Hardik Pandya Grand Welcome : తాజాగా జరిగిన టీ 20 ప్రపంచకప్లో టీమ్ఇండియా జయకేతనం ఎగురవేసి ఎంతో మంది క్రికెటర్ల కల నెరవేర్చింది. దీంతో అటు ప్లేయర్లు కూడా క్రికెట్ అభిమానులు భావోద్వేగానికి లోనయ్యారు. పాత రోజులు గుర్తు చేసుకుని ఓ వైపు కంటతడి పెడుతూనే, మరోవైపు ఈ సూపర్ విక్టరీని సెలబ్రేట్ చేసుకున్నారు.
ఇక బార్బొడస్ నుంచి దిల్లీ చేరుకున్న రోహిత్ సేనకు ఫ్యాన్స్ ఘన స్వాగతం పలికారు. ఎయిర్పోర్ట్కు పెద్దఎత్తున తరలి వచ్చి సందడి చేశారు. ఇక ఐటీసీ హోటల్ వద్ద కూడా ఓ రేంజ్లో వెల్కమ్ పలికారు. ఇదే కాకుండా ముంబయిలో జరిగిన విక్టరీ పరేడ్, అలాగే వాంఖడే వేదికగా జరిగిన సత్కారంతో టీమ్ఇండియాకు మరపురాని మెమరీస్ను అందించారు క్రికెట్ అభిమానులు.
అయితే తమ సొంత ఊర్లకు వెళ్లిన క్రికెట్ ప్లేయర్లకు అక్కడి వారు గ్రాండ్గానే వెల్కమ్ చెప్పారు. ఇటీవలే హైదరాబాద్లోనూ మహ్మద్ సిరాజ్ కోసం ఓ గ్రాండ్ రోడ్ షో ఏర్పాటు చేశారు ఆ ప్రాంతం వారు. అంతే కాకుండా శివమ్ దుబె ఇలా పలువురు స్టార్స్ను తమ సొంత ప్రాంతాల వారు ఆత్మీయంగా ఆహ్వానించారు.
ఈ నేపథ్యంలో తాజాగా స్టార్ ఆల్రౌండర్ హార్దిక్ పాండ్యాకు కూడా తన సొంతఊరు అయిన వడోదరలో ఘన స్వాగతం లభించింది. తమ అభిమాన క్రికెటర్ను చూసేందుకు పెద్ద ఎత్తున తరలివచ్చిన ఫ్యాన్స్, ఎయిర్‌పోర్ట్‌ నుంచి ర్యాలీగా తీసుకెళ్లేందుకు సన్నాహాలు చేశారు. దీంతో ఓపెన్ బస్లో అందరికీ అభివాదం చేస్తూ తన ఇంటికి చేరుకున్నాడు హార్దిక్. ఇక ఈ ర్యాలీ తర్వాత అదే వడోదరలో హార్దిక్కు సన్మానం ఏర్పాటు చేశారు. ఈ వీడియోను పాండ్యా తన సోషల్ మీడియా ప్లాట్ఫామ్స్లో షేర్ చేశాడు. తనకోసం ఈ ఏర్పాటు చేసిన అభిమానులకు ధన్యవాదాలు తెలిపాడు.
ఇక టీ20 వరల్డ్కప్ మ్యాచుల్లో తన బౌలింగ్‌తో అద్భుతంగా ఆడాడు. 11 వికెట్లు పడగొట్టాడు. బ్యాట్తోనూ మెరుపులు మెరిపించాడు. అయితే హార్దిక్ తన క్రికెట్ కెరీర్లో ఇప్పటి వరకూ మొత్తం 11 టెస్టులు, 86 వన్డేలు, 100 టీ20 మ్యాచ్‌లు ఆడాడు.
అగ్రస్థానాన్ని కోల్పోయిన హార్దిక్ - అదరగొట్టిన గైక్వాడ్, అభిషేక్ శర్మ - ICC Latest T20 Rankings
