CSK VS SRH IPL 2024 2024 ఐపీఎల్లో సన్రైజర్స్ హైదరాబాద్ నాలుగో పరాజయాన్ని చవి చూసింది. ఆదివారం చెన్నై సూపర్ కింగ్స్తో జరిగిన మ్యాచ్లో 78 పరుగుల తేడాతో ఓడింది. ఈ మ్యాచ్లో చెన్నై నిర్దేశించిన 213 పరుగుల భారీ లక్ష్యాన్ని ఛేదించే క్రమంలో సన్రైజర్స్ 18.5 ఓవర్లలో 134 పరుగులకే ఆలౌటైంది. ఎయిడెన్ మర్క్రమ్ (32 పరుగులు) టాప్ స్కోరర్. చెన్నై బౌలర్లలో తుషార్ దేశ్పాండే 4, ముస్తాఫిజుర్ రహ్మాన్, మతీషా పతిరణ చెరో 2, రవీంద్ర జడేజా, శార్దూల్ ఠాకూర్ తలో 1 వికెట్ దక్కించుకున్నారు. భారీ ఇన్నింగ్స్తో అదగొట్టిన సీఎస్కే కెప్టెన్ రుతురాజ్ (98 పరుగులు)కు మ్యాన్ ఆఫ్ ది మ్యాచ్ అవార్డు లభించింది.
భారీ లక్ష్య ఛేదనలో సన్రైజర్స్కు ఆదిలోనే షాక్ తగిలింది. ఆ జట్టు ప్లేయర్ ట్రావిస్ హెడ్ తొలి వికెట్గా వెనుతిరిగాడు. 13 పరుగులు చేసి పెవిలియన్ బాట పట్టాడు. ఇక ఆ తర్వాత ఇంపాక్ట్ ప్లేయర్‌గా బరిలోకి దిగిన అన్మోల్‌ప్రీత్ సింగ్ (0) కూడా ఒక్క పరుగు కూడా చేయకుండానే మెయిన్‌ అలీకి క్యాచ్‌ ఇచ్చి ఔటయ్యాడు. తన ఇన్నింగ్స్లో మెరుపులు మెరిపిస్తాడనుకున్న అభిషేక్ శర్మ కూడా 15 పరుగులకే వెనుతిరిగాడు. దీంతో హైదరాబాద్ జట్టు 40 పరుగులకే మూడు వికెట్లు కోల్పోయింది.
చెన్నై బౌలర్ తుషార్ దేశ్పాండే పవర్ ప్లేలోనే హైదరాబాద్ జట్టును శాసించాడు. ఆ తర్వాత పతిరణ చెన్నైకి బ్రేక్ ఇచ్చాడు. ఆ తర్వాత నితీశ్‌ రెడ్డి (14), మర్క్రమ్ (32 పరుగులు), కూడా పెవిలియన్ చేరారు. దీంతో సన్రైజర్స్ హెన్రీచ్ క్లాసెన్ (20)పై ఆశలు పెట్టుకుంది. కానీ, సరైన సమయంలో పతిరణ క్లాసెన్ను జట్టు స్కోర్ 117 వద్ద బోల్తా కొట్టించాడు. ఇక ఆ తర్వాత సన్రైజర్స్ ఇన్నింగ్స్ ముగియడానికి పెద్దగా టైమ్ పట్టలేదు.
అంతకుముందు బ్యాటింగ్ చేసిన చెన్నై 20 ఓవర్లలో 3 వికెట్లకు 212 పరుగులు చేసింది. ఓపెనర్ రుతురాజ్ గైక్వాడ్ (98) పరుగులతో రాణించాడు. ఇక డారిల్ మిచెల్ (52) అర్ధ శతకం దాటి జట్టుకు మంచి స్కోర్ అందించాడు. ఆ తర్వాత వచ్చిన శివమ్‌ దూబె (39) కూడా తన ఇన్నింగ్స్లో మెరుపులు మెరిపించాడు. ఇక ఆఖరి ఓవర్‌లో బ్యాటింగ్‌కు దిగిన ధోనీ (5) క్రీజులో ఉన్నది కొంతసేపే అయినా కూడా అభిమానులను ఆనందపరిచాడు. తొలి బంతికే ఫోర్ కొట్టి అదరగొట్టాడు. అయితే అనూహ్యంగా పెవిలియన్ బాట పట్టాడు.
రప్ఫాడించిన విల్ జాక్స్‌ - 9 వికెట్ల తేడాతో ఆర్సీబీ గెలుపు - IPL 2024
సంజు శాంసన్, జురెల్ మెరుపులు - ఉత్కంఠ పోరులో లఖ్నవూపై రాజస్థాన్ విజయం - IPL 2024 LSG VS RR
