Hybrid Pitch Dharamsala: హిమాచల్ప్రదేశ్ ధర్మశాల స్టేడియంలో భారతదేశపు తొలి 'హైబ్రిడ్ పిచ్'ను సోమవారం ఆవిష్కరించనున్నారు. ఈ ఈవెంట్కు ఐపీఎల్ ఛైర్మన్ అరుణ్ ధుమాల్, పలువురు క్రీడా ప్రముఖులు హాజరు కానున్నారు. కాగా, ప్రపంచంలోనే ప్రఖ్యాతిగాంచిన లార్డ్స్, ఓవల్ స్టేడియాల్లో ఇప్పటికే వినియోగిస్తున్న ఈ హైబ్రిడ్ పిచ్లను ఇప్పుడు భారత మైదానాల్లో పరిశీలించనున్నారు. మరి ఈ హైబ్రిడ్ పిచ్ అంచే ఏంటి? దీంతో లాభాలేంటో చూద్దాం.
అసలేంటీ హైబ్రిడ్ పిచ్: ప్రస్తుతం క్రికెట్లో నాన్ హైబ్రిడ్ పిచ్ (డస్ట్, గ్రీన్ పిచ్)లు వాడుతున్నారు. ఇందులో కొన్ని బ్యాటింగ్కు అనుకూలిస్తే, మరికొన్ని బౌలింగ్కు సహకరిస్తాయి. అలా కాకుండా క్రికెట్లో బ్యాటర్లకు, బౌలర్లకు సమానంగా సహకరించే పిచ్లు ఉంటే గేమ్ మజా వస్తుంది. అందుకోసం క్రికెట్ పిచ్లు తయారు చేసే సంస్థ 'సిస్‌గ్రాస్‌' (SIS Grass) ఈ హైబ్రిడ్ మోడల్ పిచ్లు రూపొందించింది.
ఈ పిచ్లను పూర్తిగా యూనివర్సల్ ఎలక్ట్రిక్ మషీన్తో తయారు చేస్తారు. ఇందులో సహజసిద్ధమైన గడ్డినే వాడతారు. ఇందులో కేవలం ఐదుశాతం పాలిమర్‌ ఫైబర్ కలిసి ఉంటుంది. దీంతో పిచ్లు చాలా సేపు పాటు తాజాగా ఉంటాయి. ఇది గేమ్ క్వాలిటీని పెంచుతుంది.
ఈ పిచ్ వల్ల లాభాలేంటీ? నాన్ హైబ్రిడ్ పిచ్ కంటే హైబ్రిడ్ పిచ్లో ఎక్కువ మ్యాచ్లు ఆడవచ్చు. ఈ పిచ్ మెయింటెనెన్స్ కూడా తక్కువే. పైగా పిచ్ను తరచూ రిపేర్ చేయాల్సిన అవసరం ఉండదు. దీంతో స్టాఫ్కు కూడా పిచ్ రెడీ చేయడం సులభంగా ఉంటుంది. ఇక నాన్ హైబ్రిడ్ పిచ్ కంటే హైబ్రిడ్ పిచ్ మన్నిక కూడా ఎక్కువే. ముఖ్యంగా టీ20 మ్యాచ్ల్లో దీని ప్రభావం కనిపించనుంది.
ఇప్పుడు ఈ పిచ్లను ఎక్కడ వాడుతున్నారు? ఈ రకమైన హైబ్రిడ్ పిచ్లను వాడేందుకు ఐసీసీ ఇప్పటికే అంగీకరించింది. దీంతో ఇంగ్లాండ్ ఓవల్, లార్డ్స్ స్టేడియాల్లో డొమెస్టిక్ మ్యాచ్ల్లో ఈ పిచ్లను వాడుతున్నారు. ఇక త్వరలోనే అంతర్జాతీయ టీ20, వన్డే మ్యాచ్లకు కూడా హైబ్రిడ్ పిచ్లను వినియోగించనున్నారు. భారత్లో ప్రస్తుతం ధర్మశాల స్టేడియంలోనే ఉంది. త్వరలోనే అహ్మదాబాద్, ముంబయి మైదానాల్లో ఏర్పాటు చేయనున్నారు.
భారత్లో తొలి మ్యాచ్ ఎప్పుడు? ఐపీఎల్ సీజన్ 17లోనే హైబ్రిడ్ పిచ్ వినియోగించనున్నారు. మే 9న పంజాబ్- బెంగళూరు జట్లు ఈ హైబ్రిడ్ పిచ్లోనే ఆడనున్నాయి. భారత్లో హైబ్రిడ్ పిచ్ వినియోగించిన తొలి మ్యాచ్ కూడా ఇదే కానుంది.
