Allu Arjun David Warner : ఆస్ట్రేలియా స్టార్ క్రికెటర్ డేవిడ్ వార్నర్- ఐకాన్ స్టార్ అల్లు అర్జున్ మధ్య మంచి బాండింగ్ ఉంది. వీళ్లిద్దరూ ఎప్పుడూ కలుసుకోకపోయినా సోషల్ మీడియాలో తరచూ పలకరించుకుంటారు. ఈ క్రమంలో హీరో అల్లు అర్జున్, డేవిడ్ వార్నర్కు బర్త్ డే విషెస్ చెప్పారు. మై బ్రదర్ అంటూ బన్నీ చెప్పిన విషెస్కు వార్నర్ కూడా రిప్లై ఇచ్చాడు. దీంతో ప్రస్తుతం ఇది ఇంటర్నెట్లో ఫుల్ వైరల్గా మారింది.
'పుష్ప రాజ్, తగ్గేదేలే' స్టైల్లో ఉన్న వార్నర్ ఫొటోను బన్నీ షేర్ చేశారు. దీనికి 'నా సోదరుడికి పుట్టిన రోజు శుభాకాంక్షలు' అని రాసుకొచ్చారు. ఈ మేరకు ఆయన అఫీషియల్ ఇన్స్టాగ్రామ్లో స్టోరీ షేర్ చేశారు. దీనికి 'థ్యాంక్స్ బ్రదర్' అంటూ వార్నర్ రిప్లై ఇచ్చాడు. కాగా, గతేడాది కూడా బన్నీ, వార్నర్కు పుట్టిన రోజు శుభాకాంక్షలు తెలిపారు. అటు బన్నీ బర్త్ డే రోజు వార్నర్ కూడా విషెస్ తెలుపుతాడు.
కాగా, వార్నర్కు ఐపీఎల్లో సన్రైజర్స్ జట్టు తరఫున సమయంలో తెలుగు మూవీ లవర్స్, క్రిక్రెట్ ఫ్యాన్స్తో మంచి అనుబంధం ఉంది. ఇక అప్పట్లో బన్నీ నటించిన 'అల వైకుంఠపురంలో' సినిమాలోని పాటలకు, బన్నీ డైలాగ్స్కు వార్నర్ రీల్స్ చేశాడు. మరీ ముఖ్యంగా పలుమార్లు గ్రౌండ్లో 'పుష్ప తగ్గేదేలే' స్టైల్లో సెలబ్రేషన్స్ చేస్తూ ప్రేక్షకులను అలరించాడు. ఇక బన్నీతోపాటు టాలీవుడ్కు చెందిన పలువురు స్టార్ హీరోల పాటలకు స్టెప్పులు, డైలాగ్స్ చెప్పి తెలుగు ఆడియెన్స్కు చాలా దగ్గరయ్యాడు.
Warner Captaincy Ban Lifted: వార్నర్పై జీవిత కాల కెప్టెన్సీపై ఉన్న నిషేధాన్ని ఆస్ట్రేలియా క్రికెట్ బోర్డు శుక్రవారం ఎత్తి వేసింది. వార్నర్ అప్పీలును ముగ్గురితో కూడిన రివ్యూ ప్యానెల్‌ సమీక్షించి రీసెంట్గా ఏకగ్రీవంగా నిర్ణయాన్ని ప్రకటించింది. దీంతో ఆరేళ్లుగా వార్నర్పై ఉన్న కెప్టెన్సీ నిషేధం తొలగిపోయింది. ఇక వార్నర్ బిగ్‌బాష్‌ లీగ్‌లో నాయకత్వం చేపట్టే ఛాన్స్ ఉంటుంది. కాగా, 2018 సౌతాఫ్రికా పర్యటనలో ఆసీస్ అప్పటి కెప్టెన్ స్టీవ్ స్మిత్, వైస్ కెప్టెన్ వార్నర్ సాండ్‌పేపర్ స్కాండల్‌ ఆరోపణలు ఎదుర్కొన్నారు.
డేవిడ్ వార్నర్పై 'జీవిత కాల' కెప్టెన్సీ నిషేధం ఎత్తివేత
ఒక్క రన్ తేడాతో 8 వికెట్లు ఔట్ - 53 పరుగులకే కుప్పకూలిన ఆస్ట్రేలియా!
