త స్టంప్స్‌ మైక్‌లో రికార్డు అయింది. అలా సోషల్ మీడియాలో వైరల్‌గా మారిపోయింది.
ఇంతకీ ఆ సంభాషణ ఏంటంటే? - పంత్, లైయన్ మధ్య ఐపీఎల్ మెగా వేలం గురించి సంభాషణ జరగడం గమనార్హం. ఈ ఐపీఎల్ సీజన్కు ముందు దిల్లీ క్యాపిటల్స్‌ రిషభ్ పంత్‌ను రిటైన్‌ చేసుకోలేదు. దీంతో అతడు మెగా వేలంలోకి వచ్చిన సంగతి తెలిసిందే. అయితే ఆ విషయం గురించి నాథన్ ప్రస్తావిస్తూ, 'ఆక్షన్‌లో ఎవరికి వెళ్తావని అనుకుంటున్నావు?' అని లైయన్ ప్రశ్నించాడు. దానికి పంత్ స్పందిస్తూ - "నాకేమీ తెలియదు" అని బదులిచ్చాడు.
IPL Mega Auction : వచ్చే ఆది, సోమవారాల్లో అంటే 24, 25 తేదీల్లో సౌదీ అరేబియా రాజధాని జెడ్డా వేదికగా ఐపీఎల్ మెగా వేలం జరగనుంది.
IND VS AUS 1ST Test Live : ఇకపోతే ఈ మ్యాచ్లో రిషభ్ పంత్ మరో సారి తన వైవిధ్యమైన షాట్లను బాదుతూ మైదానంలో ఆడాడు. ఫాస్ట్‌ బౌలర్ కమిన్స్‌ వేసిన బంతిని ఫైన్‌ లెగ్‌ దిశగా బాదిన విధానం అద్భుతం. అతడు 360 డిగ్రీల కోణంలో స్వీప్‌ చేస్తున్నట్లుగా బాల్ను బౌండరీ లైన్‌ను దాటించాడు. భారత ఇన్నింగ్స్‌లో ఇదే తొలి సిక్స్‌ కావడం గమనార్హం. కాగా, మొదట బ్యాటింగ్కు దిగిన భారత జట్టు 150 పరుగులకు ఆలౌట్ అయింది. నితీశ్ రెడ్డి (41)తో పాటు రిషభ్ పంత్ (37), కేఎల్ రాహుల్ (26) మాత్రమే రాణించారు. మిగతా వారు విఫలమయ్యారు.
టాప్ స్కోరర్గా తెలుగు కుర్రాడు నితీశ్ కుమార్ జర్నీ - 7 నెలల్లోనే IPL టు బోర్డర్ గావస్కర్ ట్రోఫీ!
ఐపీఎల్ ఈ సారి ముందుగానే - నెక్స్ట్ మూడు సీజన్లకూ డేట్స్ ఫిక్స్!
