Cricketers International Debut In Single Day: ఏ క్రీడల్లోనైనా తమ దేశ జాతీయ జట్టుకు ప్రాతినిధ్యం వహించడం ప్లేయర్లందరికీ గర్వకారణం. కెరీర్లో ఒక్కసారైనా జాతీయ జట్టులో స్థానం సంపాదించేందుకు ప్లేయర్లు ఎంతో కష్టపడతారు. కానీ, కొందరినే ఆ అదృష్టం వరిస్తుంది. అయితే భారత్- ఇంగ్లాండ్ టెస్టు సిరీస్లో భాగంగా శుక్రవారం (ఫిబ్రవరి 02)న విశాఖపట్టణం వేదికగా రెండో మ్యాచ్ ప్రారంభమైంది. ఈ మ్యాచ్తో భారత యువ ఆటగాళ్లు రజత్ పటీదార్ టీమ్ఇండియా తరఫున అంతర్జాతీయ అరంగేట్రం చేశాడు. అతడు టీమ్ఇండియా మాజీ పేస్ బౌలర్ జహీర్ ఖాన్ చేతులమీదుగా టెస్టు క్యాప్ అందుకున్నాడు.
ఈ నేపథ్యంలో క్రికెట్లో అరుదైన సంఘటన జరిగింది. శుక్రవారం (ఫిబ్రవరి 02) క్రికెట్ హిస్టరీలో అత్యధిక మంది ప్లేయర్లు అంతర్జాతీయ అరంగేట్రం చేసిన రోజుగా నిలిచింది. ఆయా దేశాల ద్వైపాక్షిక సిరీస్లు, మ్యాచ్లలో భాగంగా ఇవాళ 8మంది ప్లేయర్లు ఇంటర్నేషనల్ డెబ్యూ చేశారు. అందులో ఒక్క ఆఫ్గానిస్థాన్ జట్టులోనే ఏకంగా నలుగురు ప్లేయర్లు అరంగేట్రం చేశారు. అయితే ఇంతకుముందు ఇలా భారీ సంఖ్యలో ప్లేయర్లు అంతర్జాతీయ క్రికెట్లో అడుగుపెట్టిన సందర్భాలు లేవు. మరి ఆ ప్లేయర్లవరంటే?
- రజత్ పటీదార్ (భారత్)- భారత్ vs ఇంగ్లాండ్ మ్యాచ్
- షోయబ్‌ బషీర్‌ (ఇంగ్లాండ్)- భారత్ vs ఇంగ్లాండ్ మ్యాచ్
- జేవియర్‌ బార్ట్‌లెట్‌ (ఆస్ట్రేలియా)- ఆస్ట్రేలియా vs వెస్టిండీస్ మ్యాచ్
- లాన్స్‌ మోరిస్ (ఆస్ట్రేలియా) - ఆస్ట్రేలియా vs వెస్టిండీస్ మ్యాచ్
- నూర్‌ అలీ జద్రాన్‌(అఫ్గానిస్థాన్)- అఫ్గానిస్థాన్ vs శ్రీలంక మ్యాచ్
- నవీద్‌ జద్రాన్‌ (అఫ్గానిస్థాన్)- అఫ్గానిస్థాన్ vs శ్రీలంక మ్యాచ్
- జియా ఉర్‌ రెహ్మాన్‌ అక్బర్‌ (అఫ్గానిస్థాన్)- అఫ్గానిస్థాన్ vs శ్రీలంక మ్యాచ్
- మొహమ్మద్‌ సలీం (అఫ్గానిస్థాన్)- అఫ్గానిస్థాన్ vs శ్రీలంక మ్యాచ్
అఫ్గానిస్థాన్ జట్టులోనే నలుగురు: అఫ్గానిస్థాన్ జట్టు ప్రస్తుతం శ్రీలంక పర్యటనలో ఉంది. ఈ టూర్లో అఫ్గానిస్థాన్ ఆతిథ్య జట్టుతో ఒక టెస్టు, మూడు వన్డే, మూడు టీ20 మ్యాచ్ల సిరీస్ ఆడనుంది. ఈ నేపథ్యంలో శుక్రవారం ఇరుజట్ల మధ్య తొలి టెస్టు జరుగుతోంది. ఈ టెస్టు మ్యాచ్లోనే అఫ్గానిస్థాన్ నుంచి నలుగురు ప్లేయర్లు ఇంటర్నేషనల్ కెరీర్ ప్రారంభించారు.
