Margasira Masam Festivals : శ్రీకృష్ణ భగవానుడు భగవద్గీతలో చెప్పినట్లుగా మాసాలలోకెల్లా మార్గశిర మాసం అత్యుత్తమమైనది. మార్గశిర మాసానికి నిజంగానే అంత ప్రాముఖ్యం ఉంది. ఆధ్యాత్మికత వెల్లివిరిసే మార్గశిర మాసంలో అనేక విశేషమైన పర్వదినాలు, పుణ్యతిథులు ఉన్నాయి. మార్గశిర మాసంలో వచ్చే పర్వదినాల గురించి ఈ కథనంలో తెలుసుకుందాం.
ఆధ్యాత్మికత వెల్లివిరిసే మార్గశిరం
తెలుగు పంచాంగం ప్రకారం డిసెంబర్ 2 వ తేదీ సోమవారం మార్గశిర శుద్ధ పాడ్యమితో మార్గశిర మాసం మొదలై డిసెంబర్ 30 వ తేదీ సోమవారం మార్గశిర అమావాస్యతో ముగుస్తుంది.
- డిసెంబర్ 1వ తేదీ ఆదివారం అమావాస్య: ఈరోజుతో కార్తిక మాసం ముగుస్తుంది. తిరుచానూరు శ్రీ పద్మావతి అమ్మవారి కార్తిక బ్రహ్మోత్సవాల్లో భాగంగా ఉదయం 8 నుండి 10 గంటల వరకు కల్ప వృక్ష వాహనసేవ జరుగుతుంది. రాత్రి 7 నుంచి 9 గంటల వరకు హనుమంత వాహన సేవ జరుగుతుంది.
- డిసెంబర్ 2వ తేదీ సోమవారం మార్గశిర శుద్ధ పాడ్యమి: పోలి పాడ్యమి. ఈరోజు పోలి బొందితో స్వర్గానికి వెళ్లిన రోజు. ఈరోజు నదీ స్నానం అత్యంత పవిత్రం. ఇదే రోజు సాయంత్రం 7 గంటల నుంచి జ్యేష్ఠ కార్తె ప్రారంభమవుతుంది. తిరుచానూరు శ్రీ పద్మావతి అమ్మవారి కార్తిక బ్రహ్మోత్సవాల్లో భాగంగా ఉదయం 8 నుండి 10 గంటల వరకు పల్లకీ ఉత్సవం, వ‌సంతోత్స‌వం జరుగుతాయి. రాత్రి 7 నుంచి 9 గంటల వరకు గజవాహన సేవ జరుగుతుంది.
- డిసెంబర్ 3 వ తేదీ మంగళవారం మార్గశిర శుద్ధ విదియ: చంద్ర దర్శనం. తిరుచానూరు శ్రీ పద్మావతి అమ్మవారి కార్తిక బ్రహ్మోత్సవాలలో భాగంగా ఉదయం 8 నుంచి 10 గంటల వరకు స‌ర్వ‌భూపాల వాహనం, మధ్యాహ్నం స్వర్ణరథం, రాత్రి 7 నుంచి 9 గంటల వరకు గరుడ వాహన సేవ జరుగుతాయి.
- డిసెంబర్ 4 వ తేదీ బుధవారం మార్గశిర శుద్ధ తదియ: తిరుమంగైయాళ్వార్ ఉత్సవం ప్రారంభం. తిరుచానూరు శ్రీ పద్మావతి అమ్మవారి కార్తిక బ్రహ్మోత్సవాలలో భాగంగా ఉదయం 8 నుండి 10 గంటల వరకు సూర్యప్రభ వాహనం, రాత్రి 7 నుంచి 9 గంటల వరకు చంద్రప్రభ వాహన సేవ జరుగుతాయి.
- డిసెంబర్ 5 వ తేదీ గురువారం మార్గశిర శుద్ధ చవితి: మార్గశిర లక్ష్మీవార వ్రతం మొదటి వారం. తిరుచానూరు శ్రీ పద్మావతి అమ్మవారి కార్తిక బ్రహ్మోత్సవాలలో భాగంగా ఉదయం శ్రీ పద్మావతీ అమ్మవారి రథోత్సవం జరుగుతుంది. రాత్రి 7 నుంచి 9 గంటల వరకు అశ్వ వాహన సేవ జరుగుతాయి.
