ఆస్ట్రేలియన్‌ ఓపెన్‌ సింగిల్స్‌ విజేతగా సినర్‌

Australian Open Mens Final 2024 : ఆస్ట్రేలియా ఓపెన్‌లో డిఫెండింగ్‌ ఛాంపియన్‌గా బరిలోకి దిగి మరో టైటిల్‌ నెగ్గాలని ఆశించిన వరల్డ్‌ నెంబర్‌ వన్‌ నొవాక్‌ జొకోవిచ్‌కు సెమీస్‌లో షాకిచ్చిన ఇటలీ కుర్రాడు జన్నిక్‌ సినర్ మరో సంచలన ప్రదర్శన చేశారు. ఫైనల్​లో మద్వదేవ్‌(రష్యా)పై గెలిచి ఈ టోర్నీ విజేతగా నిలిచాడు.

Australian Open Mens Final 2024 : వరుసగా రెండు సెట్లలో ఓటమి, సీనియర్‌ ప్లేయర్‌ దూకుడు, ఇలాంటి పరిస్థితుల్లో ఏ ఆటగాడైనా సరే మ్యాచ్‌ను అప్పగించేసి, ఓటమిని అంగీకరించి వచ్చేస్తారు. కానీ అతడు అలా చేయలేదు. చరిత్రలో నిలిచిపోయేలా అద్భుత పోరాటం చేశాడు. ఫలితంగా తొలిసారి గ్రాండ్‌స్లామ్‌ను సాధించాడు. అతడు ఇటలీ టెన్నిస్‌ ప్లేయర్‌ జనిక్‌ సినర్‌ (Jannik Sinner Australian Open). ఆస్ట్రేలియన్‌ ఓపెన్‌ పురుషుల సింగిల్స్‌ టైటిల్​ విజేతగా నిలిచాడు ఈ 22 ఏళ్ల కుర్రాడు.

Jannik Sinner Medvedev Highlights : తుది పోరులో మద్వదేవ్‌(రష్యా)పై సినర్‌ విజయాన్ని అందుకున్నాడు. 3-6, 3-6తో తొలి రెండు సెట్లు కోల్పోయిన సినర్‌ ఆ తర్వాత 6-4, 6-4, 6-3తో చివరి మూడు సెట్లు గెలిచి టైటిల్‌ గెలుచుకున్నాడు. ఆరంభంలో ఒత్తిడికి గురై వెనుకపడినప్పటికీ ఆ తర్వాత పుంజుకుని టైటిల్‌ను తన ఖాతాలో వేసుకున్నాడు. అలా ఆరంభంలో పెద్దగా పోరాడకుండానే తలొగ్గిన సినర్‌ను తక్కువగా అంచనా వేయడం వల్లే మెద్వెదెవ్‌ ఓటమి పాలయ్యాడు. దాదాపు 3 గంటల 45 నిమిషాల పాటు సాగిందీ మ్యాచ్​. ఇక తాజా ఓటమితో ఆస్ట్రేలియా ఓపెన్‌ టైటిల్‌ దక్కించుకోవాలన్న మూడో సీడ్‌ మెద్వెదెవ్‌ కల మళ్లీ కలగానే ఉండిపోయింది. 2021, 2022లలో కూడా మెద్వెదెవ్‌ ఫైనల్​ వరకు చేరి ఓటమి పాలయ్యాడు.

ఇక ఈ విజయంతో ఆస్ట్రేలియా ఓపెన్‌ గెలిచిన తొలి ఇటలీ ప్లేయర్‌గా సినర్‌ నిలిచాడు. 2014 తర్వాత జొకోవిచ్‌, ఫెదరర్‌, నాదల్‌ కాకుండా ఆస్ట్రేలియా ఓపెన్‌ టోర్నీ గెలిచిన తొలి ప్లేయర్‌ ఇతడే కావడం మరో విశేషం. 2014లో స్విట్జర్లాండ్‌కు చెందిన స్టాన్‌ వావ్రింకా టోర్నీ విజేతగా నిలిచాడు.

Novak Djokovic vs Jannik Sinner : కాగా, అంతకుముందు సెమీస్‌లో ప్రపంచ నంబర్‌ టూ ర్యాంకర్‌ నొవాక్‌ జకోవిచ్‌కు చుక్కలు చూపించాడు జనిక్‌ సినర్‌. ఇప్పుడదే ఊపును ఫైనల్‌లోనూ కొనసాగించి అదిరే ప్రదర్శన చేశాడు. సెమీస్‌లో జకోవిచ్‌ వరుసగా తొలి రెండు సెట్లను 1-6, 2-6 తేడాతో కోల్పోయాడు. అస్సలు ఏ మాత్రం పోటీ ఇవ్వలేకపోయాడు. కానీ మూడో సెట్‌లో మాత్రం తీవ్రంగా పోరాడిన జకోవిచ్‌ 7-6 (8/6)తో రేసులోకి వచ్చాడు. అయితే ఆ ఆనందం ఎక్కువ సేపు నిలవలేదు. నాలుగో సెట్‌లో సినర్‌ మళ్లీ విజృంభించాడు. జకోను బ్రేక్‌ చేసి 6-3తో సెట్‌ను సొంతం చేసుకోవడంతోపాటు ఫైనల్‌కు చేరుకున్నాడు సినర్.

• Jannik Sinner beats Daniil Medvedev 3-6 3-6 6-4 6-4 6-3 in the final to lift the men's singles title of the Australian Open 2024.
  
  (file photo) pic.twitter.com/OrliGn6B49

  — ANI (@ANI) January 28, 2024 " class="align-text-top noRightClick twitterSection" data="

  Jannik Sinner beats Daniil Medvedev 3-6 3-6 6-4 6-4 6-3 in the final to lift the men's singles title of the Australian Open 2024.
  
  (file photo) pic.twitter.com/OrliGn6B49

  — ANI (@ANI) January 28, 2024

  ">

  Jannik Sinner beats Daniil Medvedev 3-6 3-6 6-4 6-4 6-3 in the final to lift the men's singles title of the Australian Open 2024.
  
  (file photo) pic.twitter.com/OrliGn6B49

  — ANI (@ANI) January 28, 2024