AUS Vs WI 3RD ODI 2024 : గత వారం రోజులుగా అంతర్జాతీయ క్రికెట్‌లో అబ్బురపరిచే ఫీల్డింగ్ విన్యాసాలు జరుగుతున్నాయి. భారత్-ఇంగ్లాండ్ టెస్ట్ సిరీస్‌లో రోహిత్ శర్మ, బెన్ స్టోక్స్, శ్రేయస్ అయ్యర్ లాంటి స్టార్ ప్లేయర్ల క్యాచ్‌లను మరువకముందే మరికొన్ని అద్భుతాలు జరిగాయి. ఆస్ట్రేలియా-వెస్టిండీస్ మధ్య జరిగిన మూడో వన్డేలో ఆసీస్ బ్యాటర్ మార్నస్ లబుషేన్ అద్భుతంగా మెరుపు వేగంతో క్యాచ్ను అందుకున్నాడు.
ఆసీస్ ఫాస్ట్ బౌలర్ లాన్స్ మోరిస్ వేసిన ఔట్సైడ్ ఆఫ్ స్టంప్ బాల్ను వెస్టిండీస్ బ్యాటర్ కార్టీ షాట్ కొట్టేందుకు ప్రయత్నించాడు. ఆ బంతిని పట్టుకునేందుకు లబుషేన్ పక్షిలా గాల్లోకి ఎగిరి క్యాచ్ను అందుకున్నాడు. ఆ సమయంలో లబుషేన్ శరీరం నేలకు సమాంతరంగా ఎగిరి మరి క్యాచ్ను పట్టుకోవటం విశేషం. దీంతో వెస్టిండీస్ బ్యాటర్ కీసీ కార్టీ(22 బంతుల్లో 10 పరుగులు) వెనుదిరిగాడు. లబుషేన్ ఈ క్యాచ్ను పట్టిన తీరుకు వ్యాఖ్యాతలు కూడా ఫిదా అయ్యారు. ఈ క్రెడిట్ బౌలర్కు చెందాల్సినది కాదని ఫీల్డర్కు దక్కాలని అన్నారు. అయితే లాన్స్ మోరిస్కు ఇదే తొలి అంతర్జాతీయ వికెట్ కావడం విశేషం. ఈ మ్యాచ్తోనే మోరిస్ అంతర్జాతీయ క్రికెట్ల్లో అరంగేట్రం చేశాడు.
రెండో వన్డేలోనూ సూపర్ క్యాచ్
అంతకుముందు రెండో వన్డేలో ఆసీస్ ఫీల్డర్ కామెరూన్ గ్రీన్ అద్భుతమైన క్యాచ్ను పట్టుకున్నాడు. అబాట్ బౌలింగ్లో రోస్టన్ చేజ్ షాట్ తీసేందుకు ప్రయత్నించాడు. మిడ్ వికెట్లో ఉన్న కామెరూన్ గ్రీన్ మెరుపు వేగంతో తన ఎడమవైపునకు దూకి క్యాచ్ను పట్టాడు.
విండీస్ ఘోర ఓటమి
ఇకపోతే ఈ మూడో వన్డే మ్యాచ్లో విండీస్ ఘోరంగా ఓటిమిపాలైంది. టాస్‌ గెలిచి తొలుత బ్యాటింగ్కు దిగిన విండీస్ కేవలం 86 పరుగులకే కుప్పకూలింది. ఆసీస్ జట్టులో యువ పేసర్‌ జేవియర్ బార్ట్‌లెట్ 4 వికెట్లు, లాన్స్ మోరిస్, జంపా రెండు వికెట్లతో విండీస్ను ఓడించారు. వెస్టిండీస్ బ్యాటర్లలో ఎనిమిది మంది బ్యాటర్లు సింగిల్‌ డిజిట్‌ స్కోర్లకే పరిమితమయ్యారు. అనంతరం లక్ష్య ఛేదనలో ఆస్ట్రేలియా 6.5 ఓవర్లలోనే 2 వికెట్లు కోల్పోయి 87 పరుగుల లక్ష్యాన్ని ఛేదించింది. కాగా, రెండు టెస్ట్లు, మూడు వన్డేలు, మూడు టీ20 మ్యాచ్ల్లో తలపడేందుకు వెస్టిండీస్ జట్టు ఆస్ట్రేలియా పర్యటనకు వచ్చింది. టెస్ట్ మ్యాచ్ను 1-1తో సమంగా నిలిచింది. వన్డేలో ఆడిన రెండు మ్యాచుల్లోనూ ఆస్ట్రేలియానే విజయం సాధించడంతో సిరీస్ ఈ జట్టుకే దక్కింది. ఇక నేడు(ఫిబ్రవరి 6) మంగళవారం నామమాత్రంగా కాన్బెర్రా వేదికగా జరిగిన మూడో వన్డేలోనూ విండీస్ ఘోరంగా ఓటిమిపాలైంది.