- డిసెంబర్ 6 వ తేదీ శుక్రవారం మార్గశిర శుద్ధ పంచమి: పంచమి తీర్ధం. తిరుచానూరు శ్రీ పద్మావతి అమ్మవారి కార్తిక బ్రహ్మోత్సవాలలో భాగంగా ఉదయం పద్మసరోవరంలో శ్రీ పద్మావతి అమ్మవారి చక్రస్నానం జరుగుతుంది. అదే రోజు సాయంత్రం ధ్వజావరోహణంతో శ్రీ పద్మావతి అమ్మవారి వార్షిక బ్రహ్మోత్సవాలు ముగుస్తాయి.
- డిసెంబర్ 7 వ తేదీ శనివారం మార్గశిర శుద్ధ షష్టి: సుబ్రహ్మణ్య షష్టి, తిరుచానూరు శ్రీ పద్మావతి అమ్మవారి ఆలయంలో పుష్పయాగం. తిరుపతి శ్రీ కపిలేశ్వర స్వామి సన్నిధిలో స్కంద షష్ట్యుత్సవం.
- డిసెంబర్ 8 వ తేదీ ఆదివారం మార్గశిర శుద్ధ సప్తమి: భానుసప్తమి.
- డిసెంబర్ 11 వ తేదీ బుధవారం మార్గశిర శుద్ధ ఏకాదశి: మోక్షద ఏకాదశి, సర్వ ఏకాదశి, గీతాజయంతి.
- డిసెంబర్ 12 వ తేదీ గురువారం మార్గశిర శుద్ధ ద్వాదశి: మార్గశిర లక్ష్మీవార వ్రతం రెండో వారం. మత్స్య ద్వాదశి. తిరుమలలో చక్రతీర్ధ ముక్కోటి.
- డిసెంబర్ 13 వ తేదీ శుక్రవారం మార్గశిర శుద్ధ త్రయోదశి: పక్ష ప్రదోషం. హనుమద్వ్రతం. తిరుపతి శ్రీ కపిలేశ్వర స్వామి సన్నిధిలో కృత్తికా దీపోత్సవం.
- డిసెంబర్ 14 వ తేదీ శనివారం మార్గశిర శుద్ధ చతుర్దశి పౌర్ణమి: శ్రీ దత్తాత్రేయ జయంతి. ఈ రోజు సాయంత్రం నుంచి పౌర్ణమి తిథి రావడం వల్ల ఈ రోజునే దత్తాత్రేయ జయంతిగా జరుపుకోవాలని పంచాంగకర్తలు సూచిస్తున్నారు.
- డిసెంబర్ 15 వ తేదీ ఆదివారం మార్గశిర శుద్ధ పౌర్ణమి/ పాడ్యమి: ధనుస్సంక్రమణం. తిరుమల శ్రీవారి ఆలయంలో కార్తిక దీపోత్సవం. కపిల తీర్ధ ముక్కోటి.
- డిసెంబర్ 16 వ తేదీ సోమవారం మార్గశిర బహుళ పాడ్యమి: ధనుర్మాసం ప్రారంభం. తిరుప్పావై. కాత్యాయనీ వ్రతం ఆరంభం
- డిసెంబర్ 18 వ తేదీ బుధవారం మార్గశిర బహుళ చవితి: సంకష్టహర చతుర్థి
- డిసెంబర్ 22 వ తేదీ ఆదివారం మార్గశిర బహుళ సప్తమి: భానుసప్తమి
- డిసెంబర్ 25 వ తేదీ బుధవారం: క్రిస్మస్ పండుగ
- డిసెంబర్ 26 వ తేదీ గురువారం మార్గశిర బహుళ ఏకాదశి: సర్వ ఏకాదశి
- డిసెంబర్ 28 వ తేదీ శనివారం మార్గశిర బహుళ త్రయోదశి: శని త్రయోదశి, శని ప్రదోషం.
- డిసెంబర్ 29 వ తేదీ ఆదివారం మార్గశిర బహుళ చతుర్దశి: మాస శివరాత్రి.
- డిసెంబర్ 30 వ తేదీ సోమవారం మార్గశిర బహుళ అమావాస్య: సోమావతి అమావాస్య, ధర్మ అమావాస్య . ఈరోజుతో మార్గశిర మాసం ముగుస్తుంది. ఎన్నో విశేషమైన పర్వదినాలు, వ్రతాలు, పూజలకు నిలయమైన మార్గశిర మాసంలో శాస్త్రంలో చెప్పిన విధంగా పండుగలు, వ్రతాలు ఆచరిద్దాం. ఆధ్యాత్మిక ఆనందాన్ని పొందుదాం. శుభం భూయాత్!
ముఖ్యగమనిక : పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. అంతే కానీ, వీటిలో ఎలాంటి శాస్త్రీయ ఆధారాలు లేవనే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.
