ఆకాశ్ దీప్ కళ్లుచెదిరే సిక్స్​లు - అది విరాట్ ఇచ్చిన బ్యాటేనా? - Akash Deep Sixes

Akash Deep Sixes With Virat Bat : టీమ్ఇండియా పేసర్ ఆకాశ్ దీప్ బంగ్లాతోే జరుగుతున్న తొలి ఇన్నింగ్స్​లో రెండు కళ్లుచెదిరే సిక్స్​లు బాదాడు. అయితే విరాట్ కోహ్లీ బ్యాట్​తోనే ఆకాశ్ ఈ సిక్స్​లు బాదాడని సోషల్ మీడియాలో వైరల్ అవుతోంది. మరి ఇందులో నిజమెంతంటే?

Akash Deep Sixes With Virat Bat : బంగ్లాతో జరుగుతున్న టెస్టులో భారత్ తొలి ఇన్నింగ్స్​ 285/9 స్కోర్ వద్ద డిక్లేర్డ్ చేసింది. దీంతో తొలి ఇన్నింగ్స్​లో బంగ్లాపై 52 పరుగుల ఆధిక్యం సాధించింది. అయితే ఈ ఇన్నింగ్స్​లో యంగ్ పేసర్ ఆకాశ్ దీప్ కళ్లు చేదిరే సిక్స్​లతో ఆకట్టుకున్నాడు. షకిబ్ అల్ హసన్ వేసిన 34వ ఓవర్లో ఆకాశ్ ఎదుర్కొన్న రెండో, మూడో బంతిని స్టాండ్స్​లోకి పంపి ఆశ్చర్యపరిచాడు. దీంతో డ్రెస్సింగ్ రూమ్​లో కూర్చొన్న కోచ్ గంభీర్, కెప్టెన్ రోహిత్ శర్మ, విరాట్ కోహ్లీ కూడా చప్పట్లు కొడుతూ ఆకాశ్​ను ప్రోత్సహించారు.

ఈ ఇన్నింగ్స్​లో ఆకాశ్ వాడిన బ్యాట్​కు ప్రముఖ కంపెనీ ఎమ్​ఆర్ఎఫ్ (MRF) స్టిక్కర్ ఉంది. సాధారణంగా స్టార్ బ్యాటర్ విరాట్ కోహ్లీ బ్యాట్​కు కూడా MRF కంపెనీయే స్పాన్సర్. అయితే విరాట్ రీసెంట్​గా ఆకాశ్​కు ఓ బ్యాట్​ గిఫ్ట్​గా ఇచ్చాడు. దీన్ని ఆకాశ్ స్వయంగా సోషల్ మీడియా ద్వారా వెల్లడించాడు. తాజాగా ఆకాశ్ ఆ బ్యాట్​తోనే రెండు సిక్సర్లు బాదాడంటూ సోషల్ మీడియాలో వైరల్ అవుతోంది. మరి ఇందులో నిజం ఎంతంటే?

Akash Deep 12(3)*

You never miss when you have selfless Virat Kohli's bat 💪 pic.twitter.com/rsUX3CeueD

— A (@_shortarmjab_) September 30, 2024

అది విరాట్ బ్యాటేనా?
ఇటీవల విరాట్ కోహ్లీ తన బ్యాట్​ను ఆకాశ్ దీప్​కు బహుమతిగా ఇచ్చాడు. తాను విరాట్ నుంచి బ్యాట్​ గిఫ్ట్​గా అందుకున్నట్లు ఆకాశ్ దీప్ సోషల్ మీడియా అకౌంట్​లో షేర్ చేశాడు. అయితే తాను అడగకుండానే విరాట్ బ్యాట్​ ఇచ్చాడని ఆకాశ్ చెప్పాడు. ఆ బ్యాట్​తో ఎప్పుడూ క్రికెట్ ఆడడని, దాన్ని విరాట్ గుర్తుగా ఉంచుకుంటానని ఆకాశ్ ఇప్పటికే ఓ సందర్భంలో తెలిపాడు.

'విరాట్ భయ్యా స్వయంగా నాకు బ్యాట్ గిఫ్ట్​గా ఇచ్చాడు. నా బ్యాటింగ్ ప్రాక్టీస్​ను విరాట్ గమనించాడు. అప్పుడే నాలో ఏదో గమనించిన ఆయన స్వయంగా నా దగ్గరకు వచ్చి 'బ్యాట్ కావాలా?' అని అడిగాడు. విరాట్ భయ్యా బ్యాట్ ఎవరు వద్దనుకుంటారు? నేను కూడా ఆయన బ్యాట్ కావాలనున్నా. అప్పుడే 'ఏ బ్యాట్​తో ప్రాక్టీస్ చేస్తావు' అని నన్ను అడిగాడు. నేను నవ్వుతూ ఊరుకున్నా. వెంటనే విరాట్ భయ్యా 'ఇదిగో ఈ బ్యాట్ తీసుకో' అంటూ నాకు తన బ్యాట్ ఇచ్చాడు. ఆ బ్యాట్ విరాట్ భయ్యా నుంచి నాకు వచ్చిన పెద్ద బహుమతి. నేను ఎప్పటికీ ఆ బ్యాట్​తో ఆడను. దాన్ని నా రూమ్​లో ఓ గుర్తుగా గోడకు తగిలించుకుంటా' అని ఆకాశ్ ఇటీవల చెప్పాడు.

Akash Deep smashed 2 sixes in 2 balls with Virat Kohli's bat. 🤣👌#ViratKohli #INDvsBAN pic.twitter.com/kh24LDdf7h

— Sanatani_Ashish 🇮🇳 (@ashi790mishra4) September 30, 2024

Akashdeep smashed 2 sixes with Virat Kohli's bat.#INDvBAN pic.twitter.com/Dl0nu3b2mB

— Sagar (@sagarcasm) September 30, 2024

దీని బట్టి విరాట్ గిఫ్ట్​గా ఇచ్చిన బ్యాట్​తో కాకుండా మరో బ్యాట్​తో ఆకాశ్​ సోమవారం బరిలోకి దిగి ఉంటాడు. మరి అతడు ఏ బ్యాట్​తో ఆడాడో ఆకాశ్ స్వయంగా వెల్లడించాల్సి ఉంది.